1 KORINTU 4:5 - KARÚK-PËRIM KAWALU Nouveau Testament

⁵ Bi u ci bank, ind tsë wat pëleents te uwal netse band, aa Ajug ka tsënkëna ka baandi; ngëko nga beka ngi, ngi karëm, nul ka pënani un ngul tsi pënak ndakaŋ, në piban buts ngëtsaag ngan ci ngi di ngëwaas bañaan. Din, kara ñaan, Nasien-batsi ka bëndanul bi na ka bi pëbëndana.

1 KORINTU 4:5 ပူးပေါင်းရင်းမြစ်များ

MATEU 10:26

Wul ka wun, ind tsë lal bukul; par kaats ko un kunda wi, un dits wi ka kundësa, nin un beka wi, un dits wi ka mea.

MATEU 24:30

Din, upibanaani Abuk ñaan-najin ka wina di batsi, mbuka bëlieng tsi umundu kë kaan; mul më win Abuk ñaan-najin pafari tsi isa batsi pëbi, ni pëyëlan pëwiak, ni përëmb pëwiak;

MATEU 24:46

Ko wi na naleempul kë lilan wi uci na tsënkiiul nuu ro unk, ubaandiul!

MATEU 25:21

A ajugul jaul: ‘M do uwar, naleemp nawar a m moband tsi ko wi m tsua wi; m mob tsi ngëko ngëties, mán tsuu kë kaana ngëcumal. Pëni kë bofara ulílan ni ajugu.’

MATEU 25:23

A ajugul jaul: ‘M do uwar, naleemp nawar a m moband tsi ko wi m tsua wi; m mob tsi ngëko ngëties, mán tsuu kë kaana ngëcumal. Pëni kë bofara ulílan ni ajugu.’

LÚKAS 6:37

Ind tsë wat ñaan pëleents, nda ritsii wata pëleents. Ind tsë lacan ñaan, nda ritsii lacana. Nda jampësaan, ndii jampësaa.

KAKÚRAN-KAWAR YEESU KRISTU BI JOŊ LEENŢ BI KUL AJA 21:22

A Yeesu yankul aja: “Uci n ŋal na ci te ubi nji, wee m ka wun tsul? Wi, fetsin.”

KAKÚRAN-KAWAR YEESU KRISTU BI JOŊ LEENŢ BI KUL AJA 21:23

A ko wan ñakanaana tsi ban tsaar biki tsi Këristu, ajaka, nafets namënts un di ka cäts. Maa, Yeesu jaats, nafets namënts un di ka cäts; maa aja: “Uci n ŋal na ci te ubi nji, wee m ka wun tsul?”

KAKÚRAN-KAWAR YEESU KRISTU BI JOŊ LEENŢ BI KUL AJA 5:44

Um bi nda yëlan bun pëwak? Ba nda ja nan dooni nu yank Ubëdan tsi bacintsul, a nda ri ka tsas Përëmb pa pënë-ni pi tsi Nasien-batsi baŋ.

ROOMA 14:4

Wi m ci yën, pa pëlacan naluek nan citsi niicu? Na nats uu, na yër uu, umënts wan ajugul bërierul me un; maa ka nats, par Ajug aka pëyëlan pa pënatsanul.

ROOMA 2:1

Bi u ci bank, wi ñaan-najin ni m ci ba këci, a kë wat pëleents, m da n jats ulaci; par bi kë wat bunk balon pëleents, m ci tsi pëlacandar bërieru, par wi ni ka wat unk pëleents, m ja m doon këro ngëmënts ngun.

ROOMA 2:16

a tsi Upetsan-uwar wi ndu n leents wi, unk di wii ci run, unu wi Nasien-batsi kë watëna wi bañaan-bajin pëleents tsi Yeesu Këristu, tsi ngëko kambeku bukul.

ROOMA 2:29

maa Najudeu, aci nan ci-unk Najudeu di bametsuul, a kawela-kambac ci ki uwaas, kan pënë-ni ki tsi Uwejats; cits tsi bëpic. Namënts nun, cits bañaan-bajin ka rëmbanul bukun maa aci Nasien-batsi.

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

1 KORINTU 1:7

pa ind përits ranj nin ulon utseend Nasien-batsi, ndë ci tsi pëlip upibandari Yeesu Këristu, Ajug nja.

1 KORINTU 11:16

Maa, uci ñaan ŋal pëtamb ulats, na mean ngë kaats bëro bëmënts ban, nin iriisia Nasien-batsi kaats bul.

1 KORINTU 11:26

Par ndu ja nduu re pëpom pi, nduu raan tsi karaani ki, ndë ci këci tsi pëleents pëcäts Ajug te në tsënkëna ka bi.

