1 PER 2:5 - KARÚK-PËRIM KAWALU Nouveau Testament

⁵ Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.

1 PER 2:5 ပူးပေါင်းရင်းမြစ်များ

ROOMA 12:1

Maa, mán buara ind batsaar ni nji, tsi kayëk-ipës Nasien-batsi, pa ind pëwël ngëliaf ind, nga ci bëjakan buyësal, bëyëman, ban líl bi Nasien-batsi; ko wi ka wun pëci ubëndan wi nduu ro wi.

ROOMA 15:16

pa nji pëci naleempar Këristu Yeesu tsi pëncuaf ban cits biki Bajudeu, pa nji puu leents Upetsan-uwar Nasien-batsi, pa ban cits biki Bajudeu pëci bëtseend ba líl bi Nasien-batsi, bul ban jëntsanaana bi Uwejats-ujënts.

1 KORINTU 3:16

Nda meets nda ci kato-kayëman Nasien-batsi, a Uwejats Nasien-batsi ci di ind-a?

1 KORINTU 3:9

Par wund aci ban bof biki tsi uleemp Nasien-batsi; a ind nda ci bërig uleemp Nasien-batsi, a nda ci kato ki Nasien-batsi leemp ki.

1 KORINTU 6:19

Ane nda meets uliaf ind ci kato-kayëman Uwejats-ujënts un ci wi di ind-a? Wi nda yank wi tsi Nasien-batsi, a cits wiic ind bërier ind.

2 KORINTU 6:16

Kato-kayëman Nasien-batsi abof we ni icap? Par nja, ngë ci Kato-kayëman Nasien-batsi nayësal, bi nul Nasien-batsi bërierul ja bi: “Mán ciina tsi pëncuaf bukul, koo yandaar, ka ci Nasien-batsi bukul, bukul bu ka ci bañaan nji.”

GALAASIA 6:10

Wul ka wun, u yëla nja bëro, ngë ro bañaan bëlieng ngëwar; maa, pëpeena biki ngë bëka biki tsi uwak.

FILIIPUS 1:11

Unk ndë cum ni ko wi bëmabal kë buk wi, wi kan pënë-ni wi tsi Yeesu Këristu, pa përëmb Nasien-batsi ni ubëndanul.

FILIIPUS 2:17

Maa, ŋal ank ka ka pëwël ubiira nji u ci bëjakan ni bëtseend uleemp uwak ind, man lílan, a ndu n juc ni ulílan ni ind bëlieng.

FILIIPUS 4:18

Man yank ngëko bëlieng a n kësan, a n par-paran. Man cumana ngi n fier ngi, bi Epafëroditu wëlin bink ngi nda wëliin ngi. Ngul, aci pi ulicar u líl wi pëñal, bëjakan ba niiranaa bi, ba líl bi Nasien-batsi.

KOLOS 3:17

Ko wi nduu ro wi ba këro, tsi irim oo tsi karo-ko, nda roan wul tsi katim Yeesu, Ajug; tsi nul nduu baran Nasien-batsi, Asin.

1 TIMOTEU 3:15

maa uci n bi n faatsan pëbi, kë me bi bañaan ka bi përo di kato Nasien-batsi, un ci wi, Ngëriisia Nasien-batsi nayësal; ngul Ngëriisia ci ngun pëcap ni ujuundi ucär.

BAYEBËREU 3:6

Maa Këristu amob tsi përim, undo bi na ci bi Abuk a na tsijëna kato Nasien-batsi. A kato kamënts, n ja ci bukun kul, uci ngë mob aliincan tsi bëyeentsal ni upícëni tsi uwats.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!

1 PER 4:17

Par aband uwal wi kawat-pëleents kë juundëna wi di Kato Nasien-batsi. A uci kawat-pëleents kë juundëna tsinja we ka ci wun utuami ban pok biki pëwak tsi Upetsan-uwar Nasien-batsi?

UPIBAN 1:6

a na tsu nja a ngë ci pësien, a ngë ci bajakan pa Nasien-batsi, Asinul: Përëmb ni pëyëlan aci pa nul, pa sandëndën. Ameen!

UPIBAN 20:6

Bë naak, a ba yëman, ban bof biki tsi kanatsee-di-pëcäts kacak! Pëcäts pëtëbantsan yëlaants ko tsi bukul, maa bu ka ci bajakan Nasien-batsi ni biki Këristu, bu kë sien ni nul aa ngëwaanu umiil (1.000).

UPIBAN 3:12

Nakuk, mán tsuul na ci pëcap di kato-kayëman Nasien-batsi nji; katse ka pëndul yaas. Mán pican tsi nul katim Nasien-batsi nji, ni katim përaasa Nasien-batsi nji, un ci wi Jerusalem dëwalu di kan pëni ri di batsi, tsi Nasien-batsi, du welee; mán picanaand tsi nul katim nji kawalu.

UPIBAN 5:10

M tsu bukul a ba ci pësien, ni bajakan, pa puu leempar Nasien-batsi wund, bu ka sien tsi umundu.”