1 TESALONIKA 1:5 - KARÚK-PËRIM KAWALU Nouveau Testament

⁵ Par, Upetsan-uwar wund, baandatsi tsi ind ni irim din, maa buts ni pëyëlan, ni Uwejats-ujënts, ni pëfiaar mak u ci-un ci wi. Nda me bi wund ro bi ci ja tsi pëncuaf ind, pa uwar ind.

1 TESALONIKA 1:5 ပူးပေါင်းရင်းမြစ်များ

MARKU 16:20

A bafetsul tsëp ee ka leents Upetsan-uwar di ngëleka bëlieng. Ajug kë leemp ni bukul; a tsi ngëpibanaani ngan ci ngi tsi përolaa, a nuu piban përim baaraan pëci.

LÚKAS 1:1

Teofilu, niints nawiak! Bañaan bacumal, ro ko wi ba yëlan wi përo, ba pican ko undola wi tsi pëncuaf wund.

NGËRO 11:21

Kañan Ajug ci ni bukul, a bacumal wak, ba witsësa pa Ajug.

NGËRO 16:14

a u ka nalon ŋaats, ka jaka Liidia; aci najúla iseenda ijankal caw, apënë-ni përaasa Tiatiira; aci na lënki Nasien-batsi. Aci tsi pëcikëndën wund, a Ajug waantsul uwaas pa pëcikëndën uwar ngi Pol ci ngi tsi pëja.

NGËRO 2:33

Nasien-batsi ariangul tsi kariirul, a na yank Uwejats-ujënts di Asin, undo wi watsana; na koŋi wul, bi nda win bink a nda teend.

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 2:16

a tsi Upetsan-uwar wi ndu n leents wi, unk di wii ci run, unu wi Nasien-batsi kë watëna wi bañaan-bajin pëleents tsi Yeesu Këristu, tsi ngëko kambeku bukul.

1 KORINTU 1:24

Maa pa bandua biki, Bajudeu ni Bagërek, wund ka leents bukul Këristu, nul pëyëlan Nasien-batsi ni kameko Nasien-batsi.

1 KORINTU 10:33

Unk nji buts, ma nja n doon ka tsas pëlilan bañaan ngëwaas bëlieng, tsi ko un ci wi-ba këci. In di ka n tsas uwar pa nji bërierin, maa mán tsas uwar pa bacumal, pa ba yëlan pëbuer.

1 KORINTU 3:16

Nda meets nda ci kato-kayëman Nasien-batsi, a Uwejats Nasien-batsi ci di ind-a?

1 KORINTU 3:6

Nji man wayan, a Apolos tulan, maa aci Nasien-batsi ka wiakëndan un.

1 KORINTU 4:20

Par, pësien Nasien-batsi cits tsi irim, maa tsi pëyëlan.

1 KORINTU 9:14

Unk buts di Ajug tsu run, pa biki ka leents biki Upetsan-uwar puu rialaan tsi Upetsan-uwar.

2 KORINTU 3:6

Nul ci-un na wël wundi pëyëlan pëci baleemp tsi Karo-pëloole kawalu. Cits tsi upic, maa tsi Uwejats; par upic ka fiŋ, maa Uwejats ka wël wun ubiira.

GALAASIA 2:2

Man kata n tsëp, undo upiban wi pibana wi. A n piban bukul Upetsan-uwar wi ja wi doon koo leents ban cits biki Bajudeu, a n peena ban tsua bukunk pëci bawiak, pa pëtuk nji përits ci pan kaats pi bëkat.

GALAASIA 5:5

Par wund, tsi Uwejats Nasien-batsi, undo uwak, wund aci tsi pëlip uwats bëmabal.

EFEESU 2:10

Par ngë ci ko wi Nasien-batsi leemp wi. Aleemp nja tsi Yeesu Këristu pa ngëwar ngi na ro ngi yecis ba, pa n ja pëci tsi përo ngul.

EFEESU 3:20

Përëmb pa ciin pa nan kai pëyëlan përo ngëko bëlieng na paran ngi ngë yep ngi, oo ngi ngë wejats ngi, bi pëyëlanul kë leemp bi tsi nja;

FILIIPUS 2:13

Par, Nasien-batsi ci-un nan ci tsi pëleemp tsi ind, pa pëwël ind uŋal, ni përo bi utsaagul uwar ci bi.

FILIIPUS 4:9

Ko wi nda juk wi ba këjuk tsi nji, wi nda yank wi tsi nji, wi nda te wi tsi nji, wi nda win wi tsi nji, nda roan wul. Din Nasien-batsi, kankaana pëfac, ka ci ni ind.

KOLOS 2:2

Unk bu ka liinc-liincana ngëwaas, bu ka ci baloole tsi bëŋal. Din tsi bëka ban ci bi ba këci, bu ka tsënkan pëcum ni bëlipal, pëme wi Nasien-batsi undoots wunk mea, un ci wi Këristu;

1 TESALONIKA 2:13

A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

2 TESALONIKA 2:14

Undo ko umënts wun, a na ruuni ind Upetsan-uwar wund, ind pëbof tsi përëmb Ajug nja Yeesu Këristu.

2 TIMOTEU 2:10

Wul ka wun n ci tsi puu miira tsi ko un ci wi-ba këci, undo barata, pa bukul buts pëyank pëbuer, pul pan ci pi di Këristu Yeesu; bu ka yankand përëmb pan dits pi ka ba.

2 TIMOTEU 2:8

Lesan Yeesu Këristu, nul na natsee di pëcäts; apënë-ni di kajër Dawid, bi Upetsan nji Uwar ja bi,

BAYEBËREU 10:22

nda ju ngë wok Nasien-batsi ni uwaas un ci wi ucär, ni tsi kacum uwak, a ngëwaas jëntsana ume-kabats un tsij wi ko u waraatsa wi, a ngëliaf ñawaa ni mlik mjëntsal.

BAYEBËREU 6:11

Wund aŋal u roon, kara ñaan tsi ind, nuu piban kabaar-ibats kamënts kun te tsi utuami, pa pëtsu uwats ind u baar pëci ko un ci wi.

1 PER 1:12

Bukul bu pibana u cits pa bukul bërier bukul, maa ind biki ba leempar bukun ngëko ngi nda leentsa ngi inkri; a baleents Upetsan-uwar leentsëna ind ngul tsi pëyëlan Uwejats-ujënts u wëtanee wi di batsi. Ngëko ngëmënts ngi, ngi ngëwaanju ŋal ngun pëjuunkats.

1 PER 1:3

Nasien-batsi na bundanaan, nul Asin Yeesu Këristu Ajug inja. Atsu nja ngë bëka uyaas ucints undo kayëk-ipësul mak, pa ja pëka uwats un tsij wi ubiira, tsi bi Yeesu Këristu natsee bi di bacäts;

1 PER 5:3

Biki nda tanan biki, ind tsë roona uyëlan; maa nda ciin biki ngënkaanel kë teenëna biki.

2 PER 1:10

Wul ka wun, batsaar ni nji, nda tambandari kara bëyaas tsi puu piban nda ci ban duee biki, a nda rataa; uci nda ro ank, nda katse ka yër yaas.

2 PER 1:19

Unk, ngë pe këpe pëwak përim bayëlia; a nda ro uwar bi nda me bink pul, par pul aci pi ulamp ka fiets wun di tsëko tsan dëmënts tsi, te unu ka tsënkëna ka fac, upesaj kafa-unu ka fietsi di ngëwaas ind.