1 KORINTU 6:9 - KARÚK-PËRIM KAWALU Nouveau Testament

⁹ Ane nda meets bamabats di ka rukanda pësien Nasien-batsi-a? Ind tsë fal iyeen ind, par nin baro ngëko katúk-ufuts, nin bajintëla-icap, nin baro-mjubi, nin baro-këkaats, nin bapiintsand upäts uyënts,

1 KORINTU 6:9 ပူးပေါင်းရင်းမြစ်များ

MATEU 19:29

Ñaan na wëtani ito, tsi undo nji, oo ban tsaar biki ni nul, bayënts oo bakaats, asinul oo aninul, upätsul, oo ireeŋul, nii yank un pe wi përëmb, aa ngëyaas useent; në kaand ubiira un dits wi ka ba.

MATEU 25:34

Din, Nasien ka ja bukun tsi kariirul: ‘Nda bili, ind ban jaara biki ngëwar, biki Asin nji; nda rukandaan pësien pando pi yecësëra ind, ki umundu juund ki.

LÚKAS 21:8

Na yank bukul aja: “Nda rukan ibats, pa ñaan tsë fal ind. Par bacumal ka biini tsi katim nji, bu kë ja: ‘Aci nji!’ Oo bu kë ja: ‘Uwal awokani.’ Ind tsë fets bukul.

NGËRO 20:32

A inkri, man tanan ind Nasien-batsi, ni përimul pi bëtseend, pan ka pi pëyëlan pëliican ind ni pëwël ind bërukanda ban tsuura bi ban patsana biki bëlieng.

NGËRO 24:25

Bi Pol ci bi tsi pëñakan tsi uleka bëmabal, ni butsëkal, ni kawat-pëleents ki kan bi ki, a Felikës lënk a na ja: “Tsi inkri m yil pëtsëp, mán yaa njala, ka ruiu.”

ROOMA 1:18

Uriab Nasien-batsi apibandari di batsi pa bañaan-bajin, undo karika-lënk Nasien-batsi kan ci ki-ba këci, ni kamabats kan ci ki-ba këci, bukul ba nëts biki ucär tsi kamabats;

1 KORINTU 15:33

Ind tsë fal iyeen ind: Mandunandar ma waraatsa mi, ka cok bëci ñaan bëwar.

1 KORINTU 15:50

Ko wi, wi n du n ja wun batsaar ni nji: uyamats ni pëñaak yëlants përukanda Pësien Nasien-batsi, nin ko wi kan coka wi, yëlants përukanda un dits wi ka coka.

1 KORINTU 3:16

Nda meets nda ci kato-kayëman Nasien-batsi, a Uwejats Nasien-batsi ci di ind-a?

1 KORINTU 5:1

Atea di ngëleka bëlieng u jaka, tsi pëncuaf ind, aka ban ci biki tsi ngëko katúk-ufuts; katúk-ufuts ki m me ki, ŋal ban cits biki Bajudeu di ka ro; un ci wi, aka nalon tsi ind, nan jeji aar asinul.

1 KORINTU 5:10

Njnjaats ind nda patsësar ni bañaan biki kan do biki ngëko katúk-ufuts tsi umundu wi, oo baŋal-uncaam, oo bakiej, oo bajintëla-icap; par uro uci ank, mat ndë pën tsi umundu.

1 KORINTU 5:11

Maa inkri, mán picandar ind n ja ind, ind tsuuts bofëlar ni ñaan na njai na roon nuu ja atsaar ni ind tsi uwak, a na ciind naro ngëko katúk-ufuts, oo naŋal-uncaam, oo najintëla-icap, oo naja ko u waraatsa wi tsi uleka ñaan, oo nakuj, oo nakiej; ñaan pi namëntsnan, ind tsë riala kon këriala ni nul.

1 KORINTU 6:10

nin bakiej, nin baŋal-uncaam, nin bakuj, nin baja ko u waraatsa wi tsi uleka ñaan, di ka rukanda pësien Nasien-batsi.

1 KORINTU 6:18

Nda túkan nda lawan ngëko katúk-ufuts. Ujuban un ci wi-ba këci, wi ñaan do wi, aci di utsand uliaf. Maa ñaan nan ci tsi ngëko katúk-ufuts, ajubandar uliaful bërier wul.

1 KORINTU 6:19

Ane nda meets uliaf ind ci kato-kayëman Uwejats-ujënts un ci wi di ind-a? Wi nda yank wi tsi Nasien-batsi, a cits wiic ind bërier ind.

1 KORINTU 9:24

Nda meets biki kan túk biki di unkampu ja ba roon bu kë túk bëlieng, maa naloole rin ka yank un bëluk a? Nda túkan bi u ka bi pëtukaa pa pëtsënkan bul.

2 KORINTU 12:21

Man lënkar ubi nji bëyaas bëcints, Nasien-batsi nji përits kawaranin tsi pëncuaf ind ka ci tsi pëkaanar bacumal ban juban biki ki këlum a bë yaarats ibats tsi ngi ba ro ngi: ngëko ngëtsopal, katuk-ufuts, pëwëtandar tsi ngëko katuk-ufuts.

GALAASIA 6:7

Ind tsë fäl iyeen ind: Nasien-batsi di ka riataa. Par ko wi ñaan wayan wi, wul wi nuu cët wun.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

BAYEBËREU 12:14

Nda tsasan pëfac pëci tsi ind ni bañaan bëlieng, ndë tsasand puu ci ni ubiira ujëntsal; par ucits ba ubiira ujëntsal, nin ñaan di ka win Ajug.

BAYEBËREU 12:16

Nda katandi ibats pa naro ngëko katúk-ufuts tsë ci, nin narispitaarats ko Nasien-batsi pi Esau, nul na waapi ngan ka ngi pëci ngiicul, ngi bajan, undo pëlat pëloole baŋ pi bariala.

BAYEBËREU 13:4

Bënim, bañaan bëlieng ba rëmbani bul, a bëkaab bënim tsë tsopana ni ujuban. Par baro ngëko katúk-ufuts, ni baro-mjubi, Nasien-batsi ka wat bukul pëleents.

JAKOB 1:16

Batsaar ni nji, ind biki n ŋal biki! Ind tsë fal iyeen ind;

1 JOŊ 3:7

Upats uties, ñaan tsë fal ind. Na mobi tsi përo ko u mab wi, aci namabal, bi Këristu ci bi namabal.

UPIBAN 21:8

Maa balal, ni ba mobats biki tsi uwak, ni bañutsanuel, ni bafiŋ-bañaan, ni baro ngëko katúk-ufuts, ni baro ngëko bëpene, ni bajintëla-icap, ni ban ci biki bëlieng batsup, tsëko bukul, ka ci bametsu pëwal pi ka yëk punk bërua ni ucof. Ci wun pëcäts pëtëbantsan.”

UPIBAN 22:15

Di utsand, ngëbuus, ni baro ngëko-bupene, ni baro ngëko katúk-ufuts, ni bafiŋ-bañaan, ni bajintëla-icap, ni na ŋali ba këŋal a nuu ro ngëko kafal!