1 TESALONIKA 4:11 - KARÚK-PËRIM KAWALU Nouveau Testament

¹¹ Nda tsuun tsi ibats puu yandaar tsi bëtsëkal, ni puu tsañ tsi ngiic ind, ni puu leemp ni iñan ind, bi wund tsu ind bi puu ro.

1 TESALONIKA 4:11 ပူးပေါင်းရင်းမြစ်များ

EFEESU 4:28

Nandoi ka kiej, nul tsë kiej kak; maa na leempëni iñanul bërierul ko u wara wi, pa pëka ko wi nuu wël wi nan fieri.

1 PER 3:4

maa ka ciin kan beka ki di uwaas ñaan, kan dits ki ka coka, ki uwejats mbëla, ni butsëkal. Wul ci wun ko un ka wi bëkat tsi bërun Nasien-batsi.

TIITU 3:14

Ba yiic nja, bu ka pëjuk buts puu pe këpe përo ngëwar, pa pëfierësaraan ngan fiera ngi tsi uyëk wul. Unk, ba rits ci bakaats-bëkat.

1 TIMOTEU 2:2

pa basien, ni ban tsua biki bëlieng pëci bañaan bawiak. Unk, nja ka fac nja ka tsëk, tsi pëlënk Nasien-batsi pan ci ba këci, ni tsi urispiitu.

1 KORINTU 4:12

Wund aleemp mak ni iñan wund aa wund noor. Wund aja wund kë karaa, wund kë ja ngëwar; wund kë noor-noorana, wund kë miira;

1 PER 4:15

Nin ñaan tsë ci tsi unoor tsi ind, pi nafiŋ-bañaan, oo nakiej, oo naro-ngëko-kawaraatsa, oo natsu mtumul di ngëko bañaan.

1 TIMOTEU 5:13

a bu kë tsuunkand karo-ko, a ba ja ba roon bu kë yaana ito. A te bë cits batsuunk rin, maa bu buer uñakan, a bu kë tsu mtum bukul tsi ngëko bañaan, bu kë ja ngi ba kaats ngi pëja.

2 KORINTU 5:9

Wul ka wun, nja ngë ka përo uyëlan pa pëci biki Ajug kë lílandër biki; ŋal nja ka wama ci tsi uliaf wi, oo ŋal nja ka pën tsi uliaf wi.

ROOMA 12:11

Ind tsë ci babisaran, maa nda ciin ba yëkan biki tsi uwejats, nduu leempar Ajug.

NGËRO 20:35

Tsi ko un ci wi-ba këci, man piban ind, ngë ka pëleemp uleemp uñatsal pa pëtsënk ban fier biki, nja kë les irim Yeesu, Ajug, i na ja yi nul bërierul: ‘Ni ka wëli ape ni ka yanki pëci nanaakal.’”

MARKU 13:34

Aci pi ñaan ni kan tsëpi bëyaas: Aruk katoul, a na tsu baleempul ko wi ba ka wi përo, kara ñaan ni uleempul; a na tsu nawaay-pëlëman na waay.

ROOMA 15:20

Unk, a n tambandër tsi pëleents Upetsan-uwar, di ngëleka ngi katim Këristu netse ngi leentsaa, pa përits niew tsi ruets ujuundi nalon;

NGËRO 18:3

Undo bi nuu ro bi uleemp uloole wun ni bukul, na tsëp ee ci ni bukul a nuu leemp, par uleemp bukul aci kaleemp ngëkundan.