1 PER 5:8 - KARÚK-PËRIM KAWALU Nouveau Testament

⁸ Nda lesari, ndë waay. Ujabël un ci wi nabër ind ka fayësa pi ulioŋ wi ka ŋuulënts wi, a uu tsas ñaan ni u rei.

1 PER 5:8 ပူးပေါင်းရင်းမြစ်များ

MATEU 13:39

A nabër nan saalunk pul, ci Ujabël. A kacët, ci ubaar umundu; a bacët, ci ngëwaanju.

MATEU 24:42

Bi u ci bank, nda waayan, par nda meets unu wi Ajug ind kë bi wi.

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

MATEU 4:1

Din a Uwejats-ujënts tsëpand Yeesu ulaalats, pa Ujabël pii teen-teenanul.

MATEU 4:11

Bi Ujabël kikoul bi, din a ngëwaanju bi ee ka këmandul.

MARKU 4:15

balon bañaan, bë ci pi utul tsi kambaŋ bëga, tsi përim wayana tsi; bi ba te bi pul, ucar umënts wun a Useetaani bi ee pënan përim pa wayana punk di ngëwaas bukul.

LÚKAS 21:34

Nda rukan ibats tsi uleka ind bërier ind, ngëwaas ind përits cum ni bëwaamal, ni ukuj, ni kawejats ngëko ubiira, pa unu umënts përitsii baandë-ni ind ucar umënts

LÚKAS 21:36

Nda waayan, nda ñaanan tsi uwal un ci wi-ba këci, pa ind pëka uyëlan pëbuërëna tsi ngëko ngan ka ngi pëbaandi bëlieng, pa ind pënats tsi bërun Abuk ñaan-najin.”

LÚKAS 22:31

“Simon, Simon, teenan-e! Useetaani ayep ind, pa u roon u way ind pi mmaaj.

KAKÚRAN-KAWAR YEESU KRISTU BI JOŊ LEENŢ BI KUL AJA 8:44

Ind, Ujabël ci wun asin ind, a nda ŋal përo ngi asin ind ŋal ngi. Wul, aci ufiŋ bañaan ki ujuundi. Aja u roon di ka baar tsi ucär, par ucär cits tsi wul. Aja uu tsup, u leents ko un ci wi wíic wul, par wul aci utsup, a u ciind usín bëtsup.

2 KORINTU 2:11

pa n ja tsë ci biki Ujabël kë fal biki, par ngë paaŋats ngëwejats wul.

EFEESU 4:27

Ind tsë wël Ujabël tsëko.

EFEESU 6:11

Nda waan iŋi Nasien-batsi bëlieng ikamanaani, pa ind pëyëlan pënats uwar tsi igungan Ujabël.

1 TIMOTEU 2:15

Maa kee na buerana uciul nambukari, uci tsi karika-pibandar a na mob tsi uwak, ni tsi bëŋal, ni tsi bëjëntsal.

1 TIMOTEU 2:9

Unk buts, bakaats ba tiemaan bëtiem ba yuk bi, bi urispiitu ni karika-pibandar. Bukul tsë tsu ibats bukul tsi banëmb, nin tsi mko-uwëru, nin tsi ilaants, nin tsi iŋi-bëtiem iñatsal;

1 TIMOTEU 3:11

A bakaats buts, bu ka pëci bañaan-urispiitu, barika-ja ko u waraatsa wi tsi uleka ñaan; bu ka pëci baliingëlën-ko, bamab tsi ngëko bëlieng.

1 TIMOTEU 3:2

Bi u ci bank, iink di nawaay-bañaan ka run pëci: ka ci nan kaatsi ulaci, niints na nimëni ŋaats naloole, naliingëlan-ko, natsëkal, ñaan-urispiitu, nawelan-batsooŋ, në ci na yëli bëjukan.

2 TIMOTEU 4:17

Ajug tsënkin un, a na wëlin uyëlan, pa n leents përimul bëlieng, pa ban cits biki Bajudeu bëlieng ka te pul. A n pënanee di mtum ulioŋ.

TIITU 1:8

Maa aka pëci nawelan-batsooŋ, naŋal-uwar, natsëkal, namabal, nalënk-nasien-batsi, namob-beenul,

TIITU 2:12

A buu jukani njapëwëtan karika-lënk Nasien-batsi, ni pëwëtan kari-ngëko umundu, pa tsi uwal wi ngë ci wink, nja kë yandaar tsi butsëkal, tsi bëmabal, ni tsi kalënk-Nasien-batsi;

TIITU 2:2

Jaan bayënts batsafal ba ci baliingëlën-ko, bañaan-urispiitu, baka-ibats, baci-uwar tsi uwak ni tsi bëŋal ni tsi mantambandër.

TIITU 2:4

Unk bu kë jukan bakaats bandu nima, pëŋal bayën bukul ni upäts bukul.

TIITU 2:6

Unk buts, tseendan batsasa ibats, pa ba ci baliingëlën-ko.

JAKOB 4:7

Bi u ci bank, nda baari ibats ind tsi Nasien-batsi; nda liincandari tsi pëpok Ujabël, din u túk u lawan ind.

1 PER 1:13

Wul ka wun, nda yecisëri tsi ume ind, ndë ci baliingëlën-ko, ndë baar uwats tsi bëtseend bi nda ka bi pëtsijee upibandari Yeesu Këristu.

1 PER 4:7

Inkri utuami ngëko bëlieng awokani. Nda pibani kameko, ndë lesar tsi bëñaan.

UPIBAN 12:10

A n te përim pëwiak di batsi, a pa ja: “Inkri, pëbuer abaandi, ni pëyëlan ni Pësien Nasien-batsi inja, ni pëyëlan Këristuul. Par, natumtsar batsaar ni inja awatee, wul unja wi u roon uu tumtsar bukul tsi bërun Nasien-batsi, pënak ni bërëm.

UPIBAN 12:12

Wul ka wun, batsi ni ban ciina biki batsi, nda ciin tsi ulílan! Maa, cay ind ban ciina biki utsia, ni ban ciina biki bërëk! Par Ujabël awelee pëbi di ind; ariabats mak, par ame, ko unduka wi tsi uwal wul aci ko uties.”

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 20:10

A Ujabël, wul un daac wi bukul tsi kafal, gutsaa di pëwal bërua ni ucof, di un jar ci ri ba, wul ni nayëlia natsup; bu ka ci tsi unoor uwiak, pënak ni bërëm, pa sandëndën.

UPIBAN 20:2

A u mob Uncababaan, wul uko-pëtsats ujon, un ci wi Ujabël ni Useetaani, a u tanar wul ngëwaanu umiil (1.000).