1 KORINTU 3:12 - KARÚK-PËRIM KAWALU Nouveau Testament

¹² A uci ko wi ñaan niew tsi ruets ujuundi ci uwëru, oo mtsak uncaam, oo ilaak iñatsal, oo pëmul oo pëtsats pëkay, oo pëkaaw,

1 KORINTU 3:12 ပူးပေါင်းရင်းမြစ်များ

NGËRO 20:30

Bayënts balon ka natsee tsi pëncuaf ind bërier ind koo leents ngëko pëniam, ngi kan tsu ngi ba uwak biki pëfets bukul.

ROOMA 16:17

Batsaar ni nji, man buara ind pa nda ruk ibats tsi uleka ba nja biki ba roon bu kë tsiji ngëkicës ni pëtsu bañaan ba yër, ba ja ba roon bu kë pok bëjukan bi nda jukana bi; nda lawani bukul,

1 KORINTU 3:11

Par, ñaan yëlanëts përo ujuundi ulon ucits ba dan tsua rink ba, un ci wi Yeesu Këristu.

1 KORINTU 3:13

uleemp kara ñaan kee winaa; Unu kawat-pëleents kee piban wul, par bërua ka piban bun wul; uleemp kara ñaan, bërua bërier bul kee teenaman bun wul.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

KOLOS 2:8

Nda katan ibats pa ñaan tsë mob ind tsi pëgungan bëŋal-kameko, bul ban ci bi manfalar mjënts, ban pënë-ni bi tsi undimaan bañaan-bajin ni tsi ngëko umundu, maa pënënatsi tsi Këristu.

1 TIMOTEU 6:3

Uci ñaan ci tsi pëjukan bulon bëjukan, uci na mobats tsi irim Ajug nja Yeesu Këristu, yul irim iwar, uci na mobats tsi bëjukan ba yuk bi tsi pëlënk Nasien-batsi,

2 TIMOTEU 2:20

Di kato kawiak, cits iŋi i leempëna yi ni uwëru, ni i leempëna yi ni mtsak uncaam ci yun din, maa aka rul buts yi itagëba, ni yi uni; yi ko un dëmbana wi aci, a yi ko un tienkëtsana wi ci.

2 TIMOTEU 3:13

A bajuats-ngëwaas ni bafal-bañaan, ngi bu kë ro ngi koo peelar pëci ngëjuatsal; bu kë fal bañaan, bu kë falaa buts.

2 TIMOTEU 3:7

tsi ngëwal bëlieng bu kë juk, maa yaas a bu ka yëlan pëtsënkan pëme ucär.

2 TIMOTEU 4:3

Par, uwal ka ci a u baandi, wi bañaan katse wi ka niiran bëjukan bëwar, maa bu koo ro ngi ba ŋal ngi, bu kë cum mak bajukan, biki koo nja biki bukul ngëko ngi ka com ngi bukul ibats.

BAYEBËREU 13:9

Ind tsë wët ngëkoraar bëjukan ba meaatsa bi, bul pëpënand ind pëtsëp. Par awara u roon, bëtseend kë wël uwaas uyëlan; cits ngëre ka wël ngun, ngul kaats bëkat pa bamob tsi ngul.

1 PER 1:7

Mteenamana mmënts mi apiban uwak ind ka bëkat, pa wul pëtsënkan ubundan, ni përëmb, ni urispiitu, upibandari Yeesu Këristu. A wul uwak ind ape mak uwëru uni coka wi pëka bëkat, ŋal bi uwëru teenamana bi di bërua.

UPIBAN 2:14

Maa, aka ngi ndu leentsaru ngi, aci ko uties: M ka tsul ba mob biki tsi bëjukan Balaam, nul nan jukani Balak pëkuer pëgungan pa babuk Israel puu re nga n jakana ngi tsi icap, ni bukul puu ro ngëko katuk-ufuts.

UPIBAN 21:18

Pëlënk aleempëna jaspi; a përaasa leempëna uwëru ujënts cës, pi kabiirdi kajëntsal cës.

UPIBAN 3:18

Mán tseendu ibats m doon kë weel tsi nji uwëru un jëntsana wi di bërua, din kë ka bëka; weelandi iŋi-bëtiem ifaacal kë ci nan tiemee, din mkaw katiemaatsau-ko dits winaa; weelandi buts bëko pa pëkër këkësu, din kuu win.