1 PER 2:12 - KARÚK-PËRIM KAWALU Nouveau Testament

¹² Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 2:12 ပူးပေါင်းရင်းမြစ်များ

MATEU 10:25

A najuk ci pi najukanul, din u liing; a naleemp ci pi nawiakul, din u liing. Uci ajug kato kë rua ‘Beelsebul,’ a m do um bañaan katoul!

MATEU 5:11

Nda naak, uwal wi bañaan këkar ind wi, a bu këreat ind, a bu këjaar ind ngëko pëkalam, tsi undo nji!

MATEU 5:16

Unk buts, ufac ind u fietsan tsi bañaan, pa bu ka win ngëwar ngi nduu ro ngi, bu këbëndan Asin ind nan cii di batsi.

MATEU 9:8

Bi indënd bañaan win bi ko umënts wun, a ba lënk mak a bu kë bëndan Nasien-batsi, nul na wëli bañaan pëyëlan pi pëmënts pi.

LÚKAS 1:68

“Ajug, na jaaraan ngëwar, nul Nasien-batsi Israel, par abi pëwula bañaanul, na facan bukul.

LÚKAS 19:44

bu ka fam-famanu, ni upätsu ban ci biki di bametsuu. Bë ri ka ruk tsi wi pëlaak tsi ruets pëcints pul, par m yëkëranats uwal wi m wúlaa wi.”

LÚKAS 6:22

Nda naak, uwal wi bañaan ñaas ind wi, uwal wi ba pënan ind wi tsi ngiic bukul, a bu kë kar ind, a bu kë cok ind itim, undo Abuk ñaan-najin.

KAKÚRAN-KAWAR YEESU KRISTU BI JOŊ LEENŢ BI KUL AJA 13:31

Bi Judas cil bi, a Yeesu ja: “Inkri, Abuk ñaan-najin arëmbana, a Nasien-batsi rëmbana tsi nul.

NGËRO 15:14

Simeon aleents bi Nasien-batsi cakës bi arat uwar tsi ngëcaak ban cits biki Bajudeu, bañaan biki kanduunaa biki katimul.

NGËRO 24:13

nin bu yëlants pëpiban ucär tsi ngëko ngi bu kë jaarin ngink inkri.

NGËRO 25:7

Bi Pol baandi bi, a Bajudeu ban pëni bukunk Jerusalem fayul, a ba kur pëtumtsarul tsi ngëko ngëcumal ngan waraatsa ngi; maa tsi ngëmënts ngan, bu kaats ko wi kan piban wi nga ci ngëcar.

NGËRO 28:22

Maa, wund aŋal pëte ko wi m wejats wi bërieru. Par tsi ucär, wund ate uleka bëjukan bi, di ngëburu bëlieng bu ka ñakandar bul ngëwutsëtsuël.”

ROOMA 12:17

Ind tsë lukan ñaan uwutsëtsuel, ni uwutsëtsuel; nda tambandari tsi përo uwar tsi bërun bañaan bëlieng;

ROOMA 13:13

Nda ju ngë yandaar tsi bëmabal, pi ñaan ni ka yandaari tsi pënak ndakaŋ; ind tsë mob tsi buwaamal ni ukuj, nin ind tsë mob tsi mampiintsandar ni karika-kawa, nin ind tsë mob tsi pëŋom ni mankocar.

ROOMA 14:18

Nan ci tsi pëleempar Këristu a nuu ro unk, Nasien-batsi ka lílandërul, bañaan-bajin ka niiranul.

ROOMA 15:9

ni pëtsu ban cits biki Bajudeu përëmban Nasien-batsi, tsi undo kayëk-ipësul, bi u picana bi aja: “Wul ka wun, nji mán dëmbanu tsi pëncuaf ban cits biki Bajudeu, ka ya iya ubëndan pa katimu.”

