1 KORINTU 14:6 - KARÚK-PËRIM KAWALU Nouveau Testament

⁶ Maa inkri, batsaar ni nji, uci n bi di ind a ndu n ñakan mleents ngëtsooŋ, buom bëkat bi n du n kaar ind bun, uci ñakanaanats ind tsi upiban, oo tsi ume, oo tsi pëleents u meaatsa wi, oo tsi bëjukan?

1 KORINTU 14:6 ပူးပေါင်းရင်းမြစ်များ

MATEU 11:25

Tsi uwal umënts wun, a Yeesu ja: “Man bëndanu, Paapa, Ajug batsi ni utsia. Par, m bek ngëko ngëmënts ngi, m lawan ngul bameko ni balipal, a m piban ngul upäts uties.

MATEU 16:17

A Yeesu ñakan kak ajaul: “M naak, Simon, abuk Jonas; par cits uyamats ni pëñaak pibanu ngun ko wan, maa aci Asin nji nan cii di batsi.

MATEU 16:26

We kat wun koon ñaan pëpe umundu upëban, maa na niaman beenul? Oo we wi ñaan kë wël wun, pa pëtsëtsëlaan ubiiraul?

NGËRO 2:42

Bu mob tsi bëjukan bapostolu, ni tsi manteelar, ni tsi katawës upom, ni tsi bëñaan.

ROOMA 15:14

Batsaar ni nji, nji bërierin man niiran nda cum ni karo-uwar, a nda cum ni ume un ci wi-ba këci, pa ind puu tseendëlar ibats.

ROOMA 16:17

Batsaar ni nji, man buara ind pa nda ruk ibats tsi uleka ba nja biki ba roon bu kë tsiji ngëkicës ni pëtsu bañaan ba yër, ba ja ba roon bu kë pok bëjukan bi nda jukana bi; nda lawani bukul,

ROOMA 6:17

Ngë ja Nasien-batsi baran! Ind ban do biki ci baluek ujuban, maa, nda niiran di ngëwaas ind bëlieng bëjukan ba naam bi ni bi nda wëla bi.

1 KORINTU 10:33

Unk nji buts, ma nja n doon ka tsas pëlilan bañaan ngëwaas bëlieng, tsi ko un ci wi-ba këci. In di ka n tsas uwar pa nji bërierin, maa mán tsas uwar pa bacumal, pa ba yëlan pëbuer.

1 KORINTU 14:1

Nda fetsan bëŋal, ndë liincandar tsi pëtsas ngëtseend Uwejats, maa pëpeena utseend pëleents nga meaatsa ngi.

1 KORINTU 14:7

Unk buts di iŋi pëlas ci run, un ci wi pëncand oo bëncuundu u las yul. Uci uleentsar yul patsëlarats, um bi ñaan kë yëkëran bun përim pan lasa pi di pëncand oo bëncuundu?

2 KORINTU 11:6

Ŋal bi n cits bi nayël uñakan, in cits wël tsi ume; tsi ucär, wund apiban ind ngëmënts ngun tsi ko un jënts wi, tsi ngëko bëlieng.

2 KORINTU 12:1

Afiera nji pëbëndan been nji, ŋal bi pa kaats bi bëkat. Maa, mán ñakanaan uleka buwinal bi Ajug wëlin bi, ni ngëko ngi na pibanin ngi.

2 KORINTU 12:7

A nji përits cum ni pëbëndan been nji tsi undo ngëko ngëwar mak ngi Nasien-batsi pibanin ngi, a n tsuaa kayu tsi uyamats nji; ulon uwaanju Useetaani atsua pëwaŋin tsi kambakats, pa nji përits bëndan been nji.

EFEESU 1:17

Nasien-batsi Yeesu Këristu Ajug nja nul Asin, nan dëmbanee, na wëlan ind uwejats kameko ni upiban, u tsu ind ndë meul.

EFEESU 3:4

Ulayir ind yul, ndë yëlan pëme uwar balipal nji, tsi wi Këristu undoots wi mea.

FILIIPUS 3:15

Bi u ci bank, n ja bëlieng ban jëŋ biki, nda ju ngë tsij uwejats umënts wun. A uci ko ci, wi nda pats wi buwejatsar tsi wul, Nasien-batsi kee jëntsan ind wul buts.

2 TIMOTEU 2:14

Moban tsi puu lesan bukul ngëmënts ngun. Caran leents bukul tsi bërun Nasien-batsi; jaan bukul ba wët mantotëlër tsi irim; mul kaats bëkat, aci mi ka niaman mi biki kan cikëndën biki.

2 TIMOTEU 3:10

Maa wi, m mob uwar tsi bëjukan nji, bëro nji, ko wi n tsaag wi, uwak nji, umiira nji, bëŋal nji, pëtambandar nji,

2 TIMOTEU 3:16

Bëpican bëlieng aci Nasien-batsi futsi un bul, a ba ka bëkat pa bëjukan, pa pëpok un ka wi pëpoka, pa pëcikës, pa pëkusa tsi bëmabal.

2 TIMOTEU 4:2

Leentsan përim Nasien-batsi; uwal wara oo u waraatsa ank, moban tsi puu leents pul. Pibani un cits wi ucär, leentsari nan kai pëleentsara, liinc-liincani ngëwaas bañaan; kuu ro ank ni umiira bëlieng, kuu jukanaand.

TIITU 3:8

Përim pëmënts pi aci pan waka pi; a ŋal m doon kë mob mak tsi puu leents ngëmënts ngun, pa ba uwak biki tsi Nasien-batsi ka baar ibats tsi puu ro ngëwar. Ngëmënts ngun aci nga wara ngi mak, a nga ka bëkat pa bañaan.

BAYEBËREU 13:9

Ind tsë wët ngëkoraar bëjukan ba meaatsa bi, bul pëpënand ind pëtsëp. Par awara u roon, bëtseend kë wël uwaas uyëlan; cits ngëre ka wël ngun, ngul kaats bëkat pa bamob tsi ngul.

2 PER 1:5

Undo ko umënts wi, nda tambandari ndë watsës karo-uwar tsi ruets uwak ind; tsi ruets karo-uwar, ndë watsës ume;

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!

2 JOŊ 1:9

Ñaan nan tsëpi ba këtsëp alawan mak, na mobatsi tsi bëjukan Këristu, kaats Nasien-batsi; maa na mobi tsi bëjukan bëmënts bi, namëntsi aka Asin na kaand Abuk.