1 KORINTU 4:10 - KARÚK-PËRIM KAWALU Nouveau Testament

¹⁰ Wund aci bafuur tsi undo Këristu, maa ind nda ci bameko tsi Këristu; wund aci barafal, maa ind nda ci baka-uyëlan. Ind nda rispitaara, maa wund wund tsuaatsa ko.

1 KORINTU 4:10 ပူးပေါင်းရင်းမြစ်များ

MATEU 24:9

Din, bu ka guts ind tsi unoor, bu ka fiŋ ind. Ban cits biki Bajudeu bëlieng, bu ka ñaas ind, undo katim nji.

MATEU 5:11

Nda naak, uwal wi bañaan këkar ind wi, a bu këreat ind, a bu këjaar ind ngëko pëkalam, tsi undo nji!

LÚKAS 10:16

Ñaan nan cikëndënindi, acikëndënin. A ñaan nan bër indi, abërin; a nan bërini, abër na yëliini.”

LÚKAS 18:9

A Yeesu tib kak përim, tsi uleka balon ba nja biki ba roon bu kë wak tsi iyeen bukul, ba tsuar pëci bamabal, bu kë be bacints bukul;

LÚKAS 6:22

Nda naak, uwal wi bañaan ñaas ind wi, uwal wi ba pënan ind wi tsi ngiic bukul, a bu kë kar ind, a bu kë cok ind itim, undo Abuk ñaan-najin.

NGËRO 17:18

A balon bafets bëjukan nameko ni ka n jakee Epikureus, ni bëjukan nalon ni ka n jakee buts Estoikus, ci buts tsi pëtotëlar irim ni nul; a balon yeparul aja: “Natamb uñakan ni, wee na ŋal wun pëja?” Balon kë ja: “Anaam ne, aci naleents irim ngëcaay ngan meaatsa ngi.” Par, Pol aro ka leents Upetsan-uwar tsi uleka Yeesu, ni tsi uleka kanatsee-di-pëcäts.

NGËRO 17:32

A bi ba te bi Pol kë ñakan tsi uleka kanatsee bañaan di pëcäts, a balon ci tsi përiatul, maa balon kë ja: “Tsi uleka ko wan, wund kee cikëndënu ulon unu.”

NGËRO 26:24

Bi Pol wama bi ka pokar beenul, a Festu kat përim afalëlanul uñakan aja: “M yër-ngëwi, Pol! M juk mak a ba tsuu a m fuur!”

NGËRO 9:16

Mán pibanul bi na ka bi pënoor, undo katim nji.”

1 KORINTU 1:21

Par, Nasien-batsi tsi kamekoul, tsuuts umundu u meul tsi kamekoul bërierul; maa ba uwak biki, abueranaan bukul bëfuur kaleents-përim.

1 KORINTU 1:23

Maa wund ka leents uleka Këristu nan dieŋa unk di kruus, a u ci ko wi kan tsu wi Bajudeu ba yër, a u ci bëfuur pa ban cits biki Bajudeu.

1 KORINTU 1:25

Par bëfuur Nasien-batsi ape kameko bañaan-bajin, a bërafal Nasien-batsi pepëyëlan bañaan-bajin.

1 KORINTU 10:12

Unk, na wini na nats aliinc, na rukan ibats pa na rits yër.

1 KORINTU 2:14

Maa, ñaan-najin di ka niiran ngëko Uwejats Nasien-batsi, par ngul aci bëfuur pa nul; di ka yëlan pëme ngul, par Uwejats ka piban wun ngul.

1 KORINTU 2:3

Bi n ci bi tsi pëncuaf ind, a n ci ni bërafal, ni bëlal a ndu n lënk mak.

1 KORINTU 3:18

Ñaan tsë fal beenul. Tsi pëncuaf ind, uci nalon ñaan tsu beenul pëci nameko tsi umundu wi, na ciin nafuur, pa na kak na ci nameko.

1 KORINTU 3:2

Mtaw mi ndu n wël ind mun nda raan; in di ka n wël ind bariala bëtamb, par nda netse yëlan bul. Maa ŋal te inkri nda yëlaants,

1 KORINTU 4:8

Nda suets ba! Nda ruka ci barëmb! Nda ci ba basien, maa wund, nin a! Mando ŋal ind pëci basien bacar, pa wund pëyëlan pësien ni ind tsëloole.

2 KORINTU 10:10

Par bë ja: “Ngëletarul a tsij pëyëlan ni uyëlan; maa uwal wi na ci wi ni nja di ka ka uyëlan nin përimul kaats bëkat.”

2 KORINTU 11:19

A ind bi nda ci bi balipal, wul ka wun ndu miira bafuur ni uwejats uwar.

2 KORINTU 11:29

Yën ci-un nan dafi, a nji n dafac? Yën ci-un na yëri, ni uwaas nji ditsi ka yëkarul?

2 KORINTU 13:9

Wund ka lílan tsi uwal wi wund raf wi a ind nda liinc, umënts wan ci wun ko wi wund kë ñaan wi, bëliincal ind.

2 KORINTU 4:12

Unk, pëcäts ka leemp di wund, a ubiira kë leemp di ind.

2 KORINTU 6:8

uci ank tsi wund përispitaara ni përispitaraatsa, uci ank tsi wund pëcokaa itim ni pëwarandana itim, pi wund aci bafalar, wund ban ci biki bacar;

1 TESALONIKA 4:8

Unk, nan bëri ko wan, cits ñaan-najin ni na bër un, maa Nasien-batsi ni na bër un, nul ni ka wëli indi Uwejatsul Uyëman.

1 PER 4:14

A uci nda karaa tsi undo katim Këristu, nda ci ba naak biki, par Uwejats përëmb, un ci wi Uwejats Nasien-batsi, aci tsi ind.