1 PER 4:2 - KARÚK-PËRIM KAWALU Nouveau Testament

² Unk tsi ngënu ngi nda rukanda ngi pëka tsi uliaf, nda katse ka ci tsi karí-ko ñaan-najin, maa tsi uŋal Nasien-batsi.

1 PER 4:2 ပူးပေါင်းရင်းမြစ်များ

MATEU 12:50

Par, nan cii ba këci tsi përo uŋal Asin nji nan cii di batsi, namënts un aci nan tsaari ni nji, niints, ni nan tsaari ni nji, ŋaats, ni anin nji.”

MATEU 20:4

A na ja bukul: ‘Ind buts, nda tsëpan ndii leemp di uwoorta nji wi mko ubiiñu, ka luk ind ko u mab wi.’

MATEU 21:31

Naom tsi batëb biki do un uŋal asin?” A ba yankul aja: “Nacäk.” A Yeesu ja bukul: “Mán leents ind ucär: Bayep bëluk-uraasa, ni bakaats batúk-ufuts, bu ka yër ind bërun pëniaj pësien Nasien-batsi.

MATEU 7:21

Cits biki ka n jain biki blieng: ‘Ajug, Ajug!’ Ka niaj bukun pësien batsi, maa aci ni kan doi uŋal Asin nji nan cii di batsi.

MARKU 3:35

Wul ka wun, nan ci ba këci tsi përo uŋal Nasien-batsi, namënts un aci nan tsaari ni nji, niints, ni nan tsaari ni nji, ŋaats, ni anin nji.”

MARKU 7:21

Par di bametsu ngëwaas bañaan-bajin, dul di ngëwejats nga waraatsa ngi kë pënë-ni run, ngëko katúk-ufuts, kakiej, kafiŋ-ñaan,

KAKÚRAN-KAWAR YEESU KRISTU BI JOŊ LEENŢ BI KUL AJA 1:13

bukul, bë bukënaatsa tsi pëñaak, nin tsi uŋal uyamats, nin tsi uŋal niints, maa tsi uŋal Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 7:17

Uci ñaan ŋal përo uŋal Nasien-batsi, në me ne bëjukan bi apënë-ni tsi Nasien-batsi, oo ne mán ñakan uleka nji bërierin.

ROOMA 12:2

Ind tsë ro bi bañaan umundu wi kë ro bi, maa, nda wëtan uwejats uwalu un ci wi di ind, u butan ind bëci; unk, ndë yëkëran un ci wi uŋal Nasien-batsi, wël u wara wi, a u líl, a u kës.

ROOMA 14:7

Par kaats ñaan tsi nja ni ka yafëntsari beenul bërierul, nin kaats ni kan catsari beenul bërierul.

ROOMA 6:11

Unk ind buts, nda tsuun tsi ibats ind nda cäts tsi uleka ujuban, a nda yës pa Nasien-batsi tsi Këristu Yeesu.

ROOMA 6:2

Nin-a! Nja ban cäts biki tsi ujuban, um bi ngë ci bun bayësal kak tsi wul?

ROOMA 7:4

Unk ind buts batsaar ni nji, bi nda bof bunk tsi uliaf Këristu, nda cäts tsi uleka ngëtsua, pa ind pëci biki nalon, na natsee unk di bacäts, pa nja pëtsij mbuk pa Nasien-batsi.

2 KORINTU 5:15

A nul, a cätsar bañaan bëlieng, pa biki ka yafënts biki, bu katse ka yafëntsar iyeen bukul bërier bukul, maa bu ka yafëntsar nan catsar unk bukul, a na natsee di pëcäts pa bukul.

EFEESU 2:3

Nja bëlieng buts ngë ro ci pi bukul, nja kë yandaar tsi ngëko ngi uyamats nja kë rí ngi, nja kë ro ko wi uyamats ŋal wi, ni ko wi ngëwejats nja ŋal wi; a tsi bëci bañaan-bajin, ngë ro ci upäts uriab Nasien-batsi, pi ban duka bukunk.

EFEESU 4:17

Wul ka wun, ko wi, wi n du n ja wun, a ndu n leents wul tsi Ajug: Ind tsë kaka yandaar bi ban cits bukunk Bajudeu kë yandaar bunk tsi ngëwejats bukul bërier bukul ngan kaats ngi bëkat.

EFEESU 5:17

Wul ka wun, ind tsë ci bafuur; maa nda yëkërani ko wi Ajug ŋal wi.

EFEESU 6:6

Ind tsë ro ank tsi këkës bañaan-bajin din, pa bukul pëlilandër ind; maa nda ciin pi baluek Këristu, ndë mob tsi përo uŋal Nasien-batsi ni ngëwaas ind bëlieng.

KOLOS 1:9

Wul ka wun, wund buts, ki unu wi wund te wi ko wan, wund wëtaants pëñaandar ind, ni pëyep nda roon ndë cum ni ume uŋalul tsi kameko kan ci ki ba këci, ni tsi bëlipal, ngul ngi Uwejats Nasien-batsi kë wël ngi.

KOLOS 3:3

Par nda cäts, a ngëbiira ind beka ni Këristu tsi Nasien-batsi.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

1 TESALONIKA 5:18

Nda barani tsi ko un ci wi-ba këci, par umënts wun aci uŋal Nasien-batsi pa ind, tsi Këristu Yeesu.

BAYEBËREU 13:21

Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

JAKOB 1:18

abukëni nja përim ucär, tsi uŋalul, pa nja ka yëlan përo pi ngë ci bacäk tsi ngëkoul ngi na leemp ngi.

1 PER 1:14

A bi nda ci bi upäts ba mob biki tsi përim, ind tsë naam bi nda ro bi ci uwal ujon tsi karí-ko, uwal wi nda ro wi ci tsi kameets-ko ind.

1 PER 2:1

Wul ka wun, nda bëran kawaraatsa kan ci ki ba këci, ni bëlipal maniamëlan ban ci ba këci, ni kanguungu kan ci ki ba këci, ni mankocar, ni kajaar bañaan ngëwutsëtsuel kan ci ki ba këci.

1 JOŊ 2:17

Te umundu ka par bëlieng ni karí-ko wul; maa ñaan nan ci tsi përo uŋal Nasien-batsi, ka mob tsi pëci pa sandëndën.