1 PER 4:11 - KARÚK-PËRIM KAWALU Nouveau Testament

¹¹ Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!

1 PER 4:11 ပူးပေါင်းရင်းမြစ်များ

MATEU 6:13

Tsë wët wund, wund yër tsi mteen-teenana; maa buerani wund tsi kañan nakaalam. Par pësien aci piicu, ni ufosa ni përëmb, pa sandëndën. Ameen!

KAKÚRAN-KAWAR YEESU KRISTU BI JOŊ LEENŢ BI KUL AJA 13:31

Bi Judas cil bi, a Yeesu ja: “Inkri, Abuk ñaan-najin arëmbana, a Nasien-batsi rëmbana tsi nul.

NGËRO 7:38

Bi baisrael juk bi di ulaalats, a Moises namëntsi ci-un ni basin nja ni uwaanju u ñakanaanul wunk di untunda Sinai; aciul yanki un irim ubiira pa pëwël nja yul.

ROOMA 11:36

Par ngëko bëlieng apënë-ni tsi nul, nul leemp un ngul, a nga ci pa nul. Përëmb, pa ciin pa nul pa sandëndën. Ameen!

ROOMA 12:3

Par, tsi bëtseend bi wëla bi, má nja ka ra ñaan nan ci tsi ind, nul tsë wejatsar beenul bërierul na par-paran; maa na wejatsi na liingëlan tsi kaniibi uwak wi Nasien-batsi wël wi kara ñaan.

ROOMA 16:27

Nasien-batsi naloole baŋ, nul nameko, na wëlaan përëmb pa sandëndën, tsi Yeesu Këristu. Ameen!

ROOMA 3:2

Arëmb mak, uci pëwejats tsi ngëko bëlieng. Ucak, aci bukul biki Nasien-batsi wël bukun irimul.

1 KORINTU 10:31

Bi u ci bank, uwal wi ndu riala wi oo ndu raan, oo ndu ro ko un ci wi-ba këci, nda roan bëlieng pa përëmb Nasien-batsi.

1 KORINTU 12:4

Aka ngëkoraar ngëtseend, maa Uwejats aci uloole wun.

1 KORINTU 3:10

Tsi bëtseend bi Nasien-batsi wëlin bi, a n tsu ujuundi pi naniew nameko, a nalon niew tsi ruets dul. Maa kara ñaan në teen bi nu niew bi.

1 KORINTU 6:20

Par, nda weelara përes pëñatsal. Inkri, kara ñaan tsi uliaful na rëmbani Nasien-batsi, [ni tsi uwejatsul, ngul ngan ci ngi ngi Nasien-batsi.]

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 9:13

Bu ka pikra tsi bëkat uleemp wi, bacumal ka bundan Nasien-batsi tsi bi nda niiran bi pëpiban ko wi nda ci wi undo Upetsan-uwar Këristu; ni bi ndu wël bi ni ngëwaas ngan fac ngi, tsi bi ndu faar bi ngëko ni bukul ni bañaan bëlieng.

EFEESU 1:19

Ndë yëkëran buts upelëkar pëyëlanul tsi wund ba uwak biki, bi uyëlan pëyëlanul kë leemp bi tsi wund.

EFEESU 4:29

Përim pa waraatsa pi tsë pëni di itum ind, maa përim pa wara pi baŋ pa pëleempëna tsi pa fiera tsi, pë wël bëtseend pa ban te biki pul.

EFEESU 5:20

nda ru kë ja Nasien-batsi, nul nan ci Asin, baran tsi ngëko bëlieng tsi katim Yeesu Këristu Ajug nja.

EFEESU 6:10

Pa pëtuamës, nda tambandari tsi Ajug ni tsi uyëlan pëyëlanul.

FILIIPUS 1:11

Unk ndë cum ni ko wi bëmabal kë buk wi, wi kan pënë-ni wi tsi Yeesu Këristu, pa përëmb Nasien-batsi ni ubëndanul.

FILIIPUS 2:11

A pëndiamënt pan ci pi-ba këci, pë pets ka ja, Yeesu Këristu ci-un Ajug, pa përëmb Nasien-batsi, Asin.

KOLOS 4:6

Përim ind pa lílan ngëwal bëlieng, pa tean pënam, ndë me bi u ka bi pëja nan ci bi nu jankma bi acintsul.

1 TESALONIKA 2:4

Maa bi Nasien-batsi teenaman wund bunk, a na tanan wund Upetsan-uwar, unk di wund kë leents run përim; cits pa bañaan pëlilandër wund, maa Nasien-batsi pëlilandër wund, nul nateenaman ngëwaas wund.

1 TIMOTEU 1:17

Unk nul Nasien tsi ngëwal bëlieng, nan ditsi ka cäts, nan ditsi ka winaa, nul Nasien-batsi koorul, na wëlaan urispiitu ni përëmb pa sandëndën! Ameen!

1 TIMOTEU 6:16

Nul baŋ ci-un nan kaani karika-cats; aciina di ufac un tsënkanaatsa wi pëwokan; ñaan winats wul, a te ñaan yëlanats pëwin wul. Urispiitu, ni pëyëlan pan dits pi ka ba, aci pa nul. Ameen!

TIITU 2:1

Maa wi, jaan ko u mab wi tsi bëjukan bëwar.

TIITU 2:15

Jaan ngëmënts ngun. Tseendan bañaan ibats. Ni ko un tsua wi bëlieng, leentsari ban ka biki pëleentsara. Cäts wët ñaan na beu.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.

BAYEBËREU 5:12

Par, nda bi ka ro ci bajukan, ki këlum, maa nda wama fier ñaan pëjukan ind ngëko ngëcak-cakan, ngi irim Nasien-batsi. Ind wama bikink afier mtaw, cits bariala butambal bi nda fier bun.

JAKOB 1:19

Batsaar ni nji, ind biki n ŋal biki! Nda moban ko wi tsi ibats: Ñaan, në cësara puu cikëndan, në tsëkandar a në rura ñakan, në wët pëcar uriab.

JAKOB 1:26

Uci ñaa n ja tsi ibatsul aci nafets-bëga, te di ka mob pëndiamëntul, maa a nuu fal beenul, bëga ñaan namënts un cits koon këci ko.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 2:5

Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.

1 PER 4:10

Uja nan ci, në ci tsi pëleempar bacintsul ni utseend wi na yank wi; unk ri ndu ci run ba tsijëna bëtseend Nasien-batsi bawar, bul ban patsëlar bi.

1 PER 4:16

Maa uci na ci tsi unoor pi Ñaan-këristu, nul tsë kawara ko wan, maa na rëmbani Nasien-batsi tsi undo katim ki.

1 PER 5:11

Pëyëlan aci pa nul pa sandëndën! Ameen!

JÚDAS 1:25

Nul Nasien-batsi koorul, Nabueran nja tsi Yeesu Këristu Ajug nja na wëlaan përëmb, ni pëyëlan, ni uyëlan, ni pëtsijëna ngëko bëlieng ki ngëwal bëlieng netse ki ro juund, inkri pa sandëndën. Ameen!