1 KORINTU 15:23

Maa kara ñaan tsi bëyaasul: Këristu ci-un nacäk; a uu ba, ban ci biki bañaan Këristu, uwal wi nu bi wi.

1 KORINTU 3:13

uleemp kara ñaan kee winaa; Unu kawat-pëleents kee piban wul, par bërua ka piban bun wul; uleemp kara ñaan, bërua bërier bul kee teenaman bun wul.

1 KORINTU 3:14

Uci uleemp wi ñaan leemp wi tsi ruets ujuundi wam, ñaan namënts un ka yank bëluk.

1 KORINTU 3:8

Na wayani ni nan tulani bë ci baloole; kara ñaan ka yank bëlukul, bi na leemp bi uleempul aja.

2 KORINTU 10:18

Par cits ni kan dëmbandari bërierul ka niirana un, maa ni Nasien-batsi dëmbani.

2 KORINTU 10:9

Nji n ŋalats pëjaa man tsu ind bëlal tsi ngëletar nji.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

2 KORINTU 5:10

Par nja bëlieng, ngë ka pëband di tsëko Këristu tsi kawat-pëleents, pa nan ci, në yank bëluk ko wi na ro wi, uwal wi na wama wi ci tsi uliaf wi; u ci ank uwar, oo u waraatsa wi.

1 TESALONIKA 5:2

Par ind bërier ind, nda ba pëme Unu Ajug kë baandi pi nakiej, bërëm.

BAYEBËREU 4:13

Tsi nga leempa ngi bëlieng, kaats ko un beka wi Nasien-batsi; ngëko bëlieng akundësa a nga pibana tsi këkësul, a nul ni ngë ka un pëleents ngi ngë ciina ngi.

JAKOB 4:11

Batsaar ni nji! Ind tsuu tsë jaarlar nga waraatsa ngi. Na n jai u waraatsa wi pa acintsul, oo na wati acintsul pëleents, aja ko u waraatsa wi pa ulua, a na wat ulua pëleents. A uci m ci tsi pëwat ulua pëleents, ande m cits naro ko wi u ja wi, maa m ci nawat wul pëleents.

JAKOB 5:7

Batsaar ni nji! Bi u ci bank, nda miiraan, aa Ajug ka baandi. Nda teenan-e! Najaar aja na roon në lip mjaarnaul man buk mbuk mwar; a nuu miira mak tsi pëlip mul, aa në tsënkëne ka win usubal ucäk, ni utuami.

JAKOB 5:9

Batsaar ni nji! Ind tsuu tsë ŋëmŋëm tsi uleka acints ind, pa nda rits wata pëleents. Nda teenan-e! Nawat-pëleents nats ink ba tsi pëlëman.

1 PER 1:7

Mteenamana mmënts mi apiban uwak ind ka bëkat, pa wul pëtsënkan ubundan, ni përëmb, ni urispiitu, upibandari Yeesu Këristu. A wul uwak ind ape mak uwëru uni coka wi pëka bëkat, ŋal bi uwëru teenamana bi di bërua.

1 PER 5:4

A uwal wi Nayafan nan pei pëci nawiak kë pibandari wi, ndë wëla ucape-kape, wi përëmb, un dits wi ka coka.

2 PER 3:12

nduu lip, ndë cësara Unu Nasien-batsi pëbaandi; unu wi batsi kë tëra wi ba gara, ngëko ngan ci ngi di bul ka yuuy.

2 PER 3:4

bu kë ja: “Uwatsan pëbiul aci tsum-i? Par ki basin nja cäts ki a ngëko wama wam bëlieng bi nga ro bi ci, ki ujuundi kaleemp umundu.”

JÚDAS 1:14

A Enoki nan ci napaajantsan ni nalon pëkur-ni di Adam, aleents buts u meaatsa wi tsi uleka bukul aja: “Nda teenan-e! Ajug ka bi ink tsi pëncuaf ngëmiil ngan yëlanaatsa ngi pëpina, ngi bayëmanul,

UPIBAN 1:7

Teenan-e! Ka bi unk tsi isa, bañaan bëlieng ka winul, ŋal ba luŋanul biki uliaf; këbuka bañaan bëlieng tsi umundu ka kaanul. Eey-e. Ameen!

UPIBAN 20:12

A n win bacäts, bawiak ni baties; bu nats tsi bërun pëtsoari-pësien, a ngëlibëru waantsaa. A ulibëru ucints waantsaa, ci wun wi ubiira. A bacäts wataa pëleents tsi ngi ba ro ngi, pëteenëna tsi ngan picana ngi tsi ngëlibëru ngëmënts ngun.