1 KORINTU 15:8 - KARÚK-PËRIM KAWALU Nouveau Testament

⁸ Tsi utuami, a na pibandari buts tsi nji, pi ñaan nan bukee bëbandats.

1 KORINTU 15:8 ပူးပေါင်းရင်းမြစ်များ

NGËRO 18:9

Bëlon bërëm, a Ajug ja Pol tsi bëwinal: “Cats lal; maa ñakani, cats yëŋandar.

NGËRO 22:14

Na ja: ‘Nasien-batsi basin nja acar aratu pa pëme bëŋalul, ni pëwin bëmabalul, ni pëte përimul bërierul.

NGËRO 22:18

a n win Ajug, na jain: ‘Caran, pënan di Jerusalem ucar, par bë ri ka niiran ko wi kë ja wi bukul tsi uleka nji.’

NGËRO 22:6

A bi n depa bi bëga pëtsëp, a n dë wokan Damaasku, përuakan myëŋ pënak, tsi uyëk umënts wun a ufac batsi uwiak fietsin fayësan.

NGËRO 26:12

Tsi pëwejats përo ngëmënts ngun, a pën pëtsëp Damaasku, a n tsëpand pëyëlan ni kayëlia ki yank ki di bawiak-bajakan.

NGËRO 26:16

Maa, natsaan nats ni itsiimu. Par wul ka wun pibandari tsi bërunu, pa pëtsuu pëci naleemp, kë ciind namaatir, tsi ngëko ngi m win ngi tsi nji, ni ngi kii win ngi kak tsi nji.

NGËRO 9:17

A Ananias tsëp ee niaj di kato, a na paful iñan na ja: “Natsaar ni nji Sol! Ajug yëliin un, nul Yeesu nan cili unk tsi wi, bi kë bi bi di bëga; pa wi pëkak puu win, kë cum Uwejats-ujënts.”

1 KORINTU 9:1

Nji, in facäts-a? Nji, in cits napostolu-a? Nji, in winats Yeesu Ajug inja-a? Ane nda cits mbuk uleemp nji tsi Ajug-a?