1 TIMOTEU 2:10 - KARÚK-PËRIM KAWALU Nouveau Testament

¹⁰ maa ba tsuun ibats bukul tsi karo ngëwar, bi bakaats ba nja biki bërier bukul bu lënk Nasien-batsi ja bi ba roon bu kë ro.

1 TIMOTEU 2:10 ပူးပေါင်းရင်းမြစ်များ

NGËRO 9:36

A u ro ka nalon nafets Yeesu ŋaats di Jope, ni ka n jakee Tabita, uci wi Dorkas, un ci wi ubaca; nul acum ni karo-ngëwar, ni kawël-bëtseend.

NGËRO 9:39

A Per natsa atsëp ni bukul. Bi ba band bi, a ba tsëpandul di pëfër përuets, a bacätsëndan-bayën bukul bëlieng fayul, a bu kë kaan, ba pibanul ipantu, ni iŋi-bëtiem i Dorkas leemp yi, bi na wama bi ci ni bukul.

EFEESU 2:10

Par ngë ci ko wi Nasien-batsi leemp wi. Aleemp nja tsi Yeesu Këristu pa ngëwar ngi na ro ngi yecis ba, pa n ja pëci tsi përo ngul.

1 TIMOTEU 2:11

Ŋaats, na tsëkandari nuu juk, në mob tsi puu ro nga jaka ngi bëlieng.

1 TIMOTEU 2:9

Unk buts, bakaats ba tiemaan bëtiem ba yuk bi, bi urispiitu ni karika-pibandar. Bukul tsë tsu ibats bukul tsi banëmb, nin tsi mko-uwëru, nin tsi ilaants, nin tsi iŋi-bëtiem iñatsal;

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

TIITU 3:8

Përim pëmënts pi aci pan waka pi; a ŋal m doon kë mob mak tsi puu leents ngëmënts ngun, pa ba uwak biki tsi Nasien-batsi ka baar ibats tsi puu ro ngëwar. Ngëmënts ngun aci nga wara ngi mak, a nga ka bëkat pa bañaan.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

2 PER 3:11

Bi ngëko ngi ka bink pëgaraa bëlieng, uwom ukoraar bañaan wi nda ka un pëci? Nda ka puu yandaar tsi bëjëntsal, ni tsi pëlënk Nasien-batsi,

UPIBAN 2:19

‘Ma me ngi m ja ngi m doon kuu ro; a me bëŋalu ni uwaku, ni uleempu wi m ciina wi, ni umiira wi kë miira wi. Ma me, ngëtuami ngi m ci ngi tsi përo ape ngëcäk pëcum.