1 PER 1:5 - KARÚK-PËRIM KAWALU Nouveau Testament

⁵ A tsi undo uwak ind, nda gaanga tsi pëyëlan Nasien-batsi, pa pëbuer pan yecisa pi pëpibana tsi uwal utuami.

1 PER 1:5 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 12:48

Ñaan nan bërini, a niiranats irim nji, nul, aka ni ka watuli pëleents; përim pi n leents pi, pul ka watul pun pëleents, tsi unu utuami.

KAKÚRAN-KAWAR YEESU KRISTU BI JOŊ LEENŢ BI KUL AJA 17:15

Nji n ñaandarats wi pëpënan bukul tsi umundu, maa randani bukul kañan Ujuatsal.

KAKÚRAN-KAWAR YEESU KRISTU BI JOŊ LEENŢ BI KUL AJA 4:14

maa ñaan daan mlik mi ndu wëlul mi, di ka lofënts yaas; par mlik mi ndu wëlul mi ka witsa man ci ukëpës tsi nul, wi kan këpësi wi mlik pa ubiira un dits wi ka ba.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:24

Mán leents ind ucär: Nan tei përim nji a na wak tsi na yëliini, aka ubiira un dits wi ka ba; di ka wata pëleents, apar ba tsi pëcäts pa ubiira.

ROOMA 11:20

Awara! Undo kawakats bukul, ka wun ba cëtaa; maa wi, undo uwak ka wun m mob m liincan. Cats rëmbandar, maa lënkan.

ROOMA 8:18

Nji man wejats a nja, ngënoor uwal inkri wi di ka jaaka ni përëmb pi kee pibana pi tsi nja.

1 KORINTU 1:21

Par, Nasien-batsi tsi kamekoul, tsuuts umundu u meul tsi kamekoul bërierul; maa ba uwak biki, abueranaan bukul bëfuur kaleents-përim.

2 KORINTU 1:24

Cits pëja ne wund ka yëlanar ind tsi uwak ind, maa wund ka leemp ni ind tsi undo ulílan ind; pa uwak ind pëliinc.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

EFEESU 2:8

Par tsi bëtseend ka bun nda buer, tsi undo uwak ind. Umënts wan biinatsi tsi ind, aci ko wi Nasien-batsi wël wi;

EFEESU 3:17

A tsi undo uwak, Këristu na ciin di ngëwaas ind pa ndë jab ibuul ndë liinc tsi bëŋal.

FILIIPUS 1:6

Man wak koon ko wi: Nan kur unk përo ko uwar tsi ind, ka mob tsi përo wul na ba, te tsi unu Këristu Yeesu.

FILIIPUS 4:7

Unk, pëfac Nasien-batsi, pul pan pe pi ko un yëlan wi pëmeaa, pë gaang ngëwaas ind ni ngëwejats ind tsi Këristu Yeesu.

2 TIMOTEU 3:15

a m les, m me Bëpican Bëyëman ki m wam ki napäts. Ngul, a yëlan pëwëlu kameko, pa pëtsëpandu aa uwaku tsi Këristu Yeesu ka bueranu.

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

BAYEBËREU 6:12

Wund ŋalats ind përuka ci batsuunk, maa ind pëteenëna biki kan par-na biki uwak ni umiira bu ka yank nga watsana ngi.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

1 PER 1:13

Wul ka wun, nda yecisëri tsi ume ind, ndë ci baliingëlën-ko, ndë baar uwats tsi bëtseend bi nda ka bi pëtsijee upibandari Yeesu Këristu.

1 PER 4:13

Maa nda lílani bi nda bofana bi tsi unoor Këristu, pa upibandari përëmbul ind buts ndë juc ni ulílan.

1 PER 5:1

Mán liinc-liincan ngëwaas bajëŋal ban ci biki tsi ind, nji nan ci najëŋal pi bukul, a n ci namaatir ngënoor Këristu; a n bofëna tsi përëmb pan ka pi pëpibana.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

1 JOŊ 3:2

Bamiñ ba ŋala biki, ngë ci upäts Nasien-batsi inkri; ko wi nja kii ci wi netse pibana. Ngë me, uwal wi Këristu pibandari wi, nja ka naam ni nul, par nja ka winul bi na ci bi ja.

JÚDAS 1:1

Júdas, naluek Yeesu Këristu, a na ci buts nan tsaari ni Jakob; pa bandua biki, biki Nasien-batsi Asin ŋal biki, a ba waaya tsi Yeesu Këristu.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.