1 KORINTU 7:15 - KARÚK-PËRIM KAWALU Nouveau Testament

¹⁵ Maa uci na wakats unk ŋal pëbër na wak unk, në bërul. Tsi ngëmënts ngi, niints na wak unk, oo ŋaats na wak unk, tanaatsa; par pëfac pi Nasien-batsi ruur ind pun.

1 KORINTU 7:15 ပူးပေါင်းရင်းမြစ်များ

MATEU 12:50

Par, nan cii ba këci tsi përo uŋal Asin nji nan cii di batsi, namënts un aci nan tsaari ni nji, niints, ni nan tsaari ni nji, ŋaats, ni anin nji.”

LÚKAS 9:39

Aka ucaay un ja wi u mobul, din në lie ucar umënts wun, në yër bëcats, mtum kë pën pëlëts, uu lupanul, te di ka car pëwëtanul.

ROOMA 12:18

uci u yëla bëro, nda ciin tsi pëfac ni bañaan bëlieng; aruka rukëna tsi ind.

ROOMA 14:19

Unk, nda ju ngë mob tsi pëfets ngëko ngi kan wël ngi pëfac, ni ngi kan tsu ngi ñaan në liinc-liincan acintsul.

1 KORINTU 14:33

par Nasien-batsi cits na gúsëlan ngëko, maa aci Nasien-batsi pëfac. Bi u rolaa bi di iriisia bayëman bëlieng,

2 KORINTU 13:11

A tsi utuami batsaar ni nji, nda ciin ni ulílan, nda leempari pëci ba band biki, nda liinc-liincandari, nda teelari, nda ciin tsi pëfac. Nasien-batsi bëŋal ni pëfac ka ci ni ind.

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

BAYEBËREU 12:14

Nda tsasan pëfac pëci tsi ind ni bañaan bëlieng, ndë tsasand puu ci ni ubiira ujëntsal; par ucits ba ubiira ujëntsal, nin ñaan di ka win Ajug.

JAKOB 2:15

Uci ni nda tsaari, niints oo ŋaats, tiemaatsa kaŋí, a kaats bariala kara unu,