1 KORINTU 6:11 - KARÚK-PËRIM KAWALU Nouveau Testament

¹¹ Balon tsi ind unk ri ba ro run ci. Maa ind nda ñawaa a nda ci ba yëmana biki, a nda ci ban tsua biki bamabal tsi katim Yeesu Këristu Ajug, ni tsi Uwejats Nasien-batsi nja.

1 KORINTU 6:11 ပူးပေါင်းရင်းမြစ်များ

MATEU 20:4

A na ja bukul: ‘Ind buts, nda tsëpan ndii leemp di uwoorta nji wi mko ubiiñu, ka luk ind ko u mab wi.’

LÚKAS 18:14

Man ja ind: Namëntsi ajuŋa tsëp katoul atsua namabal, maa nacints nun dolaatsa ank. Par, nan diangi beenul, në welanaa, a na welani beenul, në riangaa.”

KAKÚRAN-KAWAR YEESU KRISTU BI JOŊ LEENŢ BI KUL AJA 13:10

A Yeesu jaul: “Ñaan na ñawee ba, afier koon pëñawës itsiim din; uliaful bëlieng ajënts. A ind, nda jënts, maa cits ind bëlieng.”

KAKÚRAN-KAWAR YEESU KRISTU BI JOŊ LEENŢ BI KUL AJA 13:8

A Per jaul: “Nin-a! M di kë ñawësin itsiim, yaas!” A Yeesu yankul aja: “Uci n ñawësatsu, m di kë bof ko ni nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:4

Par, ulon uwaanju aja u roon u welee tsi ulon uwal tsi pëwal pëmënts pun, u siints-siintsan mlik; a namoj nacak na welee di mlik uba mul pësiintsar, në yësana pëmaak pi na ka pi ba këka.]

NGËRO 13:39

tsi nul, na waki ba këwak atsua namabal.

NGËRO 22:16

Inkri, we wi kë lip wëën? Natsaan mijanaan, kë ñawaa ngëjubanu tsi pu uruu katim Ajug.’

NGËRO 26:18

kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

ROOMA 3:24

a ba tsuunaa pëci bamabal tsi bëtseendul, bëlukats, undo pëfacana pan ci pi tsi Këristu Yeesu.

ROOMA 4:5

Maa nan ditsi ka leemp, a na wak tsi ni kan tsui bameets-nasien-batsi ba ci bamabal, uwak namënts un atsuaul bëmabal.

ROOMA 5:1

Inkri, bi ngë tsua bink bamabal tsi uwak, ngë kaana pëfac tsi Nasien-batsi undo Ajug nja Yeesu Këristu.

ROOMA 5:9

A tsi inkri bi pëñaakul tsunjabink bamabal, andes nul pëbuerani nja uriab Nasien-batsi.

ROOMA 8:30

A biki na car biki ayecis, na rui buts bukul; a biki na rui biki, na tsu buts bukul bamabal; a biki na tsu biki bamabal, na rëmban buts bukul.

ROOMA 8:33

Yën ka tumtsar un biki Nasien-batsi rat biki? Nasien-batsi ka tsu un ñaan na ci namabal.

1 KORINTU 1:2

pa Ngëriisia Nasien-batsi ngan ci ngi di Korintu, ban jëtsanana biki tsi Këristu Yeesu, ban duura biki pëci, ni ba nja biki ba roon tsi ngëleka bëlieng, bu kë ru bëlieng katim Yeesu Këristu, Ajug nja; aci Ajug bukul a na ciind níic nja.

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

1 KORINTU 12:2

Nda me ne, uwal wi nda roots wunk me Nasien-batsi, a nda ro ja nda roon ndu tsëpanda di icap in dits yi ka ñakan; bi nda ja bi nda roon ndu ŋaayandaa.

GALAASIA 2:16

Wund ame ne, cits përo ko wi ulua tsu wi ka tsu wun ñaan pëci namabal, maa pëka uwak tsi Këristu Yeesu ka tsu pun ñaan pëci namabal; a wund wak buts tsi Këristu Yeesu, pa wund pëtsua bamabal, tsi undo uwak wund tsi Këristu; cits pëjaa përo ko wi ulua tsu wi, tsu wund wun pëci bamabal, par përo ko wi ulua tsu wi di ka tsu ñaan pëci namabal.

GALAASIA 3:11

Nin ñaan di ka tsua pëci namabal tsi bërun Nasien-batsi, undo amob tsi ulua; umënts wan aci ko un jënts wi, par namabal ka kaana ubiira tsi uwak.

GALAASIA 3:24

Unk, ulua ruka wun ci najukan nja te ubi Këristu, pa ja ka tsua pëci bamabal tsi undo uwak.

GALAASIA 3:8

Bëpican acar apiban Nasien-batsi kë tsu ban cits biki Bajudeu pëci bamabal, tsi undo uwak bukul, a na cakës aleents Abraam upetsan uwar wi, aja: “Tsi uwi, tsi ngëcaak bëlieng kë beeniraana tsun.”

EFEESU 5:26

pa pëyëman ngul, uwal wi na jëntsanaan wi ngul mlik, ni përim,

EFEESU 5:8

par uwal ujon, ind nda ro ci karëm, maa inkri, nda ci ufac tsi Ajug. Nda yandaari pi upäts ufac;

2 TESALONIKA 2:13

Batsaar ni wund, ind biki Ajug ŋal biki, wund aka pëbaran Nasien-batsi tsi uleka ind, tsi ngëwal bëlieng. Par ki ujuundi, Nasien-batsi aratar ind pëbuer. Nul aparanaan ko wan tsi Uwejats wi ka yëman wi, ni tsi pëwak tsi ucär.

BAYEBËREU 10:22

nda ju ngë wok Nasien-batsi ni uwaas un ci wi ucär, ni tsi kacum uwak, a ngëwaas jëntsana ume-kabats un tsij wi ko u waraatsa wi, a ngëliaf ñawaa ni mlik mjëntsal.

BAYEBËREU 10:29

Nda wejatsari-e! Nan poos-poosani Abuk Nasien-batsi, nan tsui pëñaak karo-pëloole pi ko utsopal, te tsi pul tsi na ro tsun yëmana, a nee kar Uwejats, wi bëtseend, uwom unoor un pe pëjuats ka kakanaul wun?

BAYEBËREU 2:11

Par ni ka yëmani, ni ba yëmana biki, bë pënë-ni bëlieng tsi naloole. Wul ka wun Yeesu kawaraatsa përu bukul na ja, batsaar ni nul,

1 PER 1:2

Bukul ban data biki tsi kacär-ume Nasien-batsi Asin, tsi bi Uwejats jëntsan bi bukul pa pëmob tsi përim Yeesu Këristu, ni pëlicara pëñaakul. Bëtseend ba watsësaan ind ni pëfac.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 PER 3:21

A mlik mmënts mi ci mun ulimënts bëmijan ban bueran ind bink inkri, cits pa pëjëntsan mtsopi ngëliaf, maa pëjaankëma Nasien-batsi ni utsaag uwar tsi undo bi Yeesu natsee bi di pëcäts.

1 JOŊ 2:12

Upats uties, mán picari ind, par ngëjuban ind ajampësaa, tsi undo katim Këristu.

UPIBAN 1:5

ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja

UPIBAN 7:14

A n yankul a n ja: “Nawiak nji! Wi m me.” A na jain: “Bamënts biki aci ban pëni biki di unoor uwiak. Bë nijëna iŋi bukul yi bëtiema ba faacanaan yul tsi pëñaak Ubuk-unkaanel wun.