1 TESALONIKA 2:12 - KARÚK-PËRIM KAWALU Nouveau Testament

¹² A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

1 TESALONIKA 2:12 ပူးပေါင်းရင်းမြစ်များ

ROOMA 8:28

Nja ngë me ne, ngëko bëlieng abof uleemp pa uwar ba ŋal biki Nasien-batsi; ban duee biki tsi uŋalul.

ROOMA 8:30

A biki na car biki ayecis, na rui buts bukul; a biki na rui biki, na tsu buts bukul bamabal; a biki na tsu biki bamabal, na rëmban buts bukul.

1 KORINTU 1:9

Nasien-batsi, aci na mobi tsi përim, nul nan duuri indi manteelar ni Abukul Yeesu Këristu, Ajug nja.

2 KORINTU 4:6

Par Nasien-batsi na njai: ufac fietsan tsi pëncuaf krëm; a nul bërierul fiets un di ngëwaas nja pa pëwël nja ufac ume përëmb Nasien-batsi tsi urostu Këristu.

GALAASIA 5:16

Maa, ma nja: Nda yandaari ni Uwejats Nasien-batsi, unk nda katse koo fets ngëko ngi uliaf ind kërí ngi.

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

EFEESU 5:8

par uwal ujon, ind nda ro ci karëm, maa inkri, nda ci ufac tsi Ajug. Nda yandaari pi upäts ufac;

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

KOLOS 2:6

Bi u ci bank, bi nda niiran bink Këristu Yeesu, nul Ajug, nda moban unk tsi puu yandaar ni nul;

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

1 TESALONIKA 4:12

Din, bañaan utsand ka win bëci ind bëwar; unk nda rits fier ñaan.

1 TESALONIKA 5:24

Nandui ind unk aci na mobi tsi përim; a nul kee ro un wul.

2 TESALONIKA 1:10

Ka bi tsi unu umënts pii rëmbana tsi bañaanul bayëman, ba uwak biki bëlieng ka riangul tsi ngëwaas bukul. Te ind nda bof, par nda wak ko wi wund maatir wi a wund leents ind.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 PER 3:9

Ñaan nando indi uwutsëtsuel, ind tsë lukanaanul uwutsëtsuel, oo kakar tsë lukanaana kakar, maa u wara wi. Nda ru kë ja ngëwar par umënts wan wi nda ruuree wun, pa ind pëyank uwar wi nda ka wi përukanda.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

1 JOŊ 2:6

Ñaan na njai amob tsi pëci di nul, aka pëyandaar bi Yeesu Këristu yandaar bi.

3 JOŊ 1:6

Bu leents di Ngëriisia uleka bëŋalu. Kë ro uwar pa pëñuatsani bukul tsi bëga tsi ko wi Nasien-batsi ŋal wi.