1 PER 5:12 - KARÚK-PËRIM KAWALU Nouveau Testament

¹² Aci Silwaanu, nul natsaar ni ind na mobi tsi uwak, ni fiaari, nul tsënkin un a n picandëri ind uletar uties wi, pa pëliinc-liincan ind ngëwaas, ni pëleents ind u ci tsi bëtseend Nasien-batsi bëcär, bi nda ciina bun.

1 PER 5:12 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 21:21

Bi Per winul bi, a na ja Yeesu: “Ajug! A niintsi, we ka baandë-niul wun-i?”

NGËRO 11:23

Bi na band bi, a na win bëtseend Nasien-batsi, na lílan, a na liinc-liincan bukul ngëwaas bëlieng, pa ba mob ba liincan tsi Ajug, di ngëwaas bukul bëlieng.

NGËRO 15:22

Din, a bapostolu ni bajëŋal, ni Ngëriisia bëlieng, baaraan përat bayënts tsi bukul, bu ka yël bukul ni Pol ni Barnabas di Antiookia. A ba rat Judas ni ka n jakee Barsabas, ni Silas, bayënts ban rispitaara biki tsi bafets Yeesu.

NGËRO 20:24

Maa, nji n tsuuts ubiira nji ko un ka wi bëkat, uci pëjaa man túk pëtuk nji uwar, a n do uwar uleemp wi Yeesu, Ajug, wëlin wi përo, nji pëci naleents Upetsan-uwar, uleka bëtseend Nasien-batsi.

ROOMA 5:2

A tsi uwak tsi Yeesu Këristu tsuuna nja tsun pëtsënkan bëtseend bi ngë mobëna bink aliincan; a tsi bul tsi ngë tsuuna tsun mbëndandar nja tsi uwats përëmb Nasien-batsi.

1 KORINTU 15:1

Batsaar ni nji, mán lesan ind Upetsan-uwar wi n leents ind wi, wi nda niiran wi, a nda wama liincandar tsi wul;

2 KORINTU 1:19

Par Abuk Nasien-batsi, un ci wi Yeesu Këristu, cits nan ci Eey-e ni an-a. Maa Eey-e aciina tsi nul! Nul ni wund leents ind un, nji ni Silwaanu, ni Timoteu.

2 KORINTU 1:24

Cits pëja ne wund ka yëlanar ind tsi uwak ind, maa wund ka leemp ni ind tsi undo ulílan ind; pa uwak ind pëliinc.

EFEESU 3:3

par aci Nasien-batsi tsuin un pëme undoots wi mea, bi ndo bi picandar ind ba irim in kës yi ko.

EFEESU 6:21

Pa ind buts pëme ko wi nciina wi, ni ko wi n du n do wi; Tiikiku, nul natsaar nja na ŋalee, a na ci naleemp na mobi tsi Ajug, ka leents ind bëlieng ngan par ngi.

KOLOS 1:7

Wul aci ko wi Epafëras jukan ind wi, nul níic wund na ŋalee a na bof uleemp ni wund, a na ci na mobi tsi pëleempar Këristu pa ind.

KOLOS 4:7

tsi uleka ngi n ciina ngi, Tiikiku ka leents ind ko un ci wi-ba këci. Nul aci nan tsaari ninjana ŋalee, a na ciind naleemp na mobi tsi ko wi na tsua wi, naleemp ni nji tsi Ajug.

KOLOS 4:9

Acii ni Oneesimu, na mobi tsi ko un jaka wi, nan tsaari ninjana ŋalee, nul nan pënë-nii tsi ind; bu ka leents ind ngan par ngi bëlieng tsi.

1 TESALONIKA 1:1

A pënni ri Pol, ni Silwaanu, ni Timoteu, pa Ngëriisia bañaan Tesalonika, ngul ngan ci ngi tsi Nasien-batsi, Asin, ni tsi Yeesu Këristu, Ajug. Bëtseend ba wëlaan ind ni pëfac!

2 TESALONIKA 1:1

Pol, ni Silwaanu, ni Timoteu, pa Ngëriisia bañaan Tesalonika, ngul ngan ci ngi tsi Nasien-batsi, Asini njani tsi Yeesu Këristu, Ajug.

BAYEBËREU 13:22

Batsaar ni nji, man buara ind pa nda roon ndë niiran përim pan ci pink katseend-ibats; te man picandëri ind a n runkëtën kërunkëtën.

1 PER 1:13

Wul ka wun, nda yecisëri tsi ume ind, ndë ci baliingëlën-ko, ndë baar uwats tsi bëtseend bi nda ka bi pëtsijee upibandari Yeesu Këristu.

1 PER 4:10

Uja nan ci, në ci tsi pëleempar bacintsul ni utseend wi na yank wi; unk ri ndu ci run ba tsijëna bëtseend Nasien-batsi bawar, bul ban patsëlar bi.

2 PER 1:12

Undo ko umënts wi ka wun n yecis, pa puu lesës ind ngëko ngëmënts ngi, ŋal bi nda me bink ngul, a nda mob aliincan tsi ucär wi ngë ciina wink.

2 PER 2:15

Bu wëtan bëga bëmabal, a ba niam bi bu kë fets bukunk bëga Balaam, abuk Bosor, nul nan yecis pëyank bëluk kamabats;

3 JOŊ 1:12

A Demeetriu, bañaan bëlieng ka ja uwar tsi ulekaul. Ucar, wul bërier wul leents wun ko uwar wi na ro wi. A wund buts, wund ka leents ko uwar wi na ro wi; a wi m me ko wi wund kë leents wi ci ucär.

JÚDAS 1:3

Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.