1 KORINTU 14:4 - KARÚK-PËRIM KAWALU Nouveau Testament

⁴ Ni ka ñakani mleents ngëtsooŋ, beenul bërierul bi nu liincan bun, maa ni ka leentsi u meaatsa wi, ka liinc-liincan Ngëriisia.

1 KORINTU 14:4 ပူးပေါင်းရင်းမြစ်များ

MARKU 16:17

A ngëpibanaani ngi, ka ci ngun ni ba Uwak biki: Tsi katim nji, bu koo ruak ngëcaay, bu koo ñakan mleents mwalu,

ROOMA 14:19

Unk, nda ju ngë mob tsi pëfets ngëko ngi kan wël ngi pëfac, ni ngi kan tsu ngi ñaan në liinc-liincan acintsul.

1 KORINTU 12:10

u wël nalon përo ngëko bawitsa; u wël nacints pëleents nga meaatsa ngi; u wël nalon kak pëyëkëran ngëkoraar ngëwejats; u wël nacints kak pëñakan ngëkoraar mleents; a nalon, u wëlul pëpaci ko wi mleents ja wi.

1 KORINTU 12:28

Di Ngëriisia, Nasien-batsi atsu balon pëci bapostolu ucak; utëbantsan, bayëlia; uwaajantsan, bajukan; a uu ba, baro bawitsa; a uu ba, ban ka biki ngëtseend pa pëyësan, ni batsënk, ni ba tsijëna, ni bañakan mleents ngëtsooŋ.

1 KORINTU 13:1

Ŋal koo n ñakan mleents bañaan-bajin, ni ngi ngëwaanju, maa uci n kaats bëŋal ka ci pi pëfeeru ka cajës pun, oo pi usiinu ka las wun.

1 KORINTU 13:2

Ŋal ka tsij utseend pa pëleents u meaatsa wi, a me bëlieng ngëtsaag ngan doots ngi meaa, a meend ngëko bëlieng; ŋal ka tsij uwak awiak pa pëkikës ngëntunda, maa uci n kaats bëŋal, in di ka n ci ko.

1 KORINTU 14:12

Unk ind buts, bi nda ŋal bink ngëtseend Uwejats, nda tsasan puu watsës ngul, pa pëliinc-liincanaan Ngëriisia.

1 KORINTU 14:22

Unk, mleents ngëtsooŋ cits upibanaani pa ba uwak biki, maa aci upibanaani pa ba uwakats biki. Maa pëleents u meaatsa wi, cits upibanaani pa ba uwakats biki, maa aci upibanaani pa ba uwak biki.

1 KORINTU 14:26

Bi u ci bank batsaar ni nji, we ka rolaa wun? Uwal wi nda júk wi tsëloole, nalon ka ka kaya, nacints ka ka ko wi nu jukan wi, nalon ka ka upiban, nacints ka ka mleents ngëtsooŋ, nalon kak ka ka puu pac irim. Ko wan bëlieng u rolaan pa pënatsan Ngëriisia.

1 KORINTU 14:3

Maa ni ka leentsi u meaatsa wi, ka ñakanaan bañaan, nuu liinc-liincan bukul, nuu tseend bukul ibats, nuu liincan bukul ngëwaas.

1 KORINTU 14:5

Nji man do ŋal ind bëlieng puu ñakan mleents ngëtsooŋ, maa man pe pëŋal ind puu leentsi nga meaatsa ngi; par ni ka leentsi u meaatsa wi, ape ni ka ñakani mleents ngëtsooŋ, uroko uci nuu pac irim i nuu ñakan yi, pa pëliinc-liincan Ngëriisia.