1 TESALONIKA 1:3 - KARÚK-PËRIM KAWALU Nouveau Testament

³ Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

1 TESALONIKA 1:3 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 14:15

Uci nda ŋalin, ndë mob tsi ngëtsua nji.

KAKÚRAN-KAWAR YEESU KRISTU BI JOŊ LEENŢ BI KUL AJA 15:10

Uci nda mob tsi ngëtsua nji, ndë mob tsi pëci tsi bëŋal nji, bi n mob bi tsi ngëtsua Asin nji, a n mob tsi pëci tsi bëŋalul.

NGËRO 10:31

na ja: ‘Korneeliu! Bëñaanu ateaa, a kawël-bëtseendu lesaa di bërun Nasien-batsi.

NGËRO 3:19

Nda yaari ibats, ndë witsësee tsi Nasien-batsi, pa ngëjuban ind pëfaawaa

ROOMA 12:12

Nda lílani tsi uwats, ndë ci baja ngëwar tsi unoor, ndë mob tsi bëñaan nda liincan.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 15:4

Par un do wi picana ba bëlieng uwal ujon, apicandara pëjukan nja pa nja ka ka uwats, tsi undo umiira ni kaliinc-liincan uwaas ki Bëpican wël ki.

ROOMA 16:26

maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

ROOMA 16:6

Nda leendarin Maaria, nul na noorar indi mak.

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

1 KORINTU 13:13

Par inkri ngëko ngëwaants ngi ruka ngun: uwak, uwats, ni bëŋal; maa un pe wi pëci uwiak tsi ngul, aci bëŋal.

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

GALAASIA 1:4

nul na wëli beenul undo ngëjubani njatsi uŋal Nasien-batsi Asini njapa pëpënani nja tsi uwal un ntsari wi, u waraatsa wink.

GALAASIA 5:13

Par ind, batsaar ni nji, nda ruree pëfacana; maa, ind tsë laabaraan pëfacana, a ndë niaj tsi karí-ko uliaf; maa, kara ñaan na ciin naleempar acintsul, tsi bëŋal.

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

GALAASIA 6:9

Nja tsë noor puu ro uwar, par uband uwal, ja ka cët mbuk, uci ngë rafanats uyëlan.

1 TESALONIKA 3:6

Maa Timoteu ru baandi iink tsi wund, apëni di ind. Atsiji upetsan uwar tsi uleka uwak ind ni bëŋal ind. A na jaand nda ci tsi pëles wund uwar, ngëwal bëlieng, a nda rí pëwin wund, bi wund rí bi buts pëwin ind.

2 TESALONIKA 1:11

Wul ka wun buts, wund ci tsi pëñaandar ind tsi ngëwal bëlieng. Unk Nasien-batsinjaka tsu ind ndë wina nda tsënkan pëbof tsi karuaul, ni tsi pëyëlanul në ba përo uwar wi nda ŋal wi ba këŋal, ni ko wi uwak ind kë ro wi.

2 TESALONIKA 1:3

Batsaar ni wund, wund aka pëbaran Nasien-batsi tsi uleka ind, sandëndën; te aci ko u mab wi, par uwak ind aci tsi pë watsësar mak, a bëŋal bi nda ŋalëlar bi kë pelëk këpelëk tsi kara ñaan tsi ind bëlieng.

1 TIMOTEU 1:14

A te bëtseend Ajug nja awatsësar tsi nji apar-paran, ni uwak, ni bëŋal ban ci bi tsi Këristu Yeesu.

1 TIMOTEU 2:3

Umënts wun aci ko u wara wi a u líl tsi bërun Nasien-batsi, Nabueran n ja,

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 11:17

Uwak, wi Abraam wëlëna wun Isaak na ci bëjakan, uwal wi Nasien-batsi teenamanul wunk. Nul na yanki ngëwatsan, aruka ro ci tsi pëwël abukul naloole baŋ na ci bëjakan,

BAYEBËREU 13:21

Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

BAYEBËREU 4:11

Bi u ci bank, nda ju ngë tambandër pa pëniaj tsi pënaakësa pëmënts pun, pa ñaan tsë yër, nul tsë fets bukul tsi karika-ro ko un jaka wi.

BAYEBËREU 6:15

Unk a nul Abraam kë lip a nuu miira, a nee yank u watsana wi.

1 PER 3:4

maa ka ciin kan beka ki di uwaas ñaan, kan dits ki ka coka, ki uwejats mbëla, ni butsëkal. Wul ci wun ko un ka wi bëkat tsi bërun Nasien-batsi.

1 JOŊ 3:18

Upats uties, n ja tsuuts ŋalëna përim ni pëndiamënt rin, maa ngë ŋalëna karo-ko, ni ucär.

1 JOŊ 3:21

Bamiñ ba ŋala biki, uci ngëwaas nja lacana tsi nja ngë ka uwatsar tsi bërun Nasien-batsi.

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.

1 JOŊ 5:3

Par bëmënts bi ci bun bëŋal Nasien-batsi: pa n ja pëmob tsi ngëtsuaul; a ngëtsuaul ritsats,

UPIBAN 2:19

‘Ma me ngi m ja ngi m doon kuu ro; a me bëŋalu ni uwaku, ni uleempu wi m ciina wi, ni umiira wi kë miira wi. Ma me, ngëtuami ngi m ci ngi tsi përo ape ngëcäk pëcum.

UPIBAN 3:10

Undo m mob tsi përim umiira nji, nji buts mán dandanu uler wi pëteenamana kë baandë-ni wi umundu upëban, pa pëteenaman ban ciina biki umundu.