1 PER 2:24 - KARÚK-PËRIM KAWALU Nouveau Testament

²⁴ Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

1 PER 2:24 ပူးပေါင်းရင်းမြစ်များ

MATEU 27:26

Din, a Pilaatus wëtandar bukul Barabas, a na tsu a Yeesu tucana; a uu ba, a na gutsarul përieŋa di kruus.

MATEU 5:20

Par man ja ind: Uci bëmabal ind peets bi bapican-utsaua ni bi Bafariseu, nda ri ka niaj koon këniaj pësien batsi.

MATEU 8:17

Unk, a u roaa bi Isaaya nayëlia ro bi ja; iink di na ja run: “Nul bërierul jej un basal nja a na yankar nja mmoj.”

MARKU 15:15

A Pilaatus ŋal pëtsu kandënd bañaan ba lílan, a na wëtandari bukul Barabas; a na tsu Yeesu a na tucana a uu ba, na gutsar bukul nul, pa na rieŋa di kruus.

LÚKAS 4:18

“Uwejats Ajug aci tsi nji, par aratin pa pëleents baranj, Upetsan-uwar; ayëliin pa pëleents bamoba pëfacana, ni bakuel pëkak pëwin, ni pëwëtan ban tsua biki tsi unoor ba fac,

KAKÚRAN-KAWAR YEESU KRISTU BI JOŊ LEENŢ BI KUL AJA 1:29

Tsi unu ucints, a Joŋ win Yeesu kë bi tsi nul, a na ja: “Ni ci-un unkaanel-uties Nasien-batsi, wi kan pënan wi ujuban umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 19:1

Din, a Pilaatus yank Yeesu a na tsuul na lumbajaa.

NGËRO 10:35

maa tsi ucaak un ci wi-ba këci, na lënkuli a nuu ro ko u mab wi, në niiranul.

NGËRO 10:39

A wund ci ba maatir biki ngëko ngi na ro ngi bëlieng tsi ucaak Bajudeu, ni di Jerusalem. Nul ni ba fiŋi tsi rialul di pëmul,

NGËRO 13:29

Bi ba ba bi pëbandan ko un picana wi bëlieng tsi ulekaul, ba welaniul di pëmul ee tsuul di pëbëk.

NGËRO 5:30

Nasien-batsi basin nja anatsani Yeesu, ni nda fiŋ unk a nda rialul di pëmul.

ROOMA 6:11

Unk ind buts, nda tsuun tsi ibats ind nda cäts tsi uleka ujuban, a nda yës pa Nasien-batsi tsi Këristu Yeesu.

ROOMA 6:13

Nin ind tsë wël incimëntsu ngëliaf ind, i ci incimëntsu karo ngëko kamabats tsi ujuban; maa nda ci bërier ind pa Nasien-batsi, pi bañaan bayësal ba natsee biki di bacäts, ndë wël incimëntsu ngëliaf ind, i ci incimëntsu karo ngëko bëmabal tsi Nasien-batsi.

ROOMA 6:16

Nda meets ne, bi nda niiran bunk pëci baluek, a nda mob tsi pëleempar ñaan, nda ci baluek ñaan ni nda mob unk tsi pëleempar; u ru ci ank ujuban wi kan tsu wi ñaan na cäts, oo pëmob tsi përim Nasien-batsi pi kan tsu pi ñaan na ci namabal.

ROOMA 6:2

Nin-a! Nja ban cäts biki tsi ujuban, um bi ngë ci bun bayësal kak tsi wul?

ROOMA 6:22

Maa inkri, bi nda facana bink tsi ujuban, a nda ruka ci baluek Nasien-batsi; ko wi ndu buk wi inkri aci bëjëntsal, tsi utuami u ci ubiira un dits wi ka ba.

ROOMA 6:7

par ñaan nan cätsi afac tsi ujuban.

ROOMA 7:6

Maa inkri ngë pënana tsi ngëtsua, par ngë cats uleka ko undo wi mob inja tsi pëluek; wul ka wun nja kë leemparaan Nasien-batsi tsi bëci buwalu tsi Uwejats, katse ci tsi bëci bëpic bëjon.

1 KORINTU 15:3

Tsi ucak ko, nji ma wël ind ko wi n yanki wi buts, un ci wi: Këristu acäts undo ngëjuban nja bi Bëpica n ja bi,

2 KORINTU 6:17

Wul ka wun Ajug ja: “Ind, nda pëni tsi pëncuaf bukul! Nda patsësaan bukul! Ind tsë kërara ko un tsop wi, din, ka welan ind.

GALAASIA 3:13

Këristu aweelësi nja di bëjuats ulua, bi na tsu bi beenul bërierul na ci bëjuats tsi pëlas nja. Par iink picana run: “Na laantee-ba këlaanta di pëmul, aci bëjuats.”

EFEESU 5:9

par ko wi ufac kë buk wi aci karo-uwar kan ci ki ba këci, ni bëmabal ban ci bi ba këci, ni ucär un ciwi-ba këci.

FILIIPUS 1:11

Unk ndë cum ni ko wi bëmabal kë buk wi, wi kan pënë-ni wi tsi Yeesu Këristu, pa përëmb Nasien-batsi ni ubëndanul.

KOLOS 2:14

afaa kakaarta kan picana ki koo kaman nja ki ngëtsua ngan doots ngunk wara nja; apënan kul, par arieŋ kul tsi kruus;

KOLOS 2:20

Uci bi nda cäts bunk ni Këristu, a u tsu ind a nda pën tsi ngëko umundu, we ka wun a nduu luekandar tsi përo ngi ngëtsua ja ngi, pi nda wama ci biki umundu,

KOLOS 3:3

Par nda cäts, a ngëbiira ind beka ni Këristu tsi Nasien-batsi.

BAYEBËREU 10:10

Aci tsi uŋal umënts wun tsi ngë yëmanaana tsun, tsi bëjakan uliaf Yeesu Këristu uyaas uloole baŋ.

BAYEBËREU 10:5

Wul ka wun, uniaji Këristu tsi umundu, a na ja: “M ŋalats nin bëjakan, nin bëtseend, maa m yecisn uliaf.

BAYEBËREU 12:13

Nda roori iyots ind iga icol, najënk tsë ci nalab, maa na yësan.

BAYEBËREU 7:26

Nan pei pëci nawiak-bajakan pi namëntsi, ni ngë fier un, najëntsal, nan kaatsi ulaci, nan kaatsi ujink, nan patsilari ni bajuban, nan diangai aruetsi batsi ban ci bi ba këci.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

JAKOB 5:16

Bi u ci bank, nda jaan nan ci në pets bacintsul ngëjubanul, nan ci nuu ñaandar bacintsul, pa ndë yës. Bëñaan namabal, bandola bi ni pëyëlan, aka bëkat mak.

1 JOŊ 2:29

Uci nda me na ci namabal, ndë niiran buts ne, ñaan nandoi ba këro ko u mab wi, abukënaa tsi nul.

1 JOŊ 3:7

Upats uties, ñaan tsë fal ind. Na mobi tsi përo ko u mab wi, aci namabal, bi Këristu ci bi namabal.

UPIBAN 22:2

a kuu tulee tsi pëcuf kënjëkënts përaasa. Bëko ubiira anats tsi kara kalutar kabulaŋ kamënts kun, a buu buk mbuk ngëyaas untaaja ni ngëtëb, kara pëli bu buk; a ito bul ci pa pëyësan ngëcaak.