1 TESALONIKA 4:3 - KARÚK-PËRIM KAWALU Nouveau Testament

³ Par uŋal Nasien-batsi, aci ubiira ind pëci ujëntsal. Nda randan ngëko katúk-ufuts,

1 TESALONIKA 4:3 ပူးပေါင်းရင်းမြစ်များ

MATEU 12:50

Par, nan cii ba këci tsi përo uŋal Asin nji nan cii di batsi, namënts un aci nan tsaari ni nji, niints, ni nan tsaari ni nji, ŋaats, ni anin nji.”

MATEU 15:19

Par, di uwaas di ngëwejats nga waraatsa ngi kë pën-ni run: Kafiŋ-ñaan, pëjub, katúk-ufuts, kakiej, pëja gi mmatirits gi ni mankarar.

MATEU 5:32

Maa nji, man ja ind: Nan gari bënim aarul, te cits uleka ko katuk-ufuts, ka tsuul pëjub. A na nimi ŋaats nan gare bënim, a jubi.

MATEU 7:21

Cits biki ka n jain biki blieng: ‘Ajug, Ajug!’ Ka niaj bukun pësien batsi, maa aci ni kan doi uŋal Asin nji nan cii di batsi.

MARKU 3:35

Wul ka wun, nan ci ba këci tsi përo uŋal Nasien-batsi, namënts un aci nan tsaari ni nji, niints, ni nan tsaari ni nji, ŋaats, ni anin nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 4:34

A Yeesu ja bukul: “Bariala nji aci përo uŋal na yëliini, ni pëtuam uleempul.

KAKÚRAN-KAWAR YEESU KRISTU BI JOŊ LEENŢ BI KUL AJA 7:17

Uci ñaan ŋal përo uŋal Nasien-batsi, në me ne bëjukan bi apënë-ni tsi Nasien-batsi, oo ne mán ñakan uleka nji bërierin.

NGËRO 15:20

maa, ngë picar bukul, pa pëja bukul ba rand mtsopi icap, ni bukul përand ngëko katúk-ufuts, ni përand përe ngëyamats ngëcaam ngan bota ngi itsúts a nga cäts, ni përand përe pëñaak.

NGËRO 15:29

Nda randan përe nga n jakana ngi icap, ndë rand përe pëñaak, ndë rand përe ngëyamats ngëcaam ngan bota ngi itsúts a nga cäts, ndë randand ngëko katúk-ufuts. Uci nda rand ngëko ngëmënts ngi, nda ro uwar. Nda ciin uwar!”

NGËRO 20:32

A inkri, man tanan ind Nasien-batsi, ni përimul pi bëtseend, pan ka pi pëyëlan pëliican ind ni pëwël ind bërukanda ban tsuura bi ban patsana biki bëlieng.

NGËRO 26:18

kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

ROOMA 1:29

A ba cum ni kamabats kan ci ki ba këci, ni kawaraatsa, nikariisan-ko, ni kajuats-uwaas; bu cum ni mankocar, manfiŋar, mŋom, maniamëlan, ni karo ngëwutsëtsuel. Bu ci bakuetar,

ROOMA 12:2

Ind tsë ro bi bañaan umundu wi kë ro bi, maa, nda wëtan uwejats uwalu un ci wi di ind, u butan ind bëci; unk, ndë yëkëran un ci wi uŋal Nasien-batsi, wël u wara wi, a u líl, a u kës.

ROOMA 6:22

Maa inkri, bi nda facana bink tsi ujuban, a nda ruka ci baluek Nasien-batsi; ko wi ndu buk wi inkri aci bëjëntsal, tsi utuami u ci ubiira un dits wi ka ba.

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

1 KORINTU 7:2

maa undo ngëko katúk-ufuts, kara niints na kaan aarul, a kara ŋaats na kaan ayënul.

2 KORINTU 12:21

Man lënkar ubi nji bëyaas bëcints, Nasien-batsi nji përits kawaranin tsi pëncuaf ind ka ci tsi pëkaanar bacumal ban juban biki ki këlum a bë yaarats ibats tsi ngi ba ro ngi: ngëko ngëtsopal, katuk-ufuts, pëwëtandar tsi ngëko katuk-ufuts.

