1 KORINTU 5:10 - KARÚK-PËRIM KAWALU Nouveau Testament

¹⁰ Njnjaats ind nda patsësar ni bañaan biki kan do biki ngëko katúk-ufuts tsi umundu wi, oo baŋal-uncaam, oo bakiej, oo bajintëla-icap; par uro uci ank, mat ndë pën tsi umundu.

1 KORINTU 5:10 ပူးပေါင်းရင်းမြစ်များ

LÚKAS 18:11

Nafariseu natsa anats, a na ñaan tsi ibatsul aja: ‘Oo Nasien-batsi! Man baranu par nji n naamats ni bañaan ban duka bukunk; bë ci bakiej, bamabats, baro-mjubi, te nin in naamats ni nayep bëluk-uraasa ni;

KAKÚRAN-KAWAR YEESU KRISTU BI JOŊ LEENŢ BI KUL AJA 15:19

Uci nda ro ci biki umundu, umundu ka ro ŋal ko un ci wi wiic wul. Bi nda cits bi biki umundu, maa ndul di n datëni ind run, wul ka wun umundu ñaas ind.

KAKÚRAN-KAWAR YEESU KRISTU BI JOŊ LEENŢ BI KUL AJA 17:6

Bañaan biki m pënani biki di umundu a m wëlin, man tsu bukul a ba me katimu. Bu ro ci bayiicu, a m wëlin bukul, a ba mob tsi përimu.

KAKÚRAN-KAWAR YEESU KRISTU BI JOŊ LEENŢ BI KUL AJA 17:9

Man ci tsi pëñaandar bukul; cits bañaan umundu biki n ci bukun tsi pëñaandar, maa biki m wëlin biki, par bë ci bayiicu.

KAKÚRAN-KAWAR YEESU KRISTU BI JOŊ LEENŢ BI KUL AJA 8:23

A Yeesu yank bukul aja: “Ind nda ci biki utsia; maa nji, man ci ni ruets. Nda ci biki umundu wi, maa nji, nji cits ni umundu wi.

1 KORINTU 1:20

Nameko aci tsum-i? Najukan-ulua aci tsum-i? Natsas ngëme umundu wi aci tsum-i? Nasien-batsi tsuuts ink kameko umundu wi ka ci bëfuur-a?

1 KORINTU 10:27

Uci nalon tsi bawakats ruur ind bariala, a nda ŋal pëtsëp, nda rean ko un tsua wi ba këtsua tsi bërun ind, te ind tsë yepar ko, undo uwejats.

1 KORINTU 5:11

Maa inkri, mán picandar ind n ja ind, ind tsuuts bofëlar ni ñaan na njai na roon nuu ja atsaar ni ind tsi uwak, a na ciind naro ngëko katúk-ufuts, oo naŋal-uncaam, oo najintëla-icap, oo naja ko u waraatsa wi tsi uleka ñaan, oo nakuj, oo nakiej; ñaan pi namëntsnan, ind tsë riala kon këriala ni nul.

1 KORINTU 5:9

Man picandar ind ba uletar a nja ind, ind tsuuts bofëlar ni baro ngëko katúk-ufuts.

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

FILIIPUS 2:15

Ndë ci ba lacäts biki, ndë ciind bajëntsal. Ndë ci upäts Nasien-batsi ban kaats biki ulaci tsi pëncuaf bañaan uwal wi, ban ci biki baniamëlan ni bacolats ubiira. Nduu fiets tsi wul pi ngëpesaj tsi umundu,

1 JOŊ 4:5

Bukul bë ci biki umundu; wul ka wun bu kë ñakan ngëko umundu, umundu ka te bukul.

1 JOŊ 4:7

Bamiñ ba ŋala biki, nda ju ngë ŋalëlar tsi ngë ci tsi, par bëŋal aci bi Nasien-batsi. Ñaan nan kai ba këka bëŋal, abukënaa tsi Nasien-batsi, a na me Nasien-batsi.

1 JOŊ 5:19

Ngë me ngë ci biki Nasien-batsi, a umundu upëban ci tsi kañan Naro-ngëko-kawaraatsa.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.