1 TESALONIKA 3:6 - KARÚK-PËRIM KAWALU Nouveau Testament

⁶ Maa Timoteu ru baandi iink tsi wund, apëni di ind. Atsiji upetsan uwar tsi uleka uwak ind ni bëŋal ind. A na jaand nda ci tsi pëles wund uwar, ngëwal bëlieng, a nda rí pëwin wund, bi wund rí bi buts pëwin ind.

1 TESALONIKA 3:6 ပူးပေါင်းရင်းမြစ်များ

NGËRO 16:1

A na band buts Deerbi ni Liistra. A u ka nalon nafets Yeesu nan ci rul; ka jaka Timoteu, aci abuk nalon ŋaats Najudeu na waki tsi Yeesu, maa asinul aci nagërek.

NGËRO 18:1

Upar ngëko ngan, Pol pën di Ateenas a na tsëp Korintu.

NGËRO 18:5

Bi Silas ni Timoteu pëni bi Masedoonia abaandi, Pol baar tsi kaleents-përim a nuu piban Bajudeu u ci Yeesu ci-un Këristu.

1 KORINTU 11:2

Tsi ucär, man bëndan ind, par nda ja nda roon ndu lesin tsi ko un ci wi-ba këci, a nda mob tsi ngëdiimaan ngi n wël ind ngi.

1 KORINTU 13:13

Par inkri ngëko ngëwaants ngi ruka ngun: uwak, uwats, ni bëŋal; maa un pe wi pëci uwiak tsi ngul, aci bëŋal.

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

FILIIPUS 1:8

Par, Nasien-batsi awin bi n tsu ind bi bëlieng mak tsi uwaas nji, ni kayëk-ipës ki Këristu Yeesu yëk ki.

KOLOS 1:4

Par wund ate uleka uwak ind tsi Këristu Yeesu, ni bëŋal bi nda ŋal bi bayëman bëlieng.

KOLOS 4:18

Nji Pol, nji n pican un kawël-mboos kamënts ki ni kañan nji. Nda lesan mdica mi n dica mi. Bëtseend Nasien-batsi, ba ciin ni ind.

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

1 TESALONIKA 2:17

Maa, batsaar ni wund, bi wund patsësa ind bunk tsi ko un dits wi ka jon, a ngë lawëlar ngëliaf, maa cits ngëwaas. Wund aro uyëlan pa pëwin ind, undo aci ko wi wund rí wi mak.

1 TESALONIKA 2:9

Batsaar ni wund, nda lesan-e uleemp wund uñatsal, ni unoor wund, bi wund kë leents ind bi Upetsan-uwar Nasien-batsi, a wund ja wund roon wund kë leemp bërëm ni pënak, pa përits ci pëyunts pa nin nalon tsi ind.

1 TESALONIKA 3:7

Wul ka wun, ind batsaar ni wund, tsi unoor wi wund ciina wi ba këciina, ni tsi pënoor-noorana pi wund ciina pi ba këciina, wund aliinc liincana ngëwaas tsi uleka ind, undo uwak ind.

2 TESALONIKA 1:3

Batsaar ni wund, wund aka pëbaran Nasien-batsi tsi uleka ind, sandëndën; te aci ko u mab wi, par uwak ind aci tsi pë watsësar mak, a bëŋal bi nda ŋalëlar bi kë pelëk këpelëk tsi kara ñaan tsi ind bëlieng.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

2 TIMOTEU 1:3

Ma n ja Nasien-batsi baran, nul ni n ci tsi pëleempar, pi batiem-batiem nji, ni ume-kabats ujëntsal, uwal wnja wi n doon koo n lesu tsi bëñaan nji, bërëm ni pënak.

FILEMON 1:5

Par, ma nja n doon koo te uleka uwak wi m ka wi tsi Yeesu, Ajug, ni bëŋalu pa bayëman bëlieng.

BAYEBËREU 13:3

Nda lesan barica, pi nda ricaa ni bukul. Nda lesan ban tsija biki pëtsija pa waraatsa pi, pi ind buts tsi ngëliaf ind nda tsua tsi unoor.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.

1 JOŊ 3:23

A utsuaul ci wun wi: n ja pëwak tsi katim Abukul Yeesu Këristu, nja ka ŋalëlar tsi ngë ci tsi, bi na tsu bi di utsua.