1 TIMOTEU 1:5 - KARÚK-PËRIM KAWALU Nouveau Testament

⁵ Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

1 TIMOTEU 1:5 ပူးပေါင်းရင်းမြစ်များ

MATEU 12:35

A ñaan na waree, ka pënani ngëko ngëwar tsi bëka bëwar; a na waraatsee, ka pënani ngëko ka waraats tsi bëka ba waraatsa bi.

MATEU 5:8

Bu naak, ban ci biki bajënts ngëwaas, par bu kee win Nasien-batsi!

NGËRO 15:9

patsëlanatsi njani bukul; a tsi uwak, na jëntsan ngëwaas bukul.

NGËRO 23:1

A Pol kaŋan Bëjúk bawat-pëleents bawiak këkës, a na ja: “Batsaar ni nji bayënts, man yandaar tsi bërun Ajug ni uwejats uwar un ci wi-ba këci, te unu untsari.”

NGËRO 24:16

Wul ka wun, a n do buts uyëlan pa pëwëtaants pëtsij uwejats utsëkal tsi bërun Nasien-batsi, ni tsi bërun bañaan-bajin.

ROOMA 10:4

Par utuami ngëtsua, aci Këristu, pa bëmabal pëci pa na waki ba këwak.

ROOMA 12:9

Bëŋal, ba ciin ban tsijats bi kanguungu. Nda bëran ko u waraatsa wi, ndë mob u wara wi.

ROOMA 14:15

Par uci-undo kare-ko a m tsu ni nda tsaari a na juatsan, ande m katse m yandaar tsi bëŋal mantsaalar. Cäts tsu ni Këristu cätsari undoul na niam, tsi undo kare-ko.

ROOMA 9:1

Mán leents ucär tsi Këristu, in di ka n tsup. tsi Uwejats-ujënts, uwejats nji bërierin aleents ko wi n ci wi, aja:

1 KORINTU 13:1

Ŋal koo n ñakan mleents bañaan-bajin, ni ngi ngëwaanju, maa uci n kaats bëŋal ka ci pi pëfeeru ka cajës pun, oo pi usiinu ka las wun.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

1 TIMOTEU 1:18

Timoteu, napäts nji! Përim pi n du n tsuu pi pëmob, bi u jaka bi tsi irim in car yi aleentsa tsi ulekau, aci wi pëkaman ukam u wara wi, bi irim imënts ja bi;

1 TIMOTEU 1:19

kë moband tsi uwak, ni tsi uwejats un fac wi. Uwejats umënts wun, balon awëtan wul, din a ba niaman uwak.

1 TIMOTEU 3:9

Ba moban ba liincan undoots wunk mea, wi uwak; ba moban tsi wul ni ume-kabats un jënts wi.

2 TIMOTEU 1:3

Ma n ja Nasien-batsi baran, nul ni n ci tsi pëleempar, pi batiem-batiem nji, ni ume-kabats ujëntsal, uwal wnja wi n doon koo n lesu tsi bëñaan nji, bërëm ni pënak.

2 TIMOTEU 1:5

a n lesand uwak un ci wi di wi; kanguungu cits tsi wul. Wul, aro ci bërun di atiemu ŋaats, Lois, a u bi ci buts di aninu Ënis. A n baaraan pëfiaar u ci buts di wi.

2 TIMOTEU 2:22

Túkan ngëko ngi pëtsasa kë rí ngi, kë mob tsi bëmabal, ni tsi uwak, ni tsi bëŋal, ni tsi pëfac, kë bof ni biki kandu biki Ajug ni ngëwaas ngëjëntsal.

TIITU 1:15

Pa bajëntsal, ngëko bëlieng ajënts. Maa pa batsopal, bawakats, kaats ko un jënts wi, par uwejats bukul ni ume-kabats bukul atsop;

BAYEBËREU 10:22

nda ju ngë wok Nasien-batsi ni uwaas un ci wi ucär, ni tsi kacum uwak, a ngëwaas jëntsana ume-kabats un tsij wi ko u waraatsa wi, a ngëliaf ñawaa ni mlik mjëntsal.

BAYEBËREU 13:18

Nda ñaandëri wund, par wund afiaar koon ume-kabats wund jënts, a uŋal wund ci wund puu ro uwar tsi ngëko bëlieng.

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

JAKOB 4:8

Nda gige wokan Nasien-batsi, din në wokan ind. Nda ñawan iñan ind, ind baro-ngëjuban; nda jëntsani ngëwaas ind, ind ba tsijëna ngëwejats ngëtëb.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.

1 PER 3:21

A mlik mmënts mi ci mun ulimënts bëmijan ban bueran ind bink inkri, cits pa pëjëntsan mtsopi ngëliaf, maa pëjaankëma Nasien-batsi ni utsaag uwar tsi undo bi Yeesu natsee bi di pëcäts.

1 PER 4:8

A tsi ruets ngëko ngan bëlieng, nda tambandari bërier ind pëŋalëlar, par bëŋal ka kund ngëjuban ngëcumal mak.

2 PER 1:7

tsi ruets pëlënk Nasien-batsi, ndë watsës butsaar; tsi ruets butsaar, ndë watsës bëŋal.

1 JOŊ 3:10

Tsi ko wi, tsi upäts Nasien-batsi kë yëkëraana tsun, ni upäts Ujabël: nan ditsi ba ka ro ko u mab wi, cits napäts Nasien-batsi, nin na ŋalatsi ba ni ba tsaari.

1 JOŊ 3:23

A utsuaul ci wun wi: n ja pëwak tsi katim Abukul Yeesu Këristu, nja ka ŋalëlar tsi ngë ci tsi, bi na tsu bi di utsua.

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.