1 TESALONIKA 2:2 - KARÚK-PËRIM KAWALU Nouveau Testament

² Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.

1 TESALONIKA 2:2 ပူးပေါင်းရင်းမြစ်များ

NGËRO 14:3

Pol ni Barnabas ro rul ko un jon wi, bu kë ñakan ni bëyeentsal tsi uleka Ajug. Ajug baaraan pëpiban përim pi bu kë leents pi tsi uleka betseendul ci ucär; a na tsu bukul bu kë ro ni iñan bukul ngëpibanaani, ni ngëko ngan pikran ngi.

NGËRO 14:5

Ban cits biki Bajudeu, ni Bajudeu baar pëloole ni bawiak bukul pa pënooran bapostolu, ni pëtap bukul ni ilaak.

NGËRO 16:12

A wund pëndul atsëp Filiipus, përaasa Masedoonia pëwiak pi bañaan Rooma ro pi kaana. Wund ro ngëwal tsi përaasa pëmënts pun.

NGËRO 16:19

Bi bawiakul win bi bëkat bi ba watsaraan bi pën, a ba mob Pol ni Silas apuular bukul kënjëkënts tsi bërun bawat-pëleents.

NGËRO 16:37

Maa, Pol ja bukul: “Bu watats wund pëleents, a ba tsu wund wund tucana tsi këkës bañaan, wund ban ci biki bañaan Rooma! Ba guts wund di ukalabus a uu ba, bu ka wëtan wund, wund tsëp tsi kambeku? Nin a, ba bili bërier bukul bee ba pënan wund!”

NGËRO 17:1

A ba par-na Anfipolis ni Apoloonia, ba band Tesalonika. Bajudeu aka rul kato-kajuki.

NGËRO 17:17

A nuu totëlar irim di bametsu kato-kajuki ni Bajudeu ni Bagërek ba lënk biki Nasien-batsi, ni bañaan biki kan ci biki buts di kënjëkënts kara unu.

NGËRO 19:8

A Pol ro këlí këwaants, nuu niaj kato-kajuki koo ñakan ni bëyeentsal, bu kë totëlar irim; a nuu këmand pëtsu bukul ba niiran uleka Pësien Nasien-batsi.

NGËRO 4:13

Bi ba win bi bërëdëm Per ni Joŋ, din a ba pikra, par bë win ba ci bañaan ban jukats biki, te bë kaats ume. A ba yëkëran bukul, par bë ro ci ni Yeesu.

NGËRO 4:20

Par wund yëlants pëwët pëñakanaan bañaan tsi ko wi wund win wi, a wund teend.”

NGËRO 4:31

Bi ba ba bi bëñaan, a tsëko tsi ba jukëna tsi siintsar, a ba cum bëlieng Uwejats-ujënts, bu kë leents përim Nasien-batsi ni bëyeentsal.

NGËRO 5:41

A bapostolu pën di kato kawat-pëleents kawiak, a ba lílan, undo bi ba winaa bi ba tsënkan pëjaa bë kawarëna tsi undo Katím ki.

ROOMA 1:1

Pol, naleemp Këristu Yeesu, nanduuree pëci Napostolu, a na patsandara pëleents Upetsan-uwar Nasien-batsi.

2 KORINTU 3:12

A bi wund ka bi uwats wan, wund ka roona bëyeentsal;

KOLOS 2:1

Man ŋal ind pëme ukam uwiak wi n ci wi tsi pëkamandër ind, ni ban ci biki di Laodiseeya, ni bañaan bëlieng ba winats biki urostu nji tsi uyamats.

1 TESALONIKA 1:5

Par, Upetsan-uwar wund, baandatsi tsi ind ni irim din, maa buts ni pëyëlan, ni Uwejats-ujënts, ni pëfiaar mak u ci-un ci wi. Nda me bi wund ro bi ci ja tsi pëncuaf ind, pa uwar ind.

2 TIMOTEU 1:12

A wul ka wun n ci tsi unoor tsi ngëmënts ngi. Maa nji kawaraatsa ngul, par man me ni n tsuuni uwak, a n fiaar koon na yëlan pëwaay ko wi n gaangana wi, te Unu umënts wan.

JÚDAS 1:3

Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.