1 KORINTU 15:2 - KARÚK-PËRIM KAWALU Nouveau Testament

² tsi wul buts tsi nda buerëna tsun, uci nda gaang wul bi n leents ind bi wul; uci nda roots unk ba, uwak ind di ka ka bëkat.

1 KORINTU 15:2 ပူးပေါင်းရင်းမြစ်များ

LÚKAS 8:13

Utul u yër wunk tsi tsëko ilaak, aci ba nja biki ba te përim Nasien-batsi, bu ka niiran pul ni ulílan, maa bu liincats. Uwak bukul di ka jon; u band uwal mteen-teenana, din bu ka fats ufets.

NGËRO 2:47

Bu kë bëndan Nasien-batsi, a bañaan lílandër bukul bëlieng. Uja kara unu, Ajug kë watsës tsi bukul ban buëri biki.

NGËRO 8:13

Simon bërierul buts, afiaar a na mijana, na mob tsi pëfets Filip; a nu win ngëpibanaani ngëwiak, ni ngëko bawitsa ngan roa ngi, a na pikra.

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 11:22

Wejatsi-e kawara-uwaas Nasien-batsi, ni bi na tamb bi buts: nul atamb, pa ba yër biki; maa awara uwaas pa wi, uci m mob m liincan tsi kawara-uwaas Nasien-batsi; ucits ank ba, wi buts kë falaa.

1 KORINTU 1:18

Tsi ucär, përim kruus aci bëfuur pa biki ka niam biki, maa pa n ja ban buer biki, aci pëyëlan Nasien-batsi.

1 KORINTU 1:21

Par, Nasien-batsi tsi kamekoul, tsuuts umundu u meul tsi kamekoul bërierul; maa ba uwak biki, abueranaan bukul bëfuur kaleents-përim.

1 KORINTU 11:2

Tsi ucär, man bëndan ind, par nda ja nda roon ndu lesin tsi ko un ci wi-ba këci, a nda mob tsi ngëdiimaan ngi n wël ind ngi.

1 KORINTU 15:14

A uci Këristu natsaatsee di pëcäts, kaleents-përim wund kaats bëkat, uwak ind buts kaats bëkat;

2 KORINTU 2:15

Par tsi Nasien-batsi, ngë ci pëñal Këristu pëlílal; uci ank ban ci biki tsi pëbuer, ŋal ban ci biki tsi pëniam.

2 KORINTU 6:1

A wund biki ka leemp biki ni Nasien-batsi, wund abuara ind, ind tsë tienkëtsan bëtseend bi nda yank bi di Nasien-batsi.

GALAASIA 3:4

Ane unoor wi nda miira wink bëlieng aci-un kaats wi bëkat-a? Uci u ci ank, kaats bëkat.

EFEESU 2:8

Par tsi bëtseend ka bun nda buer, tsi undo uwak ind. Umënts wan biinatsi tsi ind, aci ko wi Nasien-batsi wël wi;

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

2 TESALONIKA 2:15

Batsaar ni wund, bi u ci bank, nda liincandari, ndë mob tsi ngëdimaan ngi nda jukana ngi; uci ank tsi ko wi wund jukan ind wi ni mtum, oo tsi uletar wund.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

BAYEBËREU 10:23

Nda ju ngë mob ngë liincandar tsi pëñakan uleka uwats, te ngë rits tankëlan; par na watsani, aci na njai na roon në mob tsi përim.

BAYEBËREU 2:1

Wul ka wun, ngë ka pëkat ibats mak tsi uleka ngi ngë te ngi, pa ngë rits pën tsi bëga.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

BAYEBËREU 3:6

Maa Këristu amob tsi përim, undo bi na ci bi Abuk a na tsijëna kato Nasien-batsi. A kato kamënts, n ja ci bukun kul, uci ngë mob aliincan tsi bëyeentsal ni upícëni tsi uwats.

BAYEBËREU 4:14

A bi ngë ka bink nan pei pëci nawiak-bajakan, nul niints nawiak, nan tsëpi a na par-na batsi ban ci bi-ba këci, nul Yeesu, Abuk Nasien-batsi, nda ju ngë mob uwak wi ngë pets wi, ngë liincan.

JAKOB 2:14

Batsaar ni nji! We kat wun kalon ñaan pëja aka uwak, maa a di ka ro ngëko ngëwar? Uwak wan a yëlan pëbuera nul-a?

JAKOB 2:17

Unk di uwak ci run buts: Uci u pibanats ngëwar, ci wun a cäts bërier wul.

JAKOB 2:26

Bi uja bunk uliaf kaats uyafënts u cats, unk buts uwak a cäts uci u pibanats ngëwar.