1 PER 3:21 - KARÚK-PËRIM KAWALU Nouveau Testament

²¹ A mlik mmënts mi ci mun ulimënts bëmijan ban bueran ind bink inkri, cits pa pëjëntsan mtsopi ngëliaf, maa pëjaankëma Nasien-batsi ni utsaag uwar tsi undo bi Yeesu natsee bi di pëcäts.

1 PER 3:21 ပူးပေါင်းရင်းမြစ်များ

MATEU 28:19

Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts;

MARKU 16:16

Ñaan na Uwaki a na mijana, në buerana. Maa na Uwakatsi, në lacana.

KAKÚRAN-KAWAR YEESU KRISTU BI JOŊ LEENŢ BI KUL AJA 13:9

Din, a Simon Per jaul: “Ajug, cits rin itsiim nji, maa buts iñan ni been.”

NGËRO 16:33

A nawaay tsëpand bukul tsi uler umënts wun bërëm ee ñawës bukul mlupi; a uu ba, na mijana uyëk umënts wun, nul ni bayiicul bëlieng.

NGËRO 2:38

A Per yankës bukul aja: “Nda wëtani bëci ind, uja kara ñaan tsi ind në mijana tsi katim Yeesu Këristu, pa pëjampësaa ngëjubanul, ndë yank utseend Uwejats-ujënts.

NGËRO 22:16

Inkri, we wi kë lip wëën? Natsaan mijanaan, kë ñawaa ngëjubanu tsi pu uruu katim Ajug.’

NGËRO 8:36

Ba repa bëga pëtsëp, a ba band tsëlon tsëko tsan tsij tsi mlik, a niints nan kasa unk ja: “Teenan-e, mlik mi! We ka laaŋin wun pëmijana?” [

NGËRO 8:37

A Filip yankës aja: “Aniirana, uci m wak tsi uwaasu bëlieng.” A niints yankës aja: “Man wak u ci Yeesu Këristu ci-un Abuk Nasien-batsi.”]

ROOMA 5:14

Maa pëcäts sien ki uwal Adam te tsi Moises, unk ŋal tsi bandoots biki ujuban tsi kaguus-ko ka naam ki ni ki Adam, nul nan ci bënaam nan kai pëbi.

1 KORINTU 12:13

Par nja bëlieng ngë mijana tsi Uwejats uloole, pa pëci uliaf uloole rin; uru ci ank Bajudeu uu, oo Bagërek uu, baluek uu, oo bafacal. A nja bëlieng, Uwejats uloole umënts wun din wi ngë wëlaa wun përaan.

1 KORINTU 4:6

Batsaar ni nji, pa pëtsu ind pëme ngëko ngi uwar, a n pibanaan ngul tsi nji bërierin ni Apolos, pa undo ind pëme uwar ko un picana wi, aja: “Cats paran ko un picana wi;” pa ñaan tsë riang ñaan, në welan nacints.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

GALAASIA 3:27

par ind bëlieng ba mijana biki tsi Këristu, Këristu ni nda ruka un tiema.

EFEESU 5:26

pa pëyëman ngul, uwal wi na jëntsanaan wi ngul mlik, ni përim,

KOLOS 2:12

nda mooya ni nul tsi bëmijan, a nda natsee ni nul, undo nda wak tsi pëyëlan Nasien-batsi, pul pan tsuul pi a na natsee di bacäts.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

1 TIMOTEU 6:12

Kamani ukam u wara wi, wi uwak; moban liincan ubiira un dits wi ka ba, wi m duuree wi, a m leents uwar uleka uwaku, tsi bërun bacumal ba maatir biki.

BAYEBËREU 10:22

nda ju ngë wok Nasien-batsi ni uwaas un ci wi ucär, ni tsi kacum uwak, a ngëwaas jëntsana ume-kabats un tsij wi ko u waraatsa wi, a ngëliaf ñawaa ni mlik mjëntsal.

BAYEBËREU 11:19

Abraam awejats aja, Nasien-batsi ayëlan, ŋal ñaan nan cätsi, në tsuul na natsee tsi bacäts. A Isaak kakanaa awëlaul, apëni di pëcäts: Tsi uñakandar, aci ko un piban wi ko wi kan ci wi.

BAYEBËREU 13:18

Nda ñaandëri wund, par wund afiaar koon ume-kabats wund jënts, a uŋal wund ci wund puu ro uwar tsi ngëko bëlieng.

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

BAYEBËREU 9:24

Par, Këristu niajats tsëko-tsëyëman tsan ci tsi uleemp kañan ñaan-najin, tsan ci tsi këci-unaamanaani tsëcar tsun. Maa aci koon batsi bi na niaj bun, pa në natsar nja inkri tsi bërun Nasien-batsi.

1 PER 1:3

Nasien-batsi na bundanaan, nul Asin Yeesu Këristu Ajug inja. Atsu nja ngë bëka uyaas ucints undo kayëk-ipësul mak, pa ja pëka uwats un tsij wi ubiira, tsi bi Yeesu Këristu natsee bi di bacäts;

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.