GALAASIA 5:19

Par, ngi uliaf kë ro ngi awinaa, ci ngun ngi: katúk-ufuts, ni mtsopi, ni pëbaar tsi mampiintsandar,

EFEESU 5:17

Wul ka wun, ind tsë ci bafuur; maa nda yëkërani ko wi Ajug ŋal wi.

EFEESU 6:6

Ind tsë ro ank tsi këkës bañaan-bajin din, pa bukul pëlilandër ind; maa nda ciin pi baluek Këristu, ndë mob tsi përo uŋal Nasien-batsi ni ngëwaas ind bëlieng.

KOLOS 1:9

Wul ka wun, wund buts, ki unu wi wund te wi ko wan, wund wëtaants pëñaandar ind, ni pëyep nda roon ndë cum ni ume uŋalul tsi kameko kan ci ki ba këci, ni tsi bëlipal, ngul ngi Uwejats Nasien-batsi kë wël ngi.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

1 TESALONIKA 4:2

Par, nda me ngëtsua ngi wund wël ind ngi, ngan pënë-ni ngi tsi Yeesu, Ajug.

1 TESALONIKA 4:4

kara ñaan tsi ind, në me bi nuu tsij bi uliaful tsi bëjëntsal ni tsi urispiitu.

1 TESALONIKA 5:18

Nda barani tsi ko un ci wi-ba këci, par umënts wun aci uŋal Nasien-batsi pa ind, tsi Këristu Yeesu.

1 TESALONIKA 5:23

Nasien-batsi pëfac, bërierul na jëntsani ind cës; a uwejats ind u gaangaan ni uwaas, ni uliaf tsi kakaats-ulaci, te ubiri Ajug nja Yeesu Këristu.

2 TESALONIKA 2:13

Batsaar ni wund, ind biki Ajug ŋal biki, wund aka pëbaran Nasien-batsi tsi uleka ind, tsi ngëwal bëlieng. Par ki ujuundi, Nasien-batsi aratar ind pëbuer. Nul aparanaan ko wan tsi Uwejats wi ka yëman wi, ni tsi pëwak tsi ucär.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 12:16

Nda katandi ibats pa naro ngëko katúk-ufuts tsë ci, nin narispitaarats ko Nasien-batsi pi Esau, nul na waapi ngan ka ngi pëci ngiicul, ngi bajan, undo pëlat pëloole baŋ pi bariala.

BAYEBËREU 13:21

Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

BAYEBËREU 13:4

Bënim, bañaan bëlieng ba rëmbani bul, a bëkaab bënim tsë tsopana ni ujuban. Par baro ngëko katúk-ufuts, ni baro-mjubi, Nasien-batsi ka wat bukul pëleents.

1 PER 1:2

Bukul ban data biki tsi kacär-ume Nasien-batsi Asin, tsi bi Uwejats jëntsan bi bukul pa pëmob tsi përim Yeesu Këristu, ni pëlicara pëñaakul. Bëtseend ba watsësaan ind ni pëfac.

1 PER 4:2

Unk tsi ngënu ngi nda rukanda ngi pëka tsi uliaf, nda katse ka ci tsi karí-ko ñaan-najin, maa tsi uŋal Nasien-batsi.

1 JOŊ 2:17

Te umundu ka par bëlieng ni karí-ko wul; maa ñaan nan ci tsi përo uŋal Nasien-batsi, ka mob tsi pëci pa sandëndën.

UPIBAN 21:8

Maa balal, ni ba mobats biki tsi uwak, ni bañutsanuel, ni bafiŋ-bañaan, ni baro ngëko katúk-ufuts, ni baro ngëko bëpene, ni bajintëla-icap, ni ban ci biki bëlieng batsup, tsëko bukul, ka ci bametsu pëwal pi ka yëk punk bërua ni ucof. Ci wun pëcäts pëtëbantsan.”

UPIBAN 22:15

Di utsand, ngëbuus, ni baro ngëko-bupene, ni baro ngëko katúk-ufuts, ni bafiŋ-bañaan, ni bajintëla-icap, ni na ŋali ba këŋal a nuu ro ngëko kafal!