1 TIMOTEU 1:9 - KARÚK-PËRIM KAWALU Nouveau Testament

⁹ A ngë ka pëme ne, ulua tsuaatsa pa namabal, maa pa baro ko wi ulua pok wi, barika-ro ko wi ba jaka wi, balënkats-Nasien-batsi, bajuban, barispitaarats ngëyëman, barispitaarats Nasien-batsi, bafiŋ basin bukul, bafiŋ banin bukul, bafiŋ-bañaan,

1 TIMOTEU 1:9 ပူးပေါင်းရင်းမြစ်များ

MATEU 10:21

Ñaan ka mob ni ba tsaari, në gutsul na fiŋa; niints-nambukari ka mob napäts në gutsul na fiŋa; upäts ka natsara bábuk bukul, bu ka tsu bukul ba fiŋa.

ROOMA 1:30

bajaar bañaan ngan cits ngi, babër Nasien-batsi, bakarar, bape-iyeen bukul, baguukandar, bajaj-ngëwutsëtsuel, ni bamobats tsi përim ban buk biki bukul.

ROOMA 4:13

Cits tsi ngëtsua, tsi Abraam oo kajërul wëlënaa tsun uwatsan pëci barukanda umundu, maa aci tsi bëmabal tsi uwak.

ROOMA 5:20

Maa wël ngëtsua abi pa ulaci pëwatsësar, a tsi ujuban kë watsësar tsi, bëtseend kë pe këpe pëwatsësar;

ROOMA 6:14

Unk, ujuban di ka ka pëyëlan tsi ind, par nda cits tsi ngëtsua; maa tsi bëtseend Nasien-batsi.

GALAASIA 3:19

A ulua ci pa we? Wul atsua undo kaguus-ko, te ubi kajër ka watsana kunk, a ngëwaanju pibanaan umënts wan tsi kañan natsu-manteelar.

GALAASIA 5:18

Maa uci Uwejats Nasien-batsi tsijëna ind wun, nda mobats tsi ulua.

GALAASIA 5:21

ni mankocar, ni ukuj, ni buwaamal. A ngëko pi ngëmënts ngi, ma n ja ind, bi do bi car aleents ind, ban mob biki tsi përo ngul, bu ri ka rukanda pësien Nasien-batsi.

GALAASIA 5:23

ni kajuab-uwaas, ni kayëlan-uliaf; kaats ulua un pok wi ngëmënts ngi.

2 TESALONIKA 2:8

Din Kanfetsats-ngëtsua ka pibanee, nul ni Yeesu, Ajug, kë fiŋi ni ufuts mtumul, në ba ni nul ni ufietsar pëbiul.

1 TIMOTEU 4:7

Randan itëtan karika-rispitaar Nasien-batsi, ngëñakan bakaats batsafal; maa moban tsi pëliincandër tsi puu lënk Nasien-batsi.

1 TIMOTEU 6:20

Wi, Timoteu! Gaangan uwar ko wi m tananaa wi, kuu rand ngëñakan karika-rispitaar Nasien-batsi, ni irim mantotëlër in ci yi kafal maa a i jaka aci ume;

2 TIMOTEU 2:16

Randan ngëñakan karika-rispitaar Nasien-batsi. Par, ban ci biki tsi ngul, bu koo pe këpe përika-lënk Nasien-batsi.

2 TIMOTEU 3:2

Par, bañaan ka ruka ci baŋal-iyeen bukul, baŋal-uncaam, batsupalar, baguukandar, bakar Nasien-batsi, bamobats tsi përim ban buk biki bukul, barika-baran, barispitaarats ngëyëman,

TIITU 1:10

Par bacumal, bë ci barika-ro ko un jaka wi, bañakan ngëñakan ngan kaats ngi bëkat, bafäl-bañaan, apeena tsi biki kawela-kambac.

TIITU 1:16

bë ja ba roon bu kë ja bë me Nasien-batsi ank; maa tsi ngi bu kë ro ngi, bë niiraantsul. Bë ci bañutsanuel, barika-ro ko un jaka wi, bayëlaants përo nin ko u wara wi.

TIITU 1:6

najëŋal, aka pëci nan kaatsi ulaci, na nimëni ŋaats naloole. Në ka upäts ba uwak biki, te bë ri ka jakaa bë ci tsi ubiira u mabats wi, oo bë ci barika-ro ko un jaka wi.

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

BAYEBËREU 11:31

Uwak tsu wun a Raab, nul natúk-ufuts, fiŋaatsa, uwal wi baroots ko un jaka wi kë fiŋaa wi. Par bajuunkats, awelan bukul ni pëfac.

BAYEBËREU 12:16

Nda katandi ibats pa naro ngëko katúk-ufuts tsë ci, nin narispitaarats ko Nasien-batsi pi Esau, nul na waapi ngan ka ngi pëci ngiicul, ngi bajan, undo pëlat pëloole baŋ pi bariala.

1 PER 2:7

Unk, pa ind ba uwak biki, aci pëlaak pan ka pi bëkat; maa pa ban wakats biki, aci plaak pi baniew bër pi, a pul ruka pun ci pëlaak pëcäk pi pëtsaak,

1 PER 3:20

ngul ngan mobats ngi tsi përim uwal wi Nasien-batsi ci wi tsi umiira tsi pëlip ngënu Noe, bi nu yecis bi bëntsian. A bañaan ban cumats biki, un ci wi-bañaan këwas, ci bukun ban bueranaana biki mlik.

1 PER 4:18

A uci namabal kë buerëna tsi ko u ñats wi, tsum tsi na wakatsi tsi Nasien-batsi ni najuban kii ci tsun?

JÚDAS 1:15

pa pëwat bañaan bëlieng pëleents. Në lacan ba uwakats biki bëlieng tsi nul, tsi uleka ngëko ngi ba roona ngi bëlieng tsi kameets-nasien-batsi, ni ni irim ijuatsal yi bu kë jaarul yi bëlieng, bukul bajuban bameets-nasien-batsi.”

UPIBAN 21:8

Maa balal, ni ba mobats biki tsi uwak, ni bañutsanuel, ni bafiŋ-bañaan, ni baro ngëko katúk-ufuts, ni baro ngëko bëpene, ni bajintëla-icap, ni ban ci biki bëlieng batsup, tsëko bukul, ka ci bametsu pëwal pi ka yëk punk bërua ni ucof. Ci wun pëcäts pëtëbantsan.”

UPIBAN 22:15

Di utsand, ngëbuus, ni baro ngëko-bupene, ni baro ngëko katúk-ufuts, ni bafiŋ-bañaan, ni bajintëla-icap, ni na ŋali ba këŋal a nuu ro ngëko kafal!