1 TIMOTEU 3:16 - KARÚK-PËRIM KAWALU Nouveau Testament

¹⁶ Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

1 TIMOTEU 3:16 ပူးပေါင်းရင်းမြစ်များ

MATEU 1:23

“Teenan-e! Ŋaats na meetsi niints kee mob pëpës, në buk napäts niints, nuu jaka, Emanuel,” un ci wi, Nasien-batsi ni nja uci pa colësiaara.

MATEU 13:11

A Yeesu yank bukul aja: “Par ind, nda wëla pëme ngi pësien batsi, ngandoots ngunk mea. Maa bukul, bu wëlaatsa pëme ngul.

MATEU 28:2

Ucar umënts wun a utsia siintsar mak, par aka uwaanju Ajug un pëni wi di batsi awelee, a u bi ee kël pëlaak apënan, a u tsoar tsi ruets pul.

MATEU 3:16

Bi Yeesu kë ba bi pëmijana, a na pëni di mlik. Tsi uyëk umënts wun a batsi waantsar pa nul, a na win Uwejats Nasien-batsi kë welee tsi nul, anaami unk utuuba.

MATEU 4:11

Bi Ujabël kikoul bi, din a ngëwaanju bi ee ka këmandul.

MARKU 1:13

A na ro ngënu ngëntaaja ngëbaakër di ulaalats, a Useetaani kë teen-teenanul. A na ci rul ni ngë n jar, a ngëwaanju kë këmandul.

MARKU 16:19

Bi Yeesu, Ajug ba bi pëñakanaan bukul, a na tsëpanda batsi, a na tsoar tsi kariir Nasien-batsi.

MARKU 16:5

Bi ba niaj bi pëbuk, a ba win ulon upaas tsoar tsi kajara kariir, atiema iŋi ifaacal; a bakaats pikra, ba lënk mak.

LÚKAS 2:32

ufac pa upiban bañaan ban cits biki Bajudeu, ni përëmb Israel, bañaanu.”

LÚKAS 20:44

Bi u ci bank, Dawid aja na roon nuu ruul koo jaul: ‘Ajug;’ a um bi nul Këristu ci bën abuk Dawid, aja?”

LÚKAS 22:43

[Uwaanju batsi pibandar tsi nul, a u watsësul uyëlan.

LÚKAS 24:4

Bi ba katse me bi bu kë ro bi tsi uleka ko umënts wan, din a bayënts batëb, ban tiema biki iŋi a yu lik-lik, pibandar tsi bukul.

LÚKAS 24:51

Bi na ci bi tsi pëbeenir bukul, na patsësa bukul, a na tsëpanda batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 1:14

A Përim witsësar aci ñaan-najin; a na ciina tsi pëncuaf nja acum ni bëtseend ni ucär. Ngë win përëmbul, aci pi përëmb Kanbuka koorul baŋ tsi Asinul.

KAKÚRAN-KAWAR YEESU KRISTU BI JOŊ LEENŢ BI KUL AJA 13:3

Yeesu me Asinul wëlul ngëko bëlieng tsi iñanul, na me buts na pënë-ni tsi Nasien-batsi, a nu tsëp di Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 15:26

Ubi natsënk ni ndu n wëtani indi na pënëni tsi Asin nji, nul Uwejats ucär un pënëni wi di Asin nji, wul ka leents uleka nji.

KAKÚRAN-KAWAR YEESU KRISTU BI JOŊ LEENŢ BI KUL AJA 16:28

Man pënë-ni di Asin, a n bi tsi umundu; mán pën tsi umundu, ka tsëp di Asin.”

KAKÚRAN-KAWAR YEESU KRISTU BI JOŊ LEENŢ BI KUL AJA 17:5

A inkri, Paapa, rëmbanin tsi wi bërieru, ni përëmb pi n ka pi tsi wi, bi umundu netse bi leempa.

KAKÚRAN-KAWAR YEESU KRISTU BI JOŊ LEENŢ BI KUL AJA 20:12

a na win ngëwaanju ngëtëb nga tiema ngi iŋi ifaacal, a nga tsoar tsi tsëko tsi puum Yeesu ro tsi tsuaa; ulon atsoar tsi ubuuru been, a ucints tsoar tsi ubuuru itsiim.

KAKÚRAN-KAWAR YEESU KRISTU BI JOŊ LEENŢ BI KUL AJA 6:62

A we kee ci wun, u ci ndee win Abuk ñaan-najin, a nu paya pëwitsa tsi na ro tsi ci ucäk?

