1 TESALONIKA 2:13 - KARÚK-PËRIM KAWALU Nouveau Testament

¹³ A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

1 TESALONIKA 2:13 ပူးပေါင်းရင်းမြစ်များ

MATEU 10:20

Par, cits ind ka ñakan bukun, maa Uwejats Asin ind ka ñakan wun tsi ind.

MATEU 10:40

A na welan indi, awelanin; a na welanini, awelan ka yëliin.

LÚKAS 11:28

Maa, Yeesu jaul: “M dits ja, bë naak, biki kan cikëndën biki përim Nasien-batsi, a bu kë ro ko wi pa ja wi!”

LÚKAS 5:1

Ulon unu, Yeesu nats tsi kawok bërëk Genesaret, a kandënd bañaan kë miŋanul pa pëcikëndën përim Nasien-batsi.

LÚKAS 8:11

“Përim pan tiba pank, ko wi pa pac wi ci wun wi: Utul, aci përim Nasien-batsi.

LÚKAS 8:21

Yeesu yank bukul, aja: “Anin nji, ni ban tsaar biki ni nji, aci biki kan cikëndën biki përim Nasien-batsi, a bu kë ro ko wi pa ja wi.”

KAKÚRAN-KAWAR YEESU KRISTU BI JOŊ LEENŢ BI KUL AJA 15:3

Ind nda jënts ba, undo përim pnja ind pi.

KAKÚRAN-KAWAR YEESU KRISTU BI JOŊ LEENŢ BI KUL AJA 17:17

Patsanaani bukul ucär; përimu ci pun ucär.

KAKÚRAN-KAWAR YEESU KRISTU BI JOŊ LEENŢ BI KUL AJA 17:19

Mán patsandar bërierin, undo bukul, pa bu ka ci buts ban patsanaana biki ucär.

NGËRO 10:33

Din, a n yëli bañaan ba ruiu, a m do uwar bi m bi bink. Inkri, n ja ci bikink tsi bërun Nasien-batsi, pa pëte ngëko bëlieng ngi Ajug tsuu ngi pëja.”

NGËRO 13:48

A ban cits biki Bajudeu kë te ko wan, ba lílan a ba ci tsi përëmban përim Ajug; a ban do biki jaakara ubiira un dits wi ka ba, wak bëlieng.

NGËRO 16:14

a u ka nalon ŋaats, ka jaka Liidia; aci najúla iseenda ijankal caw, apënë-ni përaasa Tiatiira; aci na lënki Nasien-batsi. Aci tsi pëcikëndën wund, a Ajug waantsul uwaas pa pëcikëndën uwar ngi Pol ci ngi tsi pëja.

NGËRO 17:11

Maa, bamënts biki ape bañaan Tesalonika pëwaants ngëwaas, par bë yank përim ni uŋal ngëwaas bukul; a ba ja kara unu, bu kë teen tsi Bëpican ne ngi ba leentsa ngi aci unk.

NGËRO 17:32

A bi ba te bi Pol kë ñakan tsi uleka kanatsee bañaan di pëcäts, a balon ci tsi përiatul, maa balon kë ja: “Tsi uleka ko wan, wund kee cikëndënu ulon unu.”

NGËRO 2:41

A ba niiran biki përimul mijana; tsi unu umënts wun, bëruakan bañaan ngëmiil ngëwaants (3.000).

NGËRO 8:14

A bapostolu ban ci biki di Jerusalem te u jaka bañaan Samaaria niiran përim Nasien-batsi, ba yël rul Per ni Joŋ.

ROOMA 10:17

Unk, uwak apënë-ni tsi pëcikëndën, a pëcikëndën ciina tsi përim Këristu.

2 KORINTU 3:18

A nja bëlieng ban kundësa biki ngërostu, nja kë piban përëmb Ajug pi kateenaraani, unk ri ngë ci run ban butana biki bënaam, pa pënaam ni Ajug. A nja kë pën tsi përëmb pëya përëmb pan pe pi; umënts wan apënë-ni tsi Ajug, nul nan ci Uwejats.

GALAASIA 4:14

ŋal bi pëmoj uliaf nji ro bi ci mteenamana pa ind, maa nda pibanatsin nda bërin, nin pëjuatsan; maa nda welanin unk pi uwaanju Nasien-batsi, pi nul Këristu Yeesu bërierul.

KOLOS 1:6

un baandi wi tsi ind. A bi u buk bunk a uu ya këya bërun tsi umundu bëlieng, unk di u ci run tsi përo tsi pëncuaf ind, ki unu wi nda te wunk uleka bëtseend Nasien-batsi a nda me bul tsi ucär.

BAYEBËREU 4:12

Par, përim Nasien-batsi aka ubiira a pa kaand pëyëlan; pul are ape ulaac un de wi ngëjara ngëtëb. Aja pa roon pë niaj te pë kicës uwaas ni uwejats, ngësúk uliaf ni pëluŋ; a pa yëlan pëyëkëran ngi uwaas ciina ngi, ni ngi u wejats ngi.

BAYEBËREU 4:2

Par nja buts, ngë ci ba leentsa biki upetsan-uwar pi bamënts bukun; maa përim pi ba cikëndën pi kaats bëkat tsi ngëbiira bukul, par ban cikëndën biki pul bu bofanats pul ni uwak.

JAKOB 1:18

abukëni nja përim ucär, tsi uŋalul, pa nja ka yëlan përo pi ngë ci bacäk tsi ngëkoul ngi na leemp ngi.

1 PER 1:23

Par nda bukënaatsa uyaas ucints tsi ucapi wi kan coka wi, maa un dits wi ka coka; tsi përim Nasien-batsi pëyësal, a pa ci pa sandëndën.

1 PER 1:25

maa përim Ajug, amob tsi pëci sandëndën. A përim pëmënts pi ci pun Upetsan-uwar wi nda leentsa wi.

1 PER 2:2

Pi upäts bandu bëka, nda fieran mak mtaw Uwejats Nasien-batsi mjënts. Unk nduu wiakëna tsi mul pa pëbuer,

2 PER 3:2

pa ind pëles irim i bayëlia bayëman ro yi leents, ndë lesand irim utsua Ajug, nul Nabueran, i bapostolu ind kë jukan yi.

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.