1 TESALONIKA 5:12 - KARÚK-PËRIM KAWALU Nouveau Testament

¹² Batsaar ni wund, wund añaan ind, nda ru kaan karëmban biki ka leemp biki mak tsi pëncuaf ind, bukul biki ka waay ind biki tsi Ajug, a bu kë leentsar ind uci nda lac.

1 TESALONIKA 5:12 ပူးပေါင်းရင်းမြစ်များ

LÚKAS 10:7

Nda ciin tsi kato kamënts; ko wi ba ka wi, nduu re, nduu raan. Par, naleemp aka pëyank bëlukul. Ind tsë ja nda ci tsi kato, ndë pën ka but kacints.

KAKÚRAN-KAWAR YEESU KRISTU BI JOŊ LEENŢ BI KUL AJA 4:38

A nji ka n yël ind ink kacët tsi tsëko tsi nda leempats tsi; balon do bukun cíb tsi uleemp, a nda rukee yank bëkat uleemp bukul.”

NGËRO 20:28

Nda tsuunkari iyeen ind bërier ind, ndë tsuunkar pëtan ngënkaanel pi Uwejats-ujënts tsu ind pi pëci bawaay, pa nda yafan Ngëriisia Nasien-batsi ngi na weelëna ngi pëñaakul bërierul.

NGËRO 20:35

Tsi ko un ci wi-ba këci, man piban ind, ngë ka pëleemp uleemp uñatsal pa pëtsënk ban fier biki, nja kë les irim Yeesu, Ajug, i na ja yi nul bërierul: ‘Ni ka wëli ape ni ka yanki pëci nanaakal.’”

ROOMA 16:12

Nda leendarin Trifeena ni Trifoosa, bukul ba leemp biki ulemp uñatsal tsi Ajug. Nda leendarin Persis, na ŋalee, nul na noori mak tsi uleemp Ajug.

ROOMA 16:6

Nda leendarin Maaria, nul na noorar indi mak.

1 KORINTU 12:28

Di Ngëriisia, Nasien-batsi atsu balon pëci bapostolu ucak; utëbantsan, bayëlia; uwaajantsan, bajukan; a uu ba, baro bawitsa; a uu ba, ban ka biki ngëtseend pa pëyësan, ni batsënk, ni ba tsijëna, ni bañakan mleents ngëtsooŋ.

1 KORINTU 15:10

Maa tsi bëtseend Nasien-batsi, man ci ko wi n ci wi. A bëtseendul bi wëla bi, cits ko un kaats wi bëkat, maa man leemp a n pean bukul bëlieng, maa cits nji; aci bëtseend Nasien-batsi ka leemp bun ni nji.

1 KORINTU 16:16

Nda baari ibats ind tsi pëcikëndën bukul, ni nan bofi ba këbof tsi uleemp, a nuu cib tsi wul.

1 KORINTU 16:18

par, bu tsëkanin uwejats, ni ngëwejats ind. Bañaan pi bamënts biki nda moban bukul uwar.

1 KORINTU 3:9

Par wund aci ban bof biki tsi uleemp Nasien-batsi; a ind nda ci bërig uleemp Nasien-batsi, a nda ci kato ki Nasien-batsi leemp ki.

2 KORINTU 11:23

Mán ñakan pi in kaats uwejats. Bu ci baleempar Këristu-a? Nji man pe bukul! Tsi uleemp u ñats wi, man pe bukul! Tsi përica, man pe bukul! Tsi këlumbanj ki n lumbanjaa ki, jaakaats! Tsi pëjuatsan te a ndu n tsas pëcäts, ngëyaas ngëcumal!

2 KORINTU 5:9

Wul ka wun, nja ngë ka përo uyëlan pa pëci biki Ajug kë lílandër biki; ŋal nja ka wama ci tsi uliaf wi, oo ŋal nja ka pën tsi uliaf wi.

2 KORINTU 6:1

A wund biki ka leemp biki ni Nasien-batsi, wund abuara ind, ind tsë tienkëtsan bëtseend bi nda yank bi di Nasien-batsi.

GALAASIA 4:11

Man lënkar uleemp wi leemp wi tsi ind përits ka bëkat.

FILIIPUS 2:16

ind ba mob bikink përim ubiira aliincan. Unk, tsi Unu Këristu, ko umënts wun ka ci upícëni nji, undo pëtuk pi n túk pi, ni mcibi mi n cib mi, përits ci ko un kaats wi bëkat.

FILIIPUS 2:19

Tsi Yeesu Ajug, man wejats pëyëli Timoteu di ind, tsi ko un car wi, uwejats nji ka tsëk, ute nji uleka ind.

KOLOS 1:29

Wul ka wun n ci tsi uleemp uñatsal, a ndu n kamanaan uyëlan Këristu, wi ka leemp wi ni pëyëlan tsi nji.

1 TESALONIKA 2:9

Batsaar ni wund, nda lesan-e uleemp wund uñatsal, ni unoor wund, bi wund kë leents ind bi Upetsan-uwar Nasien-batsi, a wund ja wund roon wund kë leemp bërëm ni pënak, pa përits ci pëyunts pa nin nalon tsi ind.

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

1 TESALONIKA 5:14

A wund kë buara ind, ind batsaar ni wund, nda leentsari batsuunk-uleemp, nda liinc-liincani ngëwaas baraf-katsëb, nda tsënkan ban ci biki barafal, nda miiraan bañaan bëlieng.

1 TIMOTEU 5:1

Cats leentsar natsafal ni irim itambal, maa tseendanul ibats, pi aci asinu. Moban ipaas pi nda tsaar,

1 TIMOTEU 5:20

Ban ci biki tsi përo ujuban, leentsari bukul tsi bërun bañaan bëlieng, pa ban duka bukunk ka lënk.

2 TIMOTEU 2:6

A najaar na noori tsi kajaar, ka un pëyank bërun kafaul tsi ko wi mleempëna pënani wi.

TIITU 1:3

Nul, tsi ngëwal ngan yecisa ngi, apibanaan përimul, tsi kaleents-përim ki wëlaa ki, bi Nasien-batsi tsu bi, nul Nabueran inja.

TIITU 1:5

Man duku di Këreeta, undo ko wi: pa wi pëtuam pënatsan nganduka ngi a baats pënatsana, ni pëja di kara përaasa kë tsu bajëŋal, bi tsuu bi përo:

TIITU 2:15

Jaan ngëmënts ngun. Tseendan bañaan ibats. Ni ko un tsua wi bëlieng, leentsari ban ka biki pëleentsara. Cäts wët ñaan na beu.

BAYEBËREU 13:17

Nda roan ko wi ban tsijëna ind biki kë ja wi, ndë niiran wul; bë ci tsi pëwaay ngëwaas ind, par bu ka pëleents bi ba ro bi ja. Nda roan ko wi bu kë ja wi, bukul puu leemp uleemp bukul ni ulílan, u rits ci ni ngëwaas ngan de ngi. Par ucits ank ba, di ka wara ind.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.

UPIBAN 1:20

A un doots wunk mea, wi ngëpësaj paaj ngun ni ulon, ngi m win ngink tsi kariir nji, ni ipafëni ngëlamp, paaj yun ni kalon, i leempëna yi uwëru, ko umënts ci wun wi: Ngëpesaj paaj ngun ni ulon, aci ngëwaanju Ngëriisia paaj ngun ni ngëlon; a ipafëni ngëlamp, paaj yun ni kalon, aci iriisia paaj yun ni ngëlon.”

UPIBAN 2:12

Picari uwaanju Ngëriisia ngan ci ngunk di Peergamu, ja: “Kantsij ulaac ujulal un tsij wi ngëre ngëtëb, pi ci pun pi na ja pi:

UPIBAN 2:18

Picari uwaanju Ngëriisia ngan ci ngunk di Tiatiira, ja: “Abuk Nasien-batsi, nul ni këkësul naam ki pi kandiamënt bërua, a itsiim naam unk kaŋí katsak kan ci ki tsi pëyëk; pi ci pun pi na ja pi:

UPIBAN 2:3

M tambandar a m miira, undo katim nji, a m wëtats pëtambandar.

UPIBAN 2:8

Picari uwaanju Ngëriisia ngan ci ngunk di Sëmirna, ja: “Kanci Nacak ni Natuami, nul nandoi cats, maa a na kak aci nayësal, pi ci pun pi na ja pi:

UPIBAN 3:1

Picari uwaanju Ngëriisia ngan ci ngunk di Sardis, ja: “Kantsij ngëwejats paaj ngun ni ulon, ngi Nasien-batsi, ni ngëpesaj paaj ngun ni ulon, pi ci pun pi na ja pi: ‘Ma me ngi m ja ngi m doon kuu ro: M jaka m ka ubiira, maa m cats!

UPIBAN 3:14

Picari uwaanju Ngëriisia ngan ci ngunk di Laodiseeya, ja: “Kanci-ameen, nul Namaatir na mobi tsi uwak a na ciind nacӓr, nul nan ci nawiak ko wi Nasien-batsi leemp wi, pi ci pun pi na ja pi:

UPIBAN 3:7

Picari uwaanju Ngëriisia ngan ci ngunk di Filadeelëfia, ja: “Kanci-nayëman, Kanci-nacӓr, nul kantsijëna kanigësaani Dawid, nawaants te ñaan di ka ric, naric te ñaan di ka waants, pi ci pun pi na ja pi: