1 PER 5:10 - KARÚK-PËRIM KAWALU Nouveau Testament

¹⁰ Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 PER 5:10 ပူးပေါင်းရင်းမြစ်များ

LÚKAS 22:32

Maa nji, man ñaandaru, pa uwaku tsë niaman. A wi, uwal wi m kaki wi, kë liinc-liincan ban tsaar biki ni wi.”

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 15:5

Nasien-batsi umiira, ni kaliinc-liincan uwaas, na wëlan ind uwejats uloole umënts wun, pa ind puu yëkëlar ipës pi Këristu Yeesu,

ROOMA 16:25

Përëmb pa wëlaan nan ka unk pëyëlan pa pënatsan ind, bi n leents ind bi Upetsan-uwar, ni përim pi Yeesu Këristu leents pi, bi na piban bunk undoots wunk meaa, a u ro gaangaa ki ngëwal ngan par ngi;

ROOMA 9:11

Par batantëmb bukun netse ro bukee, te bu roots nin ko u wara wi, nin u waraatsa wi, pa utsaag Nasien-batsi tsi uleka bërat pëci u liinc wi;

ROOMA 9:24

un ci wi, nja biki na rui biki buts, te cits tsi pëncuaf Bajudeu rin, maa tsi pëncuaf bañaan ban cits biki Bajudeu buts.

1 KORINTU 1:10

Man ñaan ind batsaar ni nji, tsi katim Yeesu Këristu Ajug nja pa ind bëlieng puu baar tsi përim pëloole, pa mankicësar përits ci tsi ind; maa nda baari pëci baloole, tsi uwejats uloole, ni tsi utsaag uloole.

1 KORINTU 1:9

Nasien-batsi, aci na mobi tsi përim, nul nan duuri indi manteelar ni Abukul Yeesu Këristu, Ajug nja.

2 KORINTU 13:11

A tsi utuami batsaar ni nji, nda ciin ni ulílan, nda leempari pëci ba band biki, nda liinc-liincandari, nda teelari, nda ciin tsi pëfac. Nasien-batsi bëŋal ni pëfac ka ci ni ind.

2 KORINTU 4:17

Par unoor nja urafal inkri, ka tsiji nja përëmb pa n jaakaatsa pi, pan dits pi ka ba; pan pe pi unoor inja.

FILIIPUS 4:13

Man yëlan ko un ci wi-ba këci, tsi Këristu, nawëlin pëyëlan.

KOLOS 2:7

nda ciin ba n jab biki tsi nul, ndë liinc, nduu pe këpe pëka uyëlan tsi uwak, bi nda jukana bi; din ngëwaas ind kë cum ni puu baran.

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

2 TESALONIKA 2:14

Undo ko umënts wun, a na ruuni ind Upetsan-uwar wund, ind pëbof tsi përëmb Ajug nja Yeesu Këristu.

2 TESALONIKA 2:17

Na liinc-liincani ind ngëwaas, në tsu ind pëliinc tsi përo ko un ciwi-ba këci uwar, ni tsi përim pan ci pi-ba këci pëwar.

2 TESALONIKA 3:3

Maa Ajug aci namob tsi përim; ka liincan ind, në waay ind tsi uleka Naro-ngëko-kawaraatsa.

1 TIMOTEU 6:12

Kamani ukam u wara wi, wi uwak; moban liincan ubiira un dits wi ka ba, wi m duuree wi, a m leents uwar uleka uwaku, tsi bërun bacumal ba maatir biki.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

2 TIMOTEU 2:10

Wul ka wun n ci tsi puu miira tsi ko un ci wi-ba këci, undo barata, pa bukul buts pëyank pëbuer, pul pan ci pi di Këristu Yeesu; bu ka yankand përëmb pan dits pi ka ba.

BAYEBËREU 9:15

Wul ka wun Këristu ci natsu-manteelar tsi karo-pëloole kawalu, bi na cäts bunk, pa pëluk pëbuer bañaan tsi ngëjuban ngandolaa ngi tsi uwal karo-pëloole kacak, pa banduee biki ka yank bërukanda ba watsana bi, bul ban dits bi ka ba.

1 PER 1:15

Maa bi nandui ind unk ci bunk nayëman, ind buts bërier ind, nda ciin bayëman tsi ko wi ndu ro wi ba këro.

1 PER 4:10

Uja nan ci, në ci tsi pëleempar bacintsul ni utseend wi na yank wi; unk ri ndu ci run ba tsijëna bëtseend Nasien-batsi bawar, bul ban patsëlar bi.

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

1 JOŊ 2:25

Wi ci-un uwatsan wi na watsán nja wi: ubiira un dits wi ka ba.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.