NGËRO 1:19

Bañaan bëlieng ban ciina biki Jerusalem bi me ko wan. Wul ka wun, tsi ulíingu bukul, bërig bëmënts bun kë jaka Akelëdama, un ci wi, bërig-pëñaak.

NGËRO 10:34

A Per jankmaul aja: “Tsi ucär, man yëkëran Nasien-batsi di ka kicës bañaan;

NGËRO 14:27

Bi ba band bi Antiookia, a ba jukëlan bañaan Ngëriisia, ba leents bukul ngëko ngi Nasien-batsi ro ngi ni bukul, ni bi na waants bi ban cits biki Bajudeu pëlëman uwak.

NGËRO 20:28

Nda tsuunkari iyeen ind bërier ind, ndë tsuunkar pëtan ngënkaanel pi Uwejats-ujënts tsu ind pi pëci bawaay, pa nda yafan Ngëriisia Nasien-batsi ngi na weelëna ngi pëñaakul bërierul.

ROOMA 10:12

Kaats ko un patsëlan wi Najudeu ni nagërek, par bukul bëlieng bu bof Ajug, a na ci narëmb pa ba nja biki ba roon bu kë ruul bëlieng.

ROOMA 10:18

Maa mán yepar: Ane bë teets-a? Tsi ucär bë te! “Përim bukul atea di ucaak bëlieng, a irim bukul tea te di ngëntsañi umundu.”

ROOMA 16:25

Përëmb pa wëlaan nan ka unk pëyëlan pa pënatsan ind, bi n leents ind bi Upetsan-uwar, ni përim pi Yeesu Këristu leents pi, bi na piban bunk undoots wunk meaa, a u ro gaangaa ki ngëwal ngan par ngi;

ROOMA 16:26

maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

ROOMA 3:4

Nin-a! Maa Nasien-batsi na yëkëraan na ci nacӓr, ñaan-najin nan ci ba këci, ka ci natsup, bi u picana bi aja: “Wi pëwina m ci namabal tsi irimu kë gaañaar uwatau pëleents.”

ROOMA 8:3

Par ko wi ngëtsua roots wi yëlan përo, undo bi uliaf tsu bi wul kakaats-pëyëlan, Nasien-batsi aro wul, bi na wëtani Abukul bërierul tsi bënaam uliaf ujuban, a na lacan ujuban un ci wi tsi uliaf,

ROOMA 9:5

tsi bukul tsi basin pënë-ni tsun, a tsi bukul buts tsi pëñaak, tsi Këristu pënë-ni tsun; a tsi ruets ngëko bëlieng, nul ci-un Nasien-batsi na n jaaree ngëwar pa sandëndën. Ameen!

1 KORINTU 15:47

Ñaan nacäk na leempënee mboos, aci ni utsia. Ñaan natëbantsan apënë-ni batsi.

1 KORINTU 2:7

Maa, wund añakanaan kameko Nasien-batsi kan doots ki mea, a ka beka, ki Nasien-batsi rat ki pa përëmb nja ki umundu netse ki leempa.

2 KORINTU 1:19

Par Abuk Nasien-batsi, un ci wi Yeesu Këristu, cits nan ci Eey-e ni an-a. Maa Eey-e aciina tsi nul! Nul ni wund leents ind un, nji ni Silwaanu, ni Timoteu.

GALAASIA 2:8

par na leemp unk bi Per, a na tsuul pëci Napostolu bawela-kambac, nul leemp un buts bi nji, a na tsuin pëci Napostolu ban cits biki Bajudeu.

GALAASIA 4:4

maa, a ngëwal kë band, a Nasien-batsi yëli Abukul, nan pënë-ni tsi ŋaats, a na pënë-ni tsi ulua,

EFEESU 1:9

Nul tsu nja un pëme un doots wi mea, wi bëŋalul, bi u ci bi tsi ko uwar wi na ŋal wi u ci, a na tsu wul tsi Këristu;

EFEESU 6:19

Nda ñaanarin buts, pa përim pëwëlain uwal wi ndu n waaban wi mtum, pa pëpiban tsi bëyeentsal undoots wi mea tsi Upetsan-uwar,

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 1:6

un baandi wi tsi ind. A bi u buk bunk a uu ya këya bërun tsi umundu bëlieng, unk di u ci run tsi përo tsi pëncuaf ind, ki unu wi nda te wunk uleka bëtseend Nasien-batsi a nda me bul tsi ucär.

