1 TESALONIKA 5:6 - KARÚK-PËRIM KAWALU Nouveau Testament

⁶ Bi u ci bank, n ja tsë ŋooy pi ban duka bukunk; maa nda jun ngë mob tsi kawaay, nja kë liingëlan ko.

1 TESALONIKA 5:6 ပူးပေါင်းရင်းမြစ်များ

MATEU 13:25

A bi bañaan ci bi tsi bëŋooy, a nabërul baandi ee saal pëmaanamaan di pëncuaf umaani, a na pën atsëp.

MATEU 24:42

Bi u ci bank, nda waayan, par nda meets unu wi Ajug ind kë bi wi.

MATEU 25:13

Bi u ci bank, nda waayan, par nda meets nin unu umënts, nin uwoora umënts.

MATEU 25:5

Bi nanim wama bi ka jon pëbaandi, a ba ŋënd bëlieng aa ba ŋooy.

MATEU 26:38

Din, a na ja bukul: “Uwaas nji ajuatsan mak aa ndu n tsas pëcäts. Nda rukaan tsi, ndë waay ni nji.”

MARKU 13:37

Ko wnja ind wi, ma nja pa bañaan bëlieng: ‘Nda waayan!’”

LÚKAS 12:37

Bë naak, baleemp biki nawiak kë tsënki biki a ba ci tsi kawaay! Mán leents ind ucär: Ka tiema iŋi-uleemp, në tsoaran bukul bariala, në kaaya nu wël bukul.

LÚKAS 12:39

Nda cikëndëni-e! Uci ajug kato ro me uwal wi nakiej kë bi wi, bitse ka wët katoul ka lúŋana.

LÚKAS 21:36

Nda waayan, nda ñaanan tsi uwal un ci wi-ba këci, pa ind pëka uyëlan pëbuërëna tsi ngëko ngan ka ngi pëbaandi bëlieng, pa ind pënats tsi bërun Abuk ñaan-najin.”

LÚKAS 22:46

A na ja bukul: “We! Nda ŋooy-a? Nda natsaan, nda ñaanan, pa nda rits yër tsi kafal.”

NGËRO 20:31

Nda waayan, ndë les wëtaants pëjukan kara ñaan tsi ind, ni mŋand, tsi ko undo wi ngëwaanu ngëwaants, bërëm ni pënak.

1 KORINTU 15:34

Nda kakari ngëwejats butsëkal, ind tsë juban. Par balon netse ka ume Nasien-batsi; ma nja ko wan pa pëkawaran ind.

1 KORINTU 16:13

Nda waayan, nda moban tsi uwak nda liincan, nda ciin bayënts, nda kaan uyëlan.

EFEESU 2:3

Nja bëlieng buts ngë ro ci pi bukul, nja kë yandaar tsi ngëko ngi uyamats nja kë rí ngi, nja kë ro ko wi uyamats ŋal wi, ni ko wi ngëwejats nja ŋal wi; a tsi bëci bañaan-bajin, ngë ro ci upäts uriab Nasien-batsi, pi ban duka bukunk.

EFEESU 5:14

par nga wina ngi bëlieng aci ufac. Wul ka wun u jaka: “Teenani, wi ni ka ŋooyi, natsaan tsi pëncuaf bacäts, Këristu ka fietsu.”

EFEESU 6:18

Nda moban tsi bëñaan tsi Uwejats-ujënts ngëwal bëlieng, ni tsi puu yep. Nda tambandari pëwaay tsi ko umënts wan, ni tsi puu yep pa bayëman bëlieng.

FILIIPUS 4:5

Kajuab-ngëwaas ind, bañaan bëlieng ba mean kul. Ajug awokani.

KOLOS 4:2

Nda moban tsi bëñaan, nduu waants ibats tsi bul, nduu baran;

1 TESALONIKA 4:13

Batsaar ni wund, wund ŋalats ind përits me ko tsi uleka bacäts, unk nda rits juatsan pi banduka bukunk, bukul ban kaats biki uwats.

1 TESALONIKA 5:10

nul nan cätsarinjai, pa ngë ci ank tsi kawaay, oo ngë ci ank tsi bëŋooy, nja kë ci ni nul, tsëloole.

1 TESALONIKA 5:8

Maa n ja ban ci biki biki pënak, nda ju ngë ci baliingëlën-ko, ngë waa kaŋí-ukam kakundëni bëjinc, ki uwak ni bëŋal, nja ka wura kaŋí-ukam kakundëni been, ki uwats pëbuer.

1 TIMOTEU 2:15

Maa kee na buerana uciul nambukari, uci tsi karika-pibandar a na mob tsi uwak, ni tsi bëŋal, ni tsi bëjëntsal.

1 TIMOTEU 2:9

Unk buts, bakaats ba tiemaan bëtiem ba yuk bi, bi urispiitu ni karika-pibandar. Bukul tsë tsu ibats bukul tsi banëmb, nin tsi mko-uwëru, nin tsi ilaants, nin tsi iŋi-bëtiem iñatsal;

1 TIMOTEU 3:11

A bakaats buts, bu ka pëci bañaan-urispiitu, barika-ja ko u waraatsa wi tsi uleka ñaan; bu ka pëci baliingëlën-ko, bamab tsi ngëko bëlieng.

1 TIMOTEU 3:2

Bi u ci bank, iink di nawaay-bañaan ka run pëci: ka ci nan kaatsi ulaci, niints na nimëni ŋaats naloole, naliingëlan-ko, natsëkal, ñaan-urispiitu, nawelan-batsooŋ, në ci na yëli bëjukan.

2 TIMOTEU 4:5

Maa wi, moban beenu tsi ko un ci wi-ba këci, miiraan tsi unoor, leempan uleemp naleents Upetsan-uwar, leempan bëlieng uleemp wi m duuree wi.

TIITU 2:12

A buu jukani njapëwëtan karika-lënk Nasien-batsi, ni pëwëtan kari-ngëko umundu, pa tsi uwal wi ngë ci wink, nja kë yandaar tsi butsëkal, tsi bëmabal, ni tsi kalënk-Nasien-batsi;

TIITU 2:6

Unk buts, tseendan batsasa ibats, pa ba ci baliingëlën-ko.

1 PER 1:13

Wul ka wun, nda yecisëri tsi ume ind, ndë ci baliingëlën-ko, ndë baar uwats tsi bëtseend bi nda ka bi pëtsijee upibandari Yeesu Këristu.

1 PER 4:7

Inkri utuami ngëko bëlieng awokani. Nda pibani kameko, ndë lesar tsi bëñaan.

1 PER 5:8

Nda lesari, ndë waay. Ujabël un ci wi nabër ind ka fayësa pi ulioŋ wi ka ŋuulënts wi, a uu tsas ñaan ni u rei.

UPIBAN 16:15

Nda teenan-e! Mán bi pi nakiej. Anaak, nan duki ibats, a na tsuunkar iŋiul yi bëtiem uwar, pa na rits yandaar ni katiemaatsa-ko, mkawul përits winaa!

UPIBAN 3:2

Katan ibats! Liinc-liincani nganduka ngunk a nga wokan pëcäts, par nji winats ngi kë ro ngi ba pëci ngëwar tsi bërun Nasien-batsi nji.