1 KORINTU 4:12 - KARÚK-PËRIM KAWALU Nouveau Testament

¹² Wund aleemp mak ni iñan wund aa wund noor. Wund aja wund kë karaa, wund kë ja ngëwar; wund kë noor-noorana, wund kë miira;

1 KORINTU 4:12 ပူးပေါင်းရင်းမြစ်များ

MATEU 5:11

Nda naak, uwal wi bañaan këkar ind wi, a bu këreat ind, a bu këjaar ind ngëko pëkalam, tsi undo nji!

MATEU 5:44

Maa nji, man ja ind: Nda ŋalan babër ind, ndë ñaandar ban ci biki tsi përiat-riatan ind,

LÚKAS 23:34

[Yeesu ja: “Paapa, jampësaan bukul; par bë meets këme ko wi ba ci wi tsi përo.”] A ba júgats iko, pa pëmeena bi bu kë faar bi iŋiul yi bëtiem.

LÚKAS 6:28

biki ka n jaar ind biki ngëjuatsal, nda beeniri bukul; biki kan do ind biki ngëjuatsal, nda ñaandëri bukul.

KAKÚRAN-KAWAR YEESU KRISTU BI JOŊ LEENŢ BI KUL AJA 15:20

Nda lesan përim pnja ind pi: Naluek peets ajugul. Uci ba noor-nooranin, bu ka noor-nooran ind buts; a uci ba mob tsi përim nji, bu ka mob buts tsi përim ind.

NGËRO 18:3

Undo bi nuu ro bi uleemp uloole wun ni bukul, na tsëp ee ci ni bukul a nuu leemp, par uleemp bukul aci kaleemp ngëkundan.

NGËRO 20:34

Ind bërier ind, nda me iñan yi leemp, pa ngi fier ngi, ni ngi ban ci biki ni nji.

NGËRO 7:60

Din, a na jintëla na lië mak aja: “Ajug! Cats tsu ujuban bukul ko.” Bi na ja bi irim yan, a na juab.

ROOMA 12:14

Nda jan ngëwar pa ba n ja bukunk ba roon bu kë noor-nooran ind; nda jan ngëwar, ind tsë jaar bukul ngëjuatsal.

ROOMA 12:20

Bi u ci bank, uci bëñaasaru bonats, wëlanul bariala. A uci na lofënts, wëlanul përaan; par uci m do ank, kë yuuntsanul ijuas bërua tsi been.

ROOMA 8:35

Yën ka patsës n ja un ni bëŋal Këristu? Unoor-a? Ane unjuatsia-a? Ane pënoor-noorana-a? Ane ubon-a? Ane bëruent-a? Ane bëjuats-a? Ane ulaac-a?

1 KORINTU 9:6

Oo nji ni Barnabas rin kaats bukun pëwët uleemp-a?

2 KORINTU 11:8

Man yanki bëluk tsi ilon iriisia pa pëleempar ind.

EFEESU 4:28

Nandoi ka kiej, nul tsë kiej kak; maa na leempëni iñanul bërierul ko u wara wi, pa pëka ko wi nuu wël wi nan fieri.

1 TESALONIKA 2:9

Batsaar ni wund, nda lesan-e uleemp wund uñatsal, ni unoor wund, bi wund kë leents ind bi Upetsan-uwar Nasien-batsi, a wund ja wund roon wund kë leemp bërëm ni pënak, pa përits ci pëyunts pa nin nalon tsi ind.

2 TESALONIKA 3:8

A bariala ñaan, wund reets bul te wund lukats; maa bërëm ni pënak a wund kë leemp uleemp un dits wi, wund kë ciband, pa wund përits sëtsaraan nalon ind.

1 TIMOTEU 4:10

Nja ka cib tsi uleemp, a nja kë kaman, par ngë tsu uwats nja tsi Nasien-batsi nayësal, nul nan ci Nabueran bañaan bëlieng, andes ba uwak biki tsi nul.

1 PER 2:23

Nul nan karee, a lukanats; na nooranee, a leentsarats ñaan; maa na wëtar beenul nawat pëleents namabal.

1 PER 3:14

Maa uci buts ndee tsua tsi unoor undo bëmabal, ndë ci ba naak biki. Ind tsë lal bukul nin ind tsë lënk;

1 PER 3:9

Ñaan nando indi uwutsëtsuel, ind tsë lukanaanul uwutsëtsuel, oo kakar tsë lukanaana kakar, maa u wara wi. Nda ru kë ja ngëwar par umënts wan wi nda ruuree wun, pa ind pëyank uwar wi nda ka wi përukanda.

1 PER 4:19

Wul ka wun, biki kan do biki uwar, a bu kë noor tsi undo uŋal Nasien-batsi, ba tsuun ngëwaas bukul tsi Naleemp ngëko bëlieng, nul namob tsi përim.

JÚDAS 1:9

Ŋal Mikayel, un ci wi uwiak ngëwaanju, yeentsats pëkar Ujabël, uwal wi nguu totëlar wi irim tsi uleka puum Moises; maa u ja wul: “Ajug na leentsariu.”