1 KORINTU 14:26 - KARÚK-PËRIM KAWALU Nouveau Testament

²⁶ Bi u ci bank batsaar ni nji, we ka rolaa wun? Uwal wi nda júk wi tsëloole, nalon ka ka kaya, nacints ka ka ko wi nu jukan wi, nalon ka ka upiban, nacints ka ka mleents ngëtsooŋ, nalon kak ka ka puu pac irim. Ko wan bëlieng u rolaan pa pënatsan Ngëriisia.

1 KORINTU 14:26 ပူးပေါင်းရင်းမြစ်များ

ROOMA 1:13

Batsaar ni nji, in ŋalats ind pëmeets ne, ngëyaas ngëcumal ngi n yecis ngi pëbi di ind, pii ka buts këlon këbuk tsi ind, bi n ka bi buts tsi ban cits biki Bajudeu; maa te inkri a n laaŋa.

ROOMA 12:7

uci pa puu leempëna, na leempëni wul; uci pa puu jukanaan, na jukanaani wul;

ROOMA 14:19

Unk, nda ju ngë mob tsi pëfets ngëko ngi kan wël ngi pëfac, ni ngi kan tsu ngi ñaan në liinc-liincan acintsul.

ROOMA 15:2

Kara ñaan tsi nja na roan acintsul ko u lílul wi, a u wara pa pëliincanul.

1 KORINTU 14:15

Wee ndu ndo wun inkri? Mán ñaan tsi uwejats, maa mán ñaan buts tsi ume; mán ya tsi uwejats, maa mán ya buts tsi ume.

1 KORINTU 14:2

Par ni ka ñakani mleents ngëtsooŋ, ñakanaanats bañaan, maa añakanaan Nasien-batsi, par ñaan di ka me ko wi nuu ja wi, a tsi uwejats nuu ñakan ngandoots ngi meaa.

1 KORINTU 14:27

A uci ñaan kë ñakan uliingu utsooŋ, bukul tsë pe bañaan batëb, oo uci bu kë cum ba ciin bawaants, bu kë ro unk kara bëyaas; unk u ka ni koon paci irim i bu kë ñakan yi.

1 KORINTU 14:40

Maa ngëko ka përolaa bëlieng uwar, bi u ka bi përolaa.

2 KORINTU 12:19

Nda jon tsi pëwejats koo ja, wund aŋal pënatsar iyeen wund tsi bërun ind. Wund ka ñakan tsi uŋal Këristu tsi bërun Nasien-batsi. A ngan bëlieng, aci pa pëliincan ind, ind ba ŋala biki.

2 KORINTU 13:10

Wul ka wun, man pican ngëko ngi uwal wi n cits wi ni ind; pa u ci nji ni ind, in dits ndoon ind uyëlan tsi pëyëlan pi Ajug wëlin pi pa puu liinc-liincanaan bañaan; maa cits pa pëcok.

EFEESU 4:12

pa pëyecis bayëman pa përo uleemp, pa bukul pënatsan uliaf Këristu,

EFEESU 4:16

aci-undoul ka un uliaf ci upëban a u mobular uwar tsi ngësúk bëlieng, ngi u ka ngi. Unk, uwal wi kara ubuuru kë leemp wi bi u ka bi përo, uliaf bëlieng kë wiaka uu watsësar tsi bëŋal.

EFEESU 4:29

Përim pa waraatsa pi tsë pëni di itum ind, maa përim pa wara pi baŋ pa pëleempëna tsi pa fiera tsi, pë wël bëtseend pa ban te biki pul.

EFEESU 5:19

Nda ru kë jaalar irim tsi uya ubëndan, ni uya ubaran, ni iya tsi Uwejats-ujënts. Nda ru kë ya, nduu bëndan Ajug tsi ngëwaas ind bëlieng;

1 TESALONIKA 5:11

Wul ka wun, nda liinc-liincandari ngëwaas, nduu tsënkëlar, bi nda ci bunk ba tsi përo.