1 KORINTU 3:18 - KARÚK-PËRIM KAWALU Nouveau Testament

¹⁸ Ñaan tsë fal beenul. Tsi pëncuaf ind, uci nalon ñaan tsu beenul pëci nameko tsi umundu wi, na ciin nafuur, pa na kak na ci nameko.

1 KORINTU 3:18 ပူးပေါင်းရင်းမြစ်များ

MATEU 13:22

A utul u yër wunk tsi buwuul iyu, aci ban te biki përim, maa gëtaag ubira ni karí përëmb umundu nëts përim a kaats bëkat.

MATEU 18:4

Wul ka wun, ná welani beenul pi napäts naties ni, ci-un nan pei pëci nawiak di pësien batsi.

MARKU 10:15

Mán leents ind ucär: Ñaan na niiranatsi pësien Nasien-batsi pi napäts, yaas a në niaj di pul.”

LÚKAS 18:17

Mán leents ind ucär: Na niiranatsi pësien Nasien-batsi pi napäts naties, di ka niaj tsi pul yaas.”

LÚKAS 21:8

Na yank bukul aja: “Nda rukan ibats, pa ñaan tsë fal ind. Par bacumal ka biini tsi katim nji, bu kë ja: ‘Aci nji!’ Oo bu kë ja: ‘Uwal awokani.’ Ind tsë fets bukul.

ROOMA 11:25

Batsaar ni nji, nji n ŋalats ind pëpaaŋ un doots wink mea, pa ind përits tsu iyeen ind pëci bameko: katamb-uwaas abi tsi balon bañaan Israel, te uwal wi ban cits biki Bajudeu niaji wi bëlieng aba.

ROOMA 12:16

Nda ciin baloole tsi nda ci tsi; ind tsuuts rëmbandar, maa nda túkari un ci wunk uties; ind tsë ja tsi iyeen ind nda ci bameko.

1 KORINTU 15:33

Ind tsë fal iyeen ind: Mandunandar ma waraatsa mi, ka cok bëci ñaan bëwar.

1 KORINTU 3:17

Uci ñaan gar kato-kayëman Nasien-batsi, Nasien-batsi ka gar buts ñaan namënts un. Par kato-kayëman Nasien-batsi, ayëman; a ind ci bukun kul.

1 KORINTU 4:10

Wund aci bafuur tsi undo Këristu, maa ind nda ci bameko tsi Këristu; wund aci barafal, maa ind nda ci baka-uyëlan. Ind nda rispitaara, maa wund wund tsuaatsa ko.

1 KORINTU 6:9

Ane nda meets bamabats di ka rukanda pësien Nasien-batsi-a? Ind tsë fal iyeen ind, par nin baro ngëko katúk-ufuts, nin bajintëla-icap, nin baro-mjubi, nin baro-këkaats, nin bapiintsand upäts uyënts,

GALAASIA 6:3

Par, uci ñaan wejats pëja ne aci ulon ko, nul nan citsi ko, aci tsi pëfäl beenul.

GALAASIA 6:7

Ind tsë fäl iyeen ind: Nasien-batsi di ka riataa. Par ko wi ñaan wayan wi, wul wi nuu cët wun.

EFEESU 5:6

Ñaan tsë fal ind ni irim in kaats yi bëkat; par uleka ngëko ngëmënts ngi ka wun uriab Nasien-batsi kë baandë-ni babuk karoots ko un jaka wi.

2 TIMOTEU 3:13

A bajuats-ngëwaas ni bafal-bañaan, ngi bu kë ro ngi koo peelar pëci ngëjuatsal; bu kë fal bañaan, bu kë falaa buts.

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

JAKOB 1:22

Nda moban tsi përo ko wi përim ja wi, ind tsuu tsë cikëndan këcikëndan pul rin, tsi kafäl iyeen ind.

JAKOB 1:26

Uci ñaa n ja tsi ibatsul aci nafets-bëga, te di ka mob pëndiamëntul, maa a nuu fal beenul, bëga ñaan namënts un cits koon këci ko.

1 JOŊ 1:8

Uci ngë ja ngë kaats ujuban, ngë fal iyeen nja bërier inja; ubaaraari cits dinja.