1 TESALONIKA 1:6 - KARÚK-PËRIM KAWALU Nouveau Testament

⁶ Nda ruka ci bateenëna tsi wund ni bateenëna tsi Ajug. Par, ŋal bi nda ci bi tsi unoor un pelëk wi, maa ni ulílan Uwejats-ujënts nda niiran përim.

1 TESALONIKA 1:6 ပူးပေါင်းရင်းမြစ်များ

MATEU 16:24

Din, a Yeesu ja bafetsul: “Na ŋali pëfetsin, na bëran ngiicul; në lapan kruusul, nuu fetsin.

KAKÚRAN-KAWAR YEESU KRISTU BI JOŊ LEENŢ BI KUL AJA 8:12

A Yeesu kaka ñakanaan bukul aja: “Nji n ci-un ufac umundu; ñaan nan ci tsi pëfetsin, di ka yandaar tsi krëm, yaas; maa ka ka ufac ubiira.”

NGËRO 13:52

Maa, bafets Yeesu ban ci biki di Antiookia, cum ni ulílan ni Uwejats-ujënts.

NGËRO 5:41

A bapostolu pën di kato kawat-pëleents kawiak, a ba lílan, undo bi ba winaa bi ba tsënkan pëjaa bë kawarëna tsi undo Katím ki.

NGËRO 9:31

Tsi wul, a Ngëriisia ru tsij pëfac tsi Judeeya bëlieng, ni Galileeya, ni Samaaria; a nguu liinc-liincandar, a nguu yandaar tsi puu lënk Ajug; a tsi bëtsënk Uwejats-ujënts, a nguu pe këpe pëwatsësar.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

1 KORINTU 11:1

Nda ciin bateenënin, bi n ci bi nateenëna Këristu.

1 KORINTU 11:2

Tsi ucär, man bëndan ind, par nda ja nda roon ndu lesin tsi ko un ci wi-ba këci, a nda mob tsi ngëdiimaan ngi n wël ind ngi.

1 KORINTU 4:16

Wul ka wun ndu n tseend ind ibats koo nja ind, nda ciin bateenënin.

2 KORINTU 6:10

wund kë juatsana ngëwaas ngënu bëlieng, maa wund ci tsi ulílan; wund ci tsi bëranj, maa wund kë tsu bacumal pëci barëmb; wund ban kaats biki ko, maa wund ka ngëko bëlieng.

2 KORINTU 8:5

Bukul bu wël apar-paran ko wi wund wejats wi; par ucäk, bu wël iyeen bukul Ajug, a ba ru wël wund tsi uŋal Nasien-batsi.

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

EFEESU 5:1

Nda ciin bateenëna Nasien-batsi, bi nda ci bink upäts biki na ŋal biki;

FILIIPUS 3:17

Batsaar ni nji, nda ciin bateenënin; nda mabani këkës tsi biki ka yandaar biki bi wund piban ind bi!

2 TESALONIKA 1:4

Wul ka wun wund ja wund roon, wund kë píc tsi iriisia Nasien-batsi, undo mtambandar ind ni undo uwak ind, tsi pënoor-noorana pi nda ciina pi bëlieng, ni tsi pëteenamana.

2 TESALONIKA 3:7

Ind bërier ind, nda me bi nda ka bi puu teenëna tsi wund. Par, uwal wi wund ro wunk ci tsi pëncuaf ind, wund cits ni ubiira katsuunk-uleemp.

2 TESALONIKA 3:9

A te cits pëjaa wund kaats këka përolaa unk, maa aci wund bërier wund pëci uteenëni wi nduu fets wi.

2 TIMOTEU 4:2

Leentsan përim Nasien-batsi; uwal wara oo u waraatsa ank, moban tsi puu leents pul. Pibani un cits wi ucär, leentsari nan kai pëleentsara, liinc-liincani ngëwaas bañaan; kuu ro ank ni umiira bëlieng, kuu jukanaand.

BAYEBËREU 10:34

Par, unoor barica are ind; a te nda niiran ni ulílan pëcaa ngëko ind, par nda me nda ka bërier ind bëka ban pe bi pëci bëwar, a buu jon.

1 PER 1:6

Bi u ci bank, nda jucan ni ulílan inkri, ŋal bi ufiera bi ind pëjuatsan tsi ko un dits wi ka jon, undo mteenamana mcumal.

1 PER 1:8

Nul ni nda winatsi, maa nda ŋalul; ni nda winatsi inkri, maa nda wak tsi nul. Nda jucan ni ulílan u yëlaatsa wi bëleents, ni përëmb,

1 PER 3:13

A uci nda piban nda tsij uŋal pa përo uwar, naom ka ro ind un ko u waraatsa wi?

3 JOŊ 1:11

Wi na ŋalee, tsë fets ko u waraatsa wi, maa u wara wi. Ñaan ni kandoi uwar, aci ni Nasien-batsi. A ñaan ni kandoi ko u waraatsa wi, winats Nasien-batsi.