1 PER 2:16 - KARÚK-PËRIM KAWALU Nouveau Testament

¹⁶ A bi nda ci bi ban fac biki, ind tsë ro pëfac ind ulec pa pëkundëna kawaraatsa ind; maa nda roan bi nda ci bi baleempar Nasien-batsi.

1 PER 2:16 ပူးပေါင်းရင်းမြစ်များ

MATEU 23:13

Cay bapican-ulua ni Bafariseu, ind banguungu! Par nda ja nda roon nduu ríc bañaan Pësien batsi tsi këkës bukul. Maa ind bërërind nda ri ka niaj, nin pëwëtan biki kan këmand biki pëniaj ba niaj.

KAKÚRAN-KAWAR YEESU KRISTU BI JOŊ LEENŢ BI KUL AJA 15:22

Uci ndoots n bi, a nji ndoots leents bukul, bu bitse ka ka ujuban. Maa inkri, bu kaats ulaabaraani ujuban bukul.

ROOMA 6:18

Ind nda facana tsi ujuban, a nda ruka ci baluek tsi bëmabal.

ROOMA 6:22

Maa inkri, bi nda facana bink tsi ujuban, a nda ruka ci baluek Nasien-batsi; ko wi ndu buk wi inkri aci bëjëntsal, tsi utuami u ci ubiira un dits wi ka ba.

1 KORINTU 7:22

Par ni Ajug rui a na ci naluek, në ruka ci ni Ajug buerani. Unk buts nan ci nafacal a na ruee, në ruka ci naluek Këristu.

GALAASIA 5:1

Këristu afacan nja pa n ja pëci bafacal. Nda ciin baliincal, ind tsë kaka niaj tsi pëluek.

GALAASIA 5:13

Par ind, batsaar ni nji, nda ruree pëfacana; maa, ind tsë laabaraan pëfacana, a ndë niaj tsi karí-ko uliaf; maa, kara ñaan na ciin naleempar acintsul, tsi bëŋal.

EFEESU 6:6

Ind tsë ro ank tsi këkës bañaan-bajin din, pa bukul pëlilandër ind; maa nda ciin pi baluek Këristu, ndë mob tsi përo uŋal Nasien-batsi ni ngëwaas ind bëlieng.

KOLOS 3:24

Par nda me koon, Ajug ka wël ind bërukanda, bë ci bëluk. Aci Këristu, Ajug, ni nda ci-un tsi pëleempar.

1 TESALONIKA 2:5

Nda me koon, yaas a përim wund ka ci pan bëndan pi ñaan tsi kafäl, nin wund pëtsij ngëwejatskariisan-ko; Nasien-batsi aci na maatir.

JAKOB 1:25

Maa nan kaŋani këkësul tsi ulua un ba wi pëci uwar, wi kan bueran wi, a na liincandar, a cits nacikëndan ni ka fini, maa a namob tsi puu ro ko wi u ja wi, namënts un ka naak tsi ngi nuu ro ngi.

JAKOB 2:12

Nda ñakani, ndë ro, pi bañaan ban ka biki pëwata pëleents bi ulua wi kan bueran wi tsu bi.

2 PER 2:19

Bë watsan pëwël bukul pëfac, te bukul bërier bukul bë ci baluek tsi ngëko ngi kan cok ngi; par ñaan nan peai, aci naluek nan peul unk.

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.