1 TESALONIKA 2:4 - KARÚK-PËRIM KAWALU Nouveau Testament

⁴ Maa bi Nasien-batsi teenaman wund bunk, a na tanan wund Upetsan-uwar, unk di wund kë leents run përim; cits pa bañaan pëlilandër wund, maa Nasien-batsi pëlilandër wund, nul nateenaman ngëwaas wund.

1 TESALONIKA 2:4 ပူးပေါင်းရင်းမြစ်များ

LÚKAS 12:42

Ajug yankul, aja: “Yën ci-un naleemp na mobi tsi përim pi na jaka pi, na ka ibats? Aci naleemp ni nawiak kë tsui përukanda baleemp tsi katoul, uja ba band pëwëla bariala, në wël bukul.

LÚKAS 16:11

Bi u ci bank, uci nda mobats tsi bëka ba mabats bi, yën ka tergaar ind un bëka bëcar?

KAKÚRAN-KAWAR YEESU KRISTU BI JOŊ LEENŢ BI KUL AJA 21:17

A Yeesu kaka yeparul uyaas uwaajantsan, aja: “Simon, abuk Joŋ, m ŋalin-a?” A Per juatsan bi na jaul bi uyaas uwaajantsan: “M ŋalin-a?” A na yankul aja: “Ajug, wi m me ngëko bëlieng; m me n ŋalu.” A Yeesu jaul: “Këmandi ngënkanel nji.

ROOMA 8:27

A ni kan teeni ngëwaas bañaan ame utsaag Uwejats; wul tsi uŋal Nasien-batsi, ka ñaandar wun ba uwak biki tsi yeesu.

1 KORINTU 7:25

Tsi uleka ba meets biki niints, nji n kaats utsua Ajug, maa mán wël ind ko wi n wejats wi nji bërierin, pi ñaan nan waaki tsi kayëk-ipës Ajug.

1 KORINTU 9:17

Wul ka wun, uci ndu ndo wul tsi uŋal nji, ka ka bëluk; maa uci ndoots wul tsi uŋal nji, u ci uleemp wi n wëla wi përo.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

2 KORINTU 5:11

A tsi inkri, wund ame ko un ci wi pëlënk Nasien-batsi, wund ka tsas pëbaar pëtsu bañaan ba fiaar; Nasien-batsi ame wund, a nji a n fiaar, ind tsi ngëwejats ind nda me wund buts.

2 KORINTU 5:16

Unk, pëpën tsi inkri, wund tsi uyamats, wund kaats ñaan ni wund mei. A uci wund ro me Këristu tsi uyamats, tsi inkri, cits unk di wund meul run.

GALAASIA 1:10

Inkri, ane mán tsas këtsas bañaan-bajin pëcikëndënin, oo Nasien-batsi? Oo mán tsas këtsas bañaan-bajin pëlilandërin-a? Uci wama ka tsas bañaan-bajin pëlilandërin, i bitse ka ci naleempar Këristu.

GALAASIA 2:7

Maa, a ba win bi wëla bi Upetsan-uwar, pa pëleents wul bawelaatsa-kambac, bi Per wëla bunk wul pa pëleents bawela-kambac;

EFEESU 3:8

Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

EFEESU 6:6

Ind tsë ro ank tsi këkës bañaan-bajin din, pa bukul pëlilandër ind; maa nda ciin pi baluek Këristu, ndë mob tsi përo uŋal Nasien-batsi ni ngëwaas ind bëlieng.

KOLOS 3:22

Ind baluek, nda fetsan përim bajug ind tsi utsia tsi, tsi ko un ci wi-ba këci. Cits rin tsi uwal wi ba tsuuna ind wi këkës, pi nduu tsas bukul pëlilandër ind, maa nda roan ank ni ngëwaas ngan fac ngi, ni urispiitu, pa Ajug.

1 TIMOTEU 6:20

Wi, Timoteu! Gaangan uwar ko wi m tananaa wi, kuu rand ngëñakan karika-rispitaar Nasien-batsi, ni irim mantotëlër in ci yi kafal maa a i jaka aci ume;

2 TIMOTEU 1:14

tsi bëtsënk Uwejats-ujënts, wul un ci wi di nja waayan bëgaang bëwar.

2 TIMOTEU 2:2

A ko wi n leents wi tsi bërun bacumal ba maatir biki a m te, tergaari wul bañaan ba mob biki tsi uwak, biki kan yëlan biki buts pëjukan wul balon.

TIITU 1:3

Nul, tsi ngëwal ngan yecisa ngi, apibanaan përimul, tsi kaleents-përim ki wëlaa ki, bi Nasien-batsi tsu bi, nul Nabueran inja.

BAYEBËREU 4:13

Tsi nga leempa ngi bëlieng, kaats ko un beka wi Nasien-batsi; ngëko bëlieng akundësa a nga pibana tsi këkësul, a nul ni ngë ka un pëleents ngi ngë ciina ngi.

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!

UPIBAN 2:23

Mán fiŋ upätsul. Din, iriisia bëlieng ka me nji n ci-un ni kan teeni ngëtsaag ni ngëwaas, uwar. A te, mán luk ind kara ñaan ngi na ro ngi.