1 PER 1:15 - KARÚK-PËRIM KAWALU Nouveau Testament

¹⁵ Maa bi nandui ind unk ci bunk nayëman, ind buts bërier ind, nda ciin bayëman tsi ko wi ndu ro wi ba këro.

1 PER 1:15 ပူးပေါင်းရင်းမြစ်များ

MATEU 5:48

Bi u ci bank, nda ciin ban ba biki pëci bawar, bi Asin ind nan cii di batsi ci bi nan bai pëci nawar.

ROOMA 9:24

un ci wi, nja biki na rui biki buts, te cits tsi pëncuaf Bajudeu rin, maa tsi pëncuaf bañaan ban cits biki Bajudeu buts.

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

FILIIPUS 3:14

Koo n tukar pëband pii yank bëluk bi Nasien-batsi ruurin bi di batsi, tsi Këristu Yeesu.

FILIIPUS 3:20

Maa use nja aci di batsi. A ngë ruka ci tsi pëlip Nabueran, un ci wi Yeesu Këristu, Ajug, na pëni rul

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

1 TIMOTEU 4:12

Ñaan tsë tienkëtsanu, tsi undo m wam upaas, maa ciin ñaan ni m mei, ba uwak biki koo teenënu tsi irim, ni tsi karo-ko, ni tsi bëŋal, ni tsi uwak, ni tsi bëjëntsal.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

TIITU 3:14

Ba yiic nja, bu ka pëjuk buts puu pe këpe përo ngëwar, pa pëfierësaraan ngan fiera ngi tsi uyëk wul. Unk, ba rits ci bakaats-bëkat.

TIITU 3:8

Përim pëmënts pi aci pan waka pi; a ŋal m doon kë mob mak tsi puu leents ngëmënts ngun, pa ba uwak biki tsi Nasien-batsi ka baar ibats tsi puu ro ngëwar. Ngëmënts ngun aci nga wara ngi mak, a nga ka bëkat pa bañaan.

BAYEBËREU 12:14

Nda tsasan pëfac pëci tsi ind ni bañaan bëlieng, ndë tsasand puu ci ni ubiira ujëntsal; par ucits ba ubiira ujëntsal, nin ñaan di ka win Ajug.

BAYEBËREU 13:5

Kaŋal-uncaam tsë tsijëna ind tsi përo ko; nda liingan tsi ko wi nda ka wi, par Nasien-batsi aja: “In di ka n wëtanu, yaas; In di ka n bëru, yaas.”

JAKOB 3:13

Naom tsi ind ci-un nameko ni nalipal? Tsi bëroorul, na pibani ngëko ngi nuu ro ngi ci ngëwar, a nuu ro ngul tsi kawelan-beenul kan piban ki na ci nameko.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.

UPIBAN 3:7

Picari uwaanju Ngëriisia ngan ci ngunk di Filadeelëfia, ja: “Kanci-nayëman, Kanci-nacӓr, nul kantsijëna kanigësaani Dawid, nawaants te ñaan di ka ric, naric te ñaan di ka waants, pi ci pun pi na ja pi:

UPIBAN 4:8

Ngëko ngëyësal ngëbaakër ngun, aja un ci wi, u tsij ibaakëla paaj. A nga cum ni këkës afay ngul ni di bametsu ngul. Ngul, pënak ni bërëm, di ka wëtan puu ja: “Nayëman, nayëman, nayëman, Ajug, nul Nasien-batsi Kayëlan-bëlieng, nandoi ci, a na ci, a nuu bi!”

UPIBAN 6:10

A ba kat përim mak koo ja: “Wi, Nawiak na yëmani a m ciind nacӓr! Kë lip aa lum i, kii rura wat pëleents, kë lukandar wund pëkaw, bi bañaan umundu fiŋ wund bi?”