1 PER 3:11 - KARÚK-PËRIM KAWALU Nouveau Testament

¹¹ na lawani ko u waraatsa wi, në ro uwar; na moban tsi pëtsas pëfac, në fets pul.

1 PER 3:11 ပူးပေါင်းရင်းမြစ်များ

MATEU 5:45

pa ndë ci babuk Asin ind nan cii di batsi; par atsu unuul a u ja u roon u mayi pa ba kaalam ni bawar; a na tsu usubal a uu subi pa bamabal ni bamabats.

MATEU 5:9

Bë naak, ban ci biki batsu pëjoabuts tsi bañaan, par bu kee ru jakaa babuk Nasien-batsi!

MATEU 6:13

Tsë wët wund, wund yër tsi mteen-teenana; maa buerani wund tsi kañan nakaalam. Par pësien aci piicu, ni ufosa ni përëmb, pa sandëndën. Ameen!

MARKU 14:7

Par, nda ci ni baranj ngënu bëlieng; nda yëlan përoor bukul uwar, uwal wi nda ŋal wi. Maa nji, nda ri ka ci ni nji ngënu bëlieng.

LÚKAS 1:79

pa pëfiets ban ci biki tsi karëm, a pëcäts límtsan kul, pa pëkaŋan iyots nja tsi bëga bi kan tsij nja bi tsi pëfac.”

LÚKAS 6:35

Maa, nda ŋalan babër ind; nda roon ko u wara wi. Nda tsiatsani, te ind tsë watsar pëluka, din bëluk ind kee rëmb. Unk di nduu ci run babëk Kanpe pëci di ruëts. Par nul, ajuab uwaas tsi uleka barika-baran, ni tsi uleka bajuats-ngëwaas.

LÚKAS 6:9

Din, Yeesu ja bukul: “Mán yepar ind ko un niirana wi përolaa tsi unu-pënaakësa: Përo uwar, oo përo uwutsëtsuel? Pëbueran ñaan, oo pëniamanul?”

KAKÚRAN-KAWAR YEESU KRISTU BI JOŊ LEENŢ BI KUL AJA 17:15

Nji n ñaandarats wi pëpënan bukul tsi umundu, maa randani bukul kañan Ujuatsal.

ROOMA 12:18

uci u yëla bëro, nda ciin tsi pëfac ni bañaan bëlieng; aruka rukëna tsi ind.

ROOMA 14:17

par Pësien Nasien-batsi cits bariala ni përaan, maa aci bëmabal ni pëfac ni ulílan tsi Uwejats-ujënts.

ROOMA 14:19

Unk, nda ju ngë mob tsi pëfets ngëko ngi kan wël ngi pëfac, ni ngi kan tsu ngi ñaan në liinc-liincan acintsul.

ROOMA 5:1

Inkri, bi ngë tsua bink bamabal tsi uwak, ngë kaana pëfac tsi Nasien-batsi undo Ajug nja Yeesu Këristu.

ROOMA 7:19

Par nji, uwar wi n ŋal wi, man ja ndoon in di ka ndo wul; a uwutsëtsuel wi n ŋalats wi, man nja doon ka ro wul.

ROOMA 7:21

Man win ngëtsua wi ci tsi nji: Uwal wi n ŋal wi përo uwar, uwutsëtsuel ka ci tsi nji.

ROOMA 8:6

Par ko wi uŋal uliaf kë yimpara wi, aci pëcäts; a ko wi Uwejats kë yimpara wi, aci ubiira ni pëfac.

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

GALAASIA 6:10

Wul ka wun, u yëla nja bëro, ngë ro bañaan bëlieng ngëwar; maa, pëpeena biki ngë bëka biki tsi uwak.

KOLOS 3:15

Pëfac pan ci pi pi Këristu, pa ciin pan tsijëna pi ngëwaas ind, undo nda ruee tsi pul pa pëci uliaf uloole baŋ. Nda ciin babaran.

1 TIMOTEU 6:18

Jaan bukul ba ci tsi puu ro uwar; ba ciin barëmb tsi karo ngëwar, batseend ni ibats in fac yi, bu ka ciind ban yecis biki puu faar ni bañaan.

BAYEBËREU 12:14

Nda tsasan pëfac pëci tsi ind ni bañaan bëlieng, ndë tsasand puu ci ni ubiira ujëntsal; par ucits ba ubiira ujëntsal, nin ñaan di ka win Ajug.

BAYEBËREU 13:16

Ind tsë fin karo-uwar, ni mantsënkëlar; par ijakan pi imënts yun, Nasien-batsi aja na roon në lílandër yul.

JAKOB 4:17

Bi u ci bank, na mei përo uwar, a roots wul, aro ujuban.

1 PER 3:12

Par Ajug atsu këkësul tsi ruets bamabal, a ibatsul kë cikëndën bëñaan bukul, uwar; maa Ajug ka natsara baro ngëko ngan waraatsa ngi.

3 JOŊ 1:11

Wi na ŋalee, tsë fets ko u waraatsa wi, maa u wara wi. Ñaan ni kandoi uwar, aci ni Nasien-batsi. A ñaan ni kandoi ko u waraatsa wi, winats Nasien-batsi.