KOLOS 2:2

Unk bu ka liinc-liincana ngëwaas, bu ka ci baloole tsi bëŋal. Din tsi bëka ban ci bi ba këci, bu ka tsënkan pëcum ni bëlipal, pëme wi Nasien-batsi undoots wunk mea, un ci wi Këristu;

2 TESALONIKA 1:10

Ka bi tsi unu umënts pii rëmbana tsi bañaanul bayëman, ba uwak biki bëlieng ka riangul tsi ngëwaas bukul. Te ind nda bof, par nda wak ko wi wund maatir wi a wund leents ind.

2 TESALONIKA 2:7

Par undoots wunk mea, wi kafetsats-ngëtsua, aci ba tsi uleemp. Maa aka këka na mobi wul inkri, aa në tsënkëna ka pënana tsi pëncuaf.

1 TIMOTEU 3:9

Ba moban ba liincan undoots wunk mea, wi uwak; ba moban tsi wul ni ume-kabats un jënts wi.

BAYEBËREU 1:3

Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.

BAYEBËREU 12:2

Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

BAYEBËREU 7:7

Mantotëlër cits tsi përim pi: “Nan ci nawiak ka ja un ngëwar pa nan ci napäts.”

BAYEBËREU 8:1

Inkri, un pe wi tsi nganjaka ngi, ci wun wi, bi ngë ka bink nan pei pëci nawiak-bajakan na naam ink, nan tsoari di batsi tsi kariir pëtsoari Kanpe-përëmbana, pi pësien;

1 PER 1:12

Bukul bu pibana u cits pa bukul bërier bukul, maa ind biki ba leempar bukun ngëko ngi nda leentsa ngi inkri; a baleents Upetsan-uwar leentsëna ind ngul tsi pëyëlan Uwejats-ujënts u wëtanee wi di batsi. Ngëko ngëmënts ngi, ngi ngëwaanju ŋal ngun pëjuunkats.

1 PER 1:20

Nul nan yecisee ki umundu netse ki leempa, maa na pibanaa tsi ngëwal ngëtuami ngi, pa undo ind.

1 PER 1:21

A tsi nul, tsi nda wakëna tsun Nasien-batsi, nul na natsaniuli di bacäts, a na wëlul përëmb, pa uwak ind ni uwats ind pëciina tsi Nasien-batsi.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 PER 3:22

Nul apaiya batsi ee ci di kariir Nasien-batsi, a ngëwaanju, ni msien, ni myëlan tienkëtsar tsi bërunul.

1 JOŊ 1:2

Ubiira apibandari, a wund win wul, wund leents uleka wul, aleents ind ubiira un dits wi ka ba; wul aro ci ni Asin, a wund pibana wul.

1 JOŊ 3:5

Nda me Këristu bi, pa pëñau ngëjubani njaa ujuban cits tsi nul.

1 JOŊ 3:8

Ñaan na mobi tsi përo ujuban, aci ni Ujabël, par Ujabël ajuban ki ujuundi. Ko umënts wun ka wun Abuk Nasien-batsi bi, pa pëcok uleemp Ujabël.

UPIBAN 17:5

Katím apicana tsi pëjúkul; ko wi ka pac wi meaatsa; iink di ka ci run: “Babiloonia, përaasa pëwiak, anin bakaats batúk-ufuts ni ngëñutsanuel ngi kandolaa ngi tsi umundu.”

UPIBAN 17:7

A uwaanju umënts wu n jain: “We ka wun m pikra? Un doots wunk mea tsi uleka ŋaats nun, ni tsi uleka un jar wi na rija wunk, un tsij wunk ngëyeen paaj ngun ni bëlon, ni këntin untaaja, mán leentsu ko wi u pac wi.

UPIBAN 7:9

A ngëmënts ngun par, din a n win: aci kandënd bañaan kawiak mak; ñaan yëlaants pëpin bukul. Bë pënë-ni ngëcaak bëlieng, ni këbuka bëlieng, ni bañaan bëlieng, ni ngëlíingu bëlieng; bu nats tsi bërun pëtsoari-pësien ni tsi bërun Ubuk-unkaanel wun. Bë tiema iŋi iyampal ifaacal, a ba tsij ikënd tsi iñan bukul.