1 TESALONIKA 4:10 - KARÚK-PËRIM KAWALU Nouveau Testament

¹⁰ A te nda ci tsi përo umënts wun tsi uleka biki ngë tsaar biki, bukul bëlieng, tsi Masedoonia bëlieng. Maa wund abuara ind, batsaar ni wund, ind puu pe këpe përo unk.

1 TESALONIKA 4:10 ပူးပေါင်းရင်းမြစ်များ

ROOMA 15:26

Par Ngëriisia Masedoonia ni ngi Akaaya, bëbaaraan pëwël bëtseend, pëtsënkëna baranj tsi bayëman ban ci biki di Jerusalem.

EFEESU 1:15

Wul ka wun, nji buts, uwal wi n te wi bañaan kë ñakanaan uleka uwak ind tsi Yeesu Ajug, ni bëŋal bi nda ka bi pa bayëmanul bëlieng,

FILIIPUS 1:9

A bëñaan nji ci bun bi: Bëŋal ind ba pelëki, buu pe këpe, tsi ume ni tsi buwinal,

KOLOS 1:4

Par wund ate uleka uwak ind tsi Këristu Yeesu, ni bëŋal bi nda ŋal bi bayëman bëlieng.

1 TESALONIKA 1:7

Unk, a nda ruka ci upibanaani ba uwak biki bëlieng di Masedoonia, ni di Akaaya.

1 TESALONIKA 3:12

Bëŋal bi nda ŋalëlar bi, a nda ŋaland bañaan bëlieng, Ajug na tsuun bul pëwatsësar, bu pelëk, pi bëŋal bi wund ŋal ind bi.

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

2 TESALONIKA 1:3

Batsaar ni wund, wund aka pëbaran Nasien-batsi tsi uleka ind, sandëndën; te aci ko u mab wi, par uwak ind aci tsi pë watsësar mak, a bëŋal bi nda ŋalëlar bi kë pelëk këpelëk tsi kara ñaan tsi ind bëlieng.

2 TESALONIKA 3:4

tsi Ajug, wund awak ind koon tsi ko wi: Ngi wund tsu ind ngi puu ro, nda ci tsi përo ngul, a nduu mob tsi përo ngul.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!