1 KORINTU 2:6 - KARÚK-PËRIM KAWALU Nouveau Testament

⁶ Ucar, wund ka ñakanaan kameko tsi bajëŋal, maa cits kameko umundu wi, nin cits kameko babuk basien umundu wi, ki kan ba ki.

1 KORINTU 2:6 ပူးပေါင်းရင်းမြစ်များ

MATEU 13:22

A utul u yër wunk tsi buwuul iyu, aci ban te biki përim, maa gëtaag ubira ni karí përëmb umundu nëts përim a kaats bëkat.

MATEU 19:21

A Yeesu jaul: “Uci m ŋal pëci nan bai pëci nawar, tsëpan kii waap ko wi m ka wi bëlieng kë tseend baranj uncaam, kii ka bëka di batsi. Din, kë pëni kë fetsin.”

MATEU 5:48

Bi u ci bank, nda ciin ban ba biki pëci bawar, bi Asin ind nan cii di batsi ci bi nan bai pëci nawar.

LÚKAS 16:8

A nawiak bëndan namabats ni na tergaar unk bëka na tsijëna, undo bi na ro bi ngëko ni bëlipal. Par babuk umundu wi, bë lip tsi ngëko ngi bu kë ro ngi bacints bukul apean babuk ufac.

1 KORINTU 1:28

Nasien-batsi arat ngëko umundu, ngan kaats ngi bëkat, ngan tsuaatsa ngi ko, ngan cits ngi, pa pëgarëna ngan ci ngi,

1 KORINTU 12:8

Par Uwejats, ka wël nalon përim kameko; Uwejats uloole umënts wun ka wël nacints përim ume;

1 KORINTU 14:20

Batsaar ni nji, ind tsë ci upäts tsi uwejats; nda ciin upäts tsi u waraatsa wi, maa tsi uwejats, nda ciin bajëŋal.

1 KORINTU 2:1

Batsaar ni nji, bi n bi bi pëleents ind uleka ko Nasien-batsi un doots wi mea, nji leentsats ind wul tsi irim in dits yi, oo tsi kameko;

1 KORINTU 2:13

Ngëmënts ngi buts, wund añakanaan uleka ngul; cits tsi irim bëjukan kameko ñaan-najin, maa i bëjukan Uwejats. Wund kë leents ngëko ngëcär ngi Uwejats, pa biki Uwejats.

1 KORINTU 2:8

Kameko kamënts ki, nin nalon tsi bajug pëyëlan tsi umundu wi meets kul; par uci ba ro me kul, bu bitse ka ro rieŋ Ajug përëmb di kruus.

1 KORINTU 3:1

Tsi ucär batsaar ni nji, nji n doots n yëlan pëñakanaan ind, bi nja bi n doon koo ñakanaan bañaan ban tsij biki Uwejats Nasien-batsi, maa man ka pëñakanaan ind pi bañaan biki kan do biki uŋal uyamats, oo pi upäts tsi Këristu.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 13:11

A tsi utuami batsaar ni nji, nda ciin ni ulílan, nda leempari pëci ba band biki, nda liinc-liincandari, nda teelari, nda ciin tsi pëfac. Nasien-batsi bëŋal ni pëfac ka ci ni ind.

2 KORINTU 4:3

A uci Upetsan-uwar wund wama kunda, akundaa pa biki ka niam biki,

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

KOLOS 1:28

Nul Këristu, nul ni wund ci-un tsi pëleents bañaan; uja kara ñaan në car ka leentsa, kara ñaan nuu jukana tsi kameko bëlieng, pa kara ñaan wund ka bandanul na ba pëjëŋ tsi Këristu.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

BAYEBËREU 5:14

Maa bariala bëtambal aci pa ban jëŋ biki, ban ja biki ba roon, bu kë ro ko wi ka wakëtsan wi ngëwejats bukul pëpatsës uwar, ni uwutsëtsuel.

BAYEBËREU 6:1

Wul ka wun, nda ju ngë wëtan bëjukan ngëko ngëcäk tsi uleka Këristu, nja ka pënar ngëko këjëŋal. Nja tsë tsu kak ucak-cakan, un ci wi, kayaar-ibats tsi uleka ngi ñaando ngi, ngi kan tsëpandul ngi pëcäts, ni un ci wi uwak tsi Nasien-batsi,

JAKOB 3:15

kameko kamënts ki, cits kan pënë-ni ki ruets; aci ki utsia, ki uŋal ñaan-najin, ki ngëcaay.

JAKOB 3:2

Nja bëlieng, nja ka yaaraar tsi ngëcumal. Uci ñaan ci, nan ditsi ka yaaraar tsi përim, namëntsan aci ñaan nan bai pëci nawar, na yëlani pëtsëkan uliaful bëlieng.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.