1 KORINTU 5:11 - KARÚK-PËRIM KAWALU Nouveau Testament

¹¹ Maa inkri, mán picandar ind n ja ind, ind tsuuts bofëlar ni ñaan na njai na roon nuu ja atsaar ni ind tsi uwak, a na ciind naro ngëko katúk-ufuts, oo naŋal-uncaam, oo najintëla-icap, oo naja ko u waraatsa wi tsi uleka ñaan, oo nakuj, oo nakiej; ñaan pi namëntsnan, ind tsë riala kon këriala ni nul.

1 KORINTU 5:11 ပူးပေါင်းရင်းမြစ်များ

MATEU 18:17

A uci na pok pëcikëndën bukul, leentsan Ngëriisia ko umënts. A uci na pok buts pëcikëndën Ngëriisia, tsuun nul pi nameets-nasien-batsi, ni pi nayep bëluk-uraasa.

MATEU 23:25

Cay bapican-ulua ni Bafariseu, ind banguungu! Par nda ja nda roon nduu jëntsan bafetsu karaani ni përialaani; maa ri bametsu, i cum ni kaca ngëko bañaan ni karí-ko.

LÚKAS 18:11

Nafariseu natsa anats, a na ñaan tsi ibatsul aja: ‘Oo Nasien-batsi! Man baranu par nji n naamats ni bañaan ban duka bukunk; bë ci bakiej, bamabats, baro-mjubi, te nin in naamats ni nayep bëluk-uraasa ni;

LÚKAS 21:34

Nda rukan ibats tsi uleka ind bërier ind, ngëwaas ind përits cum ni bëwaamal, ni ukuj, ni kawejats ngëko ubiira, pa unu umënts përitsii baandë-ni ind ucar umënts

NGËRO 1:15

Tsi ngënu ngëmënts ngun, Per natsa tsi pëncuaf ban tsaar biki ni nul, ban juk biki aci ko pi bañaan useent ni ngëntaaja ngëtëb, a na ja bukul:

NGËRO 9:17

A Ananias tsëp ee niaj di kato, a na paful iñan na ja: “Natsaar ni nji Sol! Ajug yëliin un, nul Yeesu nan cili unk tsi wi, bi kë bi bi di bëga; pa wi pëkak puu win, kë cum Uwejats-ujënts.”

ROOMA 13:13

Nda ju ngë yandaar tsi bëmabal, pi ñaan ni ka yandaari tsi pënak ndakaŋ; ind tsë mob tsi buwaamal ni ukuj, nin ind tsë mob tsi mampiintsandar ni karika-kawa, nin ind tsë mob tsi pëŋom ni mankocar.

ROOMA 16:17

Batsaar ni nji, man buara ind pa nda ruk ibats tsi uleka ba nja biki ba roon bu kë tsiji ngëkicës ni pëtsu bañaan ba yër, ba ja ba roon bu kë pok bëjukan bi nda jukana bi; nda lawani bukul,

1 KORINTU 10:14

Bi u ci bank, bamiñ ba ŋala biki, nda túkan kajintëla-icap.

1 KORINTU 11:21

Par nda ja nduu riala, kara ñaan në cakës pëjej ufëriul bërierul në re; nalon ka bonats, unk nacints ka kuj.

1 KORINTU 5:13

Maa ban ci biki di utsand, Nasien-batsi ka wat un bukul pëleents. Nda ruakan naro-ngëko-kawaraatsa tsi pëncuaf ind.

1 KORINTU 6:10

nin bakiej, nin baŋal-uncaam, nin bakuj, nin baja ko u waraatsa wi tsi uleka ñaan, di ka rukanda pësien Nasien-batsi.

1 KORINTU 6:6

Maa, ñaan ka tsëpand ni ba tsaari tsëko kawat-pëleents, di bërun bawakats!

