1 PER 3:16 - KARÚK-PËRIM KAWALU Nouveau Testament

¹⁶ Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.

1 PER 3:16 ပူးပေါင်းရင်းမြစ်များ

MATEU 5:11

Nda naak, uwal wi bañaan këkar ind wi, a bu këreat ind, a bu këjaar ind ngëko pëkalam, tsi undo nji!

NGËRO 24:16

Wul ka wun, a n do buts uyëlan pa pëwëtaants pëtsij uwejats utsëkal tsi bërun Nasien-batsi, ni tsi bërun bañaan-bajin.

NGËRO 28:22

Maa, wund aŋal pëte ko wi m wejats wi bërieru. Par tsi ucär, wund ate uleka bëjukan bi, di ngëburu bëlieng bu ka ñakandar bul ngëwutsëtsuël.”

ROOMA 9:1

Mán leents ucär tsi Këristu, in di ka n tsup. tsi Uwejats-ujënts, uwejats nji bërierin aleents ko wi n ci wi, aja:

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

1 TIMOTEU 1:19

kë moband tsi uwak, ni tsi uwejats un fac wi. Uwejats umënts wun, balon awëtan wul, din a ba niaman uwak.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

2 TIMOTEU 1:3

Ma n ja Nasien-batsi baran, nul ni n ci tsi pëleempar, pi batiem-batiem nji, ni ume-kabats ujëntsal, uwal wnja wi n doon koo n lesu tsi bëñaan nji, bërëm ni pënak.

TIITU 2:8

ni përim pëwar, pan yëlants pi pëka ulaci, u tsu babër ba kawa, par bu kaats uwutsëtsuel wi bu kë ja wi tsi uleka inja.

BAYEBËREU 13:18

Nda ñaandëri wund, par wund afiaar koon ume-kabats wund jënts, a uŋal wund ci wund puu ro uwar tsi ngëko bëlieng.

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 2:15

Par uŋal Nasien-batsi, aci uwal wi ndu ro wi uwar, ndë tsu bafuur ba yëŋandar tsi kameets-ko bukul.

1 PER 2:19

Par aci bëtseend, uwal wi ñaan kë miira wi ngënoor, undo atsu uwejatsul tsi Nasien-batsi, a nuu noorana te kaats ko wi na ro wi.

1 PER 3:21

A mlik mmënts mi ci mun ulimënts bëmijan ban bueran ind bink inkri, cits pa pëjëntsan mtsopi ngëliaf, maa pëjaankëma Nasien-batsi ni utsaag uwar tsi undo bi Yeesu natsee bi di pëcäts.

1 PER 4:4

A ba pikra undo bi nda katse bi ci ni bukul tsi pëwëtandar tsi ngëko katúk-ufuts, a bu kë kar ind.