1 KORINTU 14:25

Ngan beka ngi di uwaasul ka bekësee, unk në yër ka lëma tsi utsia, në jintëla Nasien-batsi, në ja: “Tsi ucär Nasien-batsi aci tsi pëncuaf ind.”

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 13:7

Wul ka wun, wund aci tsi pëñaan Nasien-batsi pa ind tsë ro ulon ko u waraatsa wi; maa pa ind përo uwar, ŋal bi u naam bi wund ayër. Cits pëjaa wund aci ban par biki tsi pëteenamana,

2 KORINTU 8:21

Ko wi wund pe wi pëfierand aci përo ko u mab wi, a cits tsi bërun Ajug rin; maa tsi bërun bañaan buts.

EFEESU 2:3

Nja bëlieng buts ngë ro ci pi bukul, nja kë yandaar tsi ngëko ngi uyamats nja kë rí ngi, nja kë ro ko wi uyamats ŋal wi, ni ko wi ngëwejats nja ŋal wi; a tsi bëci bañaan-bajin, ngë ro ci upäts uriab Nasien-batsi, pi ban duka bukunk.

EFEESU 4:22

bi nda ka bi pëwëtan ñaan najon tsi bëci ind ban par bi, bi kan cok bi tsi karí-ko manfalar.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

FILIIPUS 4:8

Pëtuamës, ind batsaar ni nji, ko un ci wi-ba këci ucär, ko un ci wi-ba këci wi urispiitu, ko un ci wi-ba këci umabal, ko un ci wi-ba këci ujëntsal, ko un ci wi-ba këci-un ka wi pëŋalaa, ko un ci wi-ba këci-un ka wi pëbëndanaa – uci ko ci a u buer pëwara, oo a u tsënkan pëjaa abëndanaa —nda tsuun ibats tsi ngëko pi ngëmënts ngun.

1 TESALONIKA 4:12

Din, bañaan utsand ka win bëci ind bëwar; unk nda rits fier ñaan.

1 TIMOTEU 2:2

pa basien, ni ban tsua biki bëlieng pëci bañaan bawiak. Unk, nja ka fac nja ka tsëk, tsi pëlënk Nasien-batsi pan ci ba këci, ni tsi urispiitu.

1 TIMOTEU 4:12

Ñaan tsë tienkëtsanu, tsi undo m wam upaas, maa ciin ñaan ni m mei, ba uwak biki koo teenënu tsi irim, ni tsi karo-ko, ni tsi bëŋal, ni tsi uwak, ni tsi bëjëntsal.

1 TIMOTEU 5:10

aka pëmeanda karo ngëwar: Uci na kus upätsul uwar, a na ci nawelan bañaan, a nuu ñaw bayëman itsiim, a nuu tsënk ban juatsan biki, a na ci na mobi tsi puu ro ko u wara wi-ba këwara përo.

BAYEBËREU 13:18

Nda ñaandëri wund, par wund afiaar koon ume-kabats wund jënts, a uŋal wund ci wund puu ro uwar tsi ngëko bëlieng.

BAYEBËREU 13:5

Kaŋal-uncaam tsë tsijëna ind tsi përo ko; nda liingan tsi ko wi nda ka wi, par Nasien-batsi aja: “In di ka n wëtanu, yaas; In di ka n bëru, yaas.”

JAKOB 3:13

Naom tsi ind ci-un nameko ni nalipal? Tsi bëroorul, na pibani ngëko ngi nuu ro ngi ci ngëwar, a nuu ro ngul tsi kawelan-beenul kan piban ki na ci nameko.

1 PER 2:15

Par uŋal Nasien-batsi, aci uwal wi ndu ro wi uwar, ndë tsu bafuur ba yëŋandar tsi kameets-ko bukul.

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!

2 PER 3:11

Bi ngëko ngi ka bink pëgaraa bëlieng, uwom ukoraar bañaan wi nda ka un pëci? Nda ka puu yandaar tsi bëjëntsal, ni tsi pëlënk Nasien-batsi,