1 TESALONIKA 4:1 - KARÚK-PËRIM KAWALU Nouveau Testament

¹ Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

1 TESALONIKA 4:1 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 15:2

Kana kan ci ki-ba këci tsi nji a tsijats mbuk, në fal kul; a kan tsij ki mbuk, në jëntsan kul pa ka pe këpe pëtsij mbuk.

NGËRO 20:27

Par, nji n wëtats pëleents ind ko wi Nasien-batsi tsaag wi.

ROOMA 8:8

Ban ci biki tsi uŋal uliaf, bë yëlats pëci biki Nasien-batsi kë lílandër biki.

1 KORINTU 11:23

Par nji man yankëni di Ajug, ko wi n parandar ind wi; aja: tsi bërëm bi Yeesu Ajug yaa bi ufets, a na jej pëpom,

1 KORINTU 15:1

Batsaar ni nji, mán lesan ind Upetsan-uwar wi n leents ind wi, wi nda niiran wi, a nda wama liincandar tsi wul;

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

2 KORINTU 10:1

Nji Pol bërierin, man buara ind tsi kajuab-uwaas Këristu ni tsi karo-uwarul, nji nan tienkëtsani been nji uwal wi n ci wi tsi pëncuaf ind, maa a n yëkan tsi uleka ind, uwal wi n lawan wi.

2 KORINTU 13:11

A tsi utuami batsaar ni nji, nda ciin ni ulílan, nda leempari pëci ba band biki, nda liinc-liincandari, nda teelari, nda ciin tsi pëfac. Nasien-batsi bëŋal ni pëfac ka ci ni ind.

2 KORINTU 5:9

Wul ka wun, nja ngë ka përo uyëlan pa pëci biki Ajug kë lílandër biki; ŋal nja ka wama ci tsi uliaf wi, oo ŋal nja ka pën tsi uliaf wi.

2 KORINTU 6:1

A wund biki ka leemp biki ni Nasien-batsi, wund abuara ind, ind tsë tienkëtsan bëtseend bi nda yank bi di Nasien-batsi.

GALAASIA 6:1

Batsaar ni nji, uci ñaan mobaa tsi përo ulon ko un cika wi, ind ban ci biki bañaan Uwejats Nasien-batsi, nda ka pëcikësul ni uwaas ujuab. Rukan ibats, pa wi përits teen-teenana buts.

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

EFEESU 4:20

Maa ind, cits unk di nda juk run Këristu.

EFEESU 5:17

Wul ka wun, ind tsë ci bafuur; maa nda yëkërani ko wi Ajug ŋal wi.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

FILIIPUS 1:9

A bëñaan nji ci bun bi: Bëŋal ind ba pelëki, buu pe këpe, tsi ume ni tsi buwinal,

FILIIPUS 3:14

Koo n tukar pëband pii yank bëluk bi Nasien-batsi ruurin bi di batsi, tsi Këristu Yeesu.

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

KOLOS 2:6

Bi u ci bank, bi nda niiran bink Këristu Yeesu, nul Ajug, nda moban unk tsi puu yandaar ni nul;

1 TESALONIKA 3:12

Bëŋal bi nda ŋalëlar bi, a nda ŋaland bañaan bëlieng, Ajug na tsuun bul pëwatsësar, bu pelëk, pi bëŋal bi wund ŋal ind bi.

1 TESALONIKA 4:2

Par, nda me ngëtsua ngi wund wël ind ngi, ngan pënë-ni ngi tsi Yeesu, Ajug.

1 TESALONIKA 5:12

Batsaar ni wund, wund añaan ind, nda ru kaan karëmban biki ka leemp biki mak tsi pëncuaf ind, bukul biki ka waay ind biki tsi Ajug, a bu kë leentsar ind uci nda lac.

2 TESALONIKA 1:3

Batsaar ni wund, wund aka pëbaran Nasien-batsi tsi uleka ind, sandëndën; te aci ko u mab wi, par uwak ind aci tsi pë watsësar mak, a bëŋal bi nda ŋalëlar bi kë pelëk këpelëk tsi kara ñaan tsi ind bëlieng.

2 TESALONIKA 2:1

Batsaar ni wund, inkri tsi uleka pëbi Ajug nja Yeesu Këristu, ni nja pëjúk tsi nul, wund añaan ind këñaan ko wi:

2 TESALONIKA 3:1

Pëtuamës, ind batsaar ni wund, nda ñaandëri wund pa përim Ajug pëmob tsi pëya bërun, puu rëmbana, bi u ci bunk tsi pëncuaf ind.

2 TESALONIKA 3:13

A ind batsaar ni wund, ind tsë noor puu ro uwar.

1 TIMOTEU 5:21

A te nji ka n leentsu ank tsi bërun Nasien-batsi ni Këristu Yeesu, ni ngëwaanju ngan data ngi: Moban tsi puu ro ngëmënts ngun; cats lacan ñaan te m meets bërun uwar bi u ci bi, a te cats cikara uleka ñaan.

2 TIMOTEU 4:1

+-Nji n leentsu ank, tsi bërun -+Nasien-batsi ni Këristu Yeesu nul nan kai pëwat bayësal pëleents, në watand bacäts pëleents, nji n leentsu ank tsi undo upibandariul, ni tsi undo pësienul:

BAYEBËREU 11:6

Ucits ba tsi uwak, kaats bi Nasien-batsi kë lílandër bi ñaan. Par, ni ka woki Nasien-batsi aka pë wak Nasien-batsi ci, a na ciind naluk ban tsu biki ibats tsi pëtsasul.

BAYEBËREU 13:16

Ind tsë fin karo-uwar, ni mantsënkëlar; par ijakan pi imënts yun, Nasien-batsi aja na roon në lílandër yul.

BAYEBËREU 13:22

Batsaar ni nji, man buara ind pa nda roon ndë niiran përim pan ci pink katseend-ibats; te man picandëri ind a n runkëtën kërunkëtën.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!

1 JOŊ 3:22

A ko wi ngë ñaan wi ba këñaan, nja ka yank tsi nul. Par ngë mob tsi ngëtsuaul, a tsi bërunul nja kë ro ko u lílul wi.