1 KORINTU 6:9

Ane nda meets bamabats di ka rukanda pësien Nasien-batsi-a? Ind tsë fal iyeen ind, par nin baro ngëko katúk-ufuts, nin bajintëla-icap, nin baro-mjubi, nin baro-këkaats, nin bapiintsand upäts uyënts,

1 KORINTU 7:12

A ndu nja buts banduka bukunk, maa cits Ajug ja un, aci nji bërierin: uci na waki tsi Këristu tsij ŋaats na wakatsi, maa ŋaats niiran pëtsoar ni nul, nul tsë ruakul.

1 KORINTU 7:15

Maa uci na wakats unk ŋal pëbër na wak unk, në bërul. Tsi ngëmënts ngi, niints na wak unk, oo ŋaats na wak unk, tanaatsa; par pëfac pi Nasien-batsi ruur ind pun.

1 KORINTU 8:11

Unk undo umeu, narafal ni nda tsaari ka niam, nul ni Këristu cätsari.

GALAASIA 2:12

Par, balon tsi biki Jakob yëli biki aruka ka baandi, a na ro ka riala tsëloole ni ban cits biki Bajudeu; maa bi ba baandi bi, a na kika alaayatsa ban cits biki Bajudeu, par a lal bawela-kambac.

EFEESU 5:18

Ind tsë kuj pëwat, pul aci kacok ubiira; maa nda cuman ni Uwejats-ujënts.

EFEESU 5:5

Par ind, nda mean ko wi uwar: napiintsandar, oo naro-ngëtsopal, oo narí-ko — un ci wi najintëla-icap — di ka ka bërukanda tsi Pësien Këristu ni Nasien-batsi.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

2 TESALONIKA 3:14

Uci ñaan fetsats përim pi wund ja pi tsi uletar wi, nda markaariul; ind tsë bof ko ni nul, pa në kawa.

2 TESALONIKA 3:6

Batsaar ni wund, tsi katim Ajug nja Yeesu Këristu, wund atsu ind puu ro ko wi: Nda lawani nan tsaari ba këtsaar ni nja a na ci ni ubiira katsuunk-uleemp, u mabats wi ni ko un ja wi u roon uu rolaa, wi wund jukanul wi.

1 TIMOTEU 3:3

Nul tsë tsu ibatsul tsi karaan-pëwat, nul tsë ci nakaman-bañaan, maa na ciin najuab-uwaas, narika-kaman, narika-tsu ibatsul tsi kaŋal-uncaam.

1 TIMOTEU 6:5

ni mŋom man dits mi ka ba, mi bawaraats ngëwejats a bu katse me ucär, a ba ja ne pëlënk Nasien-batsi ka tsiji pëka bëka.

2 JOŊ 1:10

Uci ñaan bi tsi ind a na tsijatsi bëjukan bi, ind tsë welanul di kato ind; nin ind tsë jaul: “Baandi uwar!”

UPIBAN 2:14

Maa, aka ngi ndu leentsaru ngi, aci ko uties: M ka tsul ba mob biki tsi bëjukan Balaam, nul nan jukani Balak pëkuer pëgungan pa babuk Israel puu re nga n jakana ngi tsi icap, ni bukul puu ro ngëko katuk-ufuts.

UPIBAN 2:20

Maa, mán leentsaru tsi uleka ko wi: M wët ŋaats ni ka n jaka unk Jesabel, nul na njai bërierul aci nayëlia, a nuu jukan baleemp nji koo fal bukul a bu kë ro ngëko katuk-ufuts, a bu kë re nga n jakana ngi tsi icap.

UPIBAN 21:8

Maa balal, ni ba mobats biki tsi uwak, ni bañutsanuel, ni bafiŋ-bañaan, ni baro ngëko katúk-ufuts, ni baro ngëko bëpene, ni bajintëla-icap, ni ban ci biki bëlieng batsup, tsëko bukul, ka ci bametsu pëwal pi ka yëk punk bërua ni ucof. Ci wun pëcäts pëtëbantsan.”

UPIBAN 22:15

Di utsand, ngëbuus, ni baro ngëko-bupene, ni baro ngëko katúk-ufuts, ni bafiŋ-bañaan, ni bajintëla-icap, ni na ŋali ba këŋal a nuu ro ngëko kafal!