1 KORINTU 4:1 - KARÚK-PËRIM KAWALU Nouveau Testament

¹ Unk, bañaan aka pëtsu nja pëci baleemp Këristu, ni pëci ban gaangana biki ngi Nasien-batsi ngandoots ngi meaa.

1 KORINTU 4:1 ပူးပေါင်းရင်းမြစ်များ

MATEU 13:11

A Yeesu yank bukul aja: “Par ind, nda wëla pëme ngi pësien batsi, ngandoots ngunk mea. Maa bukul, bu wëlaatsa pëme ngul.

MATEU 24:45

Yën ci-un naleemp na mobi tsi përim a na lipand, ni nawiak tanani baleempul tsi kato, pa nuu wël bukul bariala, tsi uwal bul?

MARKU 4:11

A Yeesu yank bukul aja: “Ind, un doots wunk mea, wi pësien Nasien-batsi, aa ind; maa ban ci biki di utsand, bukul bëlieng bu koo jukanaana tsi katib-irim,

LÚKAS 1:2

Bë pican ngëko ngi wund leentsa ngi. Te ba leents wund biki ngul, kul, ki ujuundi, win ngul ni këkës kul, a bee ci baleents përim Nasien-batsi.

LÚKAS 12:42

Ajug yankul, aja: “Yën ci-un naleemp na mobi tsi përim pi na jaka pi, na ka ibats? Aci naleemp ni nawiak kë tsui përukanda baleemp tsi katoul, uja ba band pëwëla bariala, në wël bukul.

LÚKAS 8:10

Na ja: “Ind, nda wëla pëme ngan doots ngunk mea, ngi pësien Nasien-batsi. Maa ban duka bukunk, bu koo tiba këtiba irim, pa uteen bukul, bu ri ka win; ute bukul, bu ri ka me ko wi i pac wi.”

ROOMA 11:25

Batsaar ni nji, nji n ŋalats ind pëpaaŋ un doots wink mea, pa ind përits tsu iyeen ind pëci bameko: katamb-uwaas abi tsi balon bañaan Israel, te uwal wi ban cits biki Bajudeu niaji wi bëlieng aba.

ROOMA 16:25

Përëmb pa wëlaan nan ka unk pëyëlan pa pënatsan ind, bi n leents ind bi Upetsan-uwar, ni përim pi Yeesu Këristu leents pi, bi na piban bunk undoots wunk meaa, a u ro gaangaa ki ngëwal ngan par ngi;

1 KORINTU 2:7

Maa, wund añakanaan kameko Nasien-batsi kan doots ki mea, a ka beka, ki Nasien-batsi rat ki pa përëmb nja ki umundu netse ki leempa.

1 KORINTU 3:5

Bi u ci bank, yën ci-un Apolos? A yën ci-un Pol? Baleemp ban tsiji ind biki tsi uwak; bu ro ank bi Ajug wël bi kara ñaan na ro.

1 KORINTU 4:13

wund kë jaara ko u waraatsa wi, wund kë yank ni përim pëwar; te inkri wund atsua pëci iwetar umundu, irukësar bañaan bëlieng.

1 KORINTU 4:2

Inkri, ko wi kan tsasa wi, tsi ban gaangana biki ko, aci nan ci, në ci na mob bi tsi përim.

2 KORINTU 11:23

Mán ñakan pi in kaats uwejats. Bu ci baleempar Këristu-a? Nji man pe bukul! Tsi uleemp u ñats wi, man pe bukul! Tsi përica, man pe bukul! Tsi këlumbanj ki n lumbanjaa ki, jaakaats! Tsi pëjuatsan te a ndu n tsas pëcäts, ngëyaas ngëcumal!

2 KORINTU 12:6

Uci n ŋal pëbëndan been nji, in cits nafuur, par mán leents ucär. Maa mán wët pëbëndan been nji, pa ñaan përits fierandin na pean ko wi nu win wi tsi nji, ni wi nu te wi.

2 KORINTU 4:5

A cits undo wund bërier wund, wi wund kë leents wun, maa uleka Yeesu Këristu Ajug wi wund kë leents wun. A wund bërier wund, wund aci këci baleemp ind tsi undo Yeesu.

2 KORINTU 6:4

A tsi ngëko ngi wund kë par-na ngi bëlieng, wund ka piban bërier wund, wund ci baleemp Nasien-batsi tsi pëliincandër, ni tsi pëjuatsan, ni tsi unoor,

EFEESU 1:9

Nul tsu nja un pëme un doots wi mea, wi bëŋalul, bi u ci bi tsi ko uwar wi na ŋal wi u ci, a na tsu wul tsi Këristu;

EFEESU 6:19

Nda ñaanarin buts, pa përim pëwëlain uwal wi ndu n waaban wi mtum, pa pëpiban tsi bëyeentsal undoots wi mea tsi Upetsan-uwar,

KOLOS 2:2

Unk bu ka liinc-liincana ngëwaas, bu ka ci baloole tsi bëŋal. Din tsi bëka ban ci bi ba këci, bu ka tsënkan pëcum ni bëlipal, pëme wi Nasien-batsi undoots wunk mea, un ci wi Këristu;

KOLOS 4:3

nduu ñaandar wund buts, pa Nasien-batsi pëwaants wund pëlëman, pëleents përim, pa puu leents wi Këristu undoots wunk mea; undo wul buts ka wun n dica.

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

1 TIMOTEU 3:6

Kaats pëci nandu jot pëci nafets Këristu, pa pëlënk pëjaa kee ru gúukandar, u tsuul pëlacana, bi Ujabël lacana bi.

1 TIMOTEU 3:9

Ba moban ba liincan undoots wunk mea, wi uwak; ba moban tsi wul ni ume-kabats un jënts wi.

TIITU 1:7

Par nawaay-bañaan, nul nagaangana ngi Nasien-batsi, aka pëci nan kaatsi ulaci. Di ka tamb ulats, di ka car uriab, di ka tsu ibats tsi karaan-pëwat, di ka tsas ukam, di ka tsas bëka ban kawarën bi.

1 PER 4:10

Uja nan ci, në ci tsi pëleempar bacintsul ni utseend wi na yank wi; unk ri ndu ci run ba tsijëna bëtseend Nasien-batsi bawar, bul ban patsëlar bi.