1 TESALONIKA 5:10 - KARÚK-PËRIM KAWALU Nouveau Testament

¹⁰ nul nan cätsarinjai, pa ngë ci ank tsi kawaay, oo ngë ci ank tsi bëŋooy, nja kë ci ni nul, tsëloole.

1 TESALONIKA 5:10 ပူးပေါင်းရင်းမြစ်များ

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:11

Nji n ci-un nayafan nawar; nayafan nawar ka wël ubiiraul pa ngënkanel.

KAKÚRAN-KAWAR YEESU KRISTU BI JOŊ LEENŢ BI KUL AJA 10:15

bi Asin nji mein bi, a me Asin nji, a ndu n wël ubiira nji pa ngënkanel.

KAKÚRAN-KAWAR YEESU KRISTU BI JOŊ LEENŢ BI KUL AJA 10:17

Bi u ci bank, Asin nji ŋalin, par mán wël ubiira nji, pa pëyank wul kak.

KAKÚRAN-KAWAR YEESU KRISTU BI JOŊ LEENŢ BI KUL AJA 15:13

Ñaan cits, nan kai bëŋal ban pe bi bi: ñaan pëwël ubiiraul bërierul undo ifetsarul.

ROOMA 8:34

Yën ci-un nalacan? Aci Këristu nul nan cätsi; oo andes nul na natsee di pëcäts, a na tsoar tsi kariir Nasien-batsi a nuu ñaanar nja.

1 KORINTU 15:3

Tsi ucak ko, nji ma wël ind ko wi n yanki wi buts, un ci wi: Këristu acäts undo ngëjuban nja bi Bëpica n ja bi,

2 KORINTU 5:15

A nul, a cätsar bañaan bëlieng, pa biki ka yafënts biki, bu katse ka yafëntsar iyeen bukul bërier bukul, maa bu ka yafëntsar nan catsar unk bukul, a na natsee di pëcäts pa bukul.

2 KORINTU 5:21

Nul Këristu nan kaatsi ujuban, Nasien-batsi tsul a na ci ujuban; pa tsi nul, nja ka ci bëmabal Nasien-batsi.

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

1 TESALONIKA 4:13

Batsaar ni wund, wund ŋalats ind përits me ko tsi uleka bacäts, unk nda rits juatsan pi banduka bukunk, bukul ban kaats biki uwats.

1 TESALONIKA 4:15

Ko wi, wi wund kë ja ind wun tsi përim Ajug: Ban cäts biki, ngë ri ka yër bukul bërun, njabayësal, n ja ban duka biki te ubiri Ajug.

1 TESALONIKA 4:17

A uu ba, n ja ban ci biki bayësal, n ja ban duka biki, nja ka wajaa ni bukul pëtsëp tsi ruets isa, pa pëjëk ni Ajug di ruets. Unk, nja ka ci ni Ajug, pa sandëndën.

1 TESALONIKA 5:6

Bi u ci bank, n ja tsë ŋooy pi ban duka bukunk; maa nda jun ngë mob tsi kawaay, nja kë liingëlan ko.

1 TIMOTEU 2:6

nul wël un ubiiraul bërierul pa pëlukëna pëbuer bañaan bëlieng: Ci wun ko u leentsa wi tsi uwal un do wi yecisa ba;

2 TIMOTEU 2:11

Përim pi, aci pëcar: Uci ngë cats ni nul, n ja kee kak koo yafënts ni